काय आहे ही पोस्ट
अभिनेत्री सुष्मिता सेन हिने इन्स्टाग्रामवर तिच्या तब्येतिविषयी माहिती दिली. वयाच्या ४७ व्या वर्षी सुष्मिता सेन हृदयविकाराचा झटका आला या पोस्टमध्ये तीने सांगितले की ‘ मला काही दिवसांपूर्वी हृदयविकाराचा झटका आला. अँजिओप्लास्टी करण्यात आली आणि स्टेंटही टाकण्यात आले. सर्वात महत्त्वाचं म्हणजे माझ्या डॉक्टरांनी ‘माझं हृदय फार मोठं आहे’ असं सांगितलं. यावेळी सर्वांनी मला केलेल्या मदती बद्दल आभार. यात सर्वात चांगली गोष्ट अशी आहे की मी आता ठणठणीत आहे. पुन्हा नव्या जोमाने आपले आयुष्य जगायला तयार आहे. मी तुमच्यावर खूप प्रेम करते.
(वाचा :- Reduce Cholesterol: या 8 नैसर्गिक उपायांनी घाणेरडा कोलेस्ट्रॉल आटोक्यात ठेवा, औषधांची गरज ही भासणार नाही)
चाहत्यांची प्रतिक्रिया
सुष्मिता सेनची पोस्ट वाचून तिच्या चाहत्यांना धक्का बसला आहे. काही चाहत्यांनी तिच्या निरोगी आयुष्यासाठी प्रार्थना केली आहे. तर काहींनी ‘लवकर बरी होशील’ असे म्हणत तिला धीर दिला आहे. या फोटोवर चाहत्यांनी कमेट्समध्ये पाऊसच पाडला आहे.
(वाचा :- सावधान! भारतात कॉलराचा धोका वाढला, आधी पोट बिघडणार, मग काही तासातच जीव गमवावा लागेल)
पाच वर्षे वेगवेगळ्या आजारांशी झुंज
गेल्या दहा वर्षातील पाच वर्षे चांगली गेलीत. पण, पाच वर्षे वेगवेगळ्या आजारांशी झुंज देत आहे. गेली पाच वर्षे माझ्या जीवनात अंधार आहे. पण माझ्या आयुष्यात आशेचा एक किरण आला आहे.
(वाचा :- Ways to Reduce Uric Acid: ना औषध, ना पथ्यपाणी फक्त या 8 गोष्टी करा, युरीक अॅसिड रक्तातूनच खेचून वेगळे होईल)
हृदयविकाराचा झटका येण्याची कारणे
हृदयविकाराचा झटका येण्याच्या मुख्य कारणांमध्ये आयुष्यातील वाढता ताण जबाबदार असतो. बदललेल्या जीवनशैलीमुळे स्थूलपणा वाढण्याचे प्रमाण वाढले आहे. कामाचे स्वरूप बदलल्याने नवनव्या ताणांना सामोरे जावे लागत आहे.
हृदयावरील ताण वाढत असल्याने एका मर्यादेपलीकडे तो असह्य होऊन हृदयविकाराचे झटके येण्याचे प्रमाण वाढले आहे. याशिवाय वंशपरंपरेमुळेही हृदयविकाराचा त्रास जडतो. त्याचप्रमाणे अपुरी झोप हे देखील त्याचे कारण असू शकते.
या कारणांमुळेही येतो हृदयविकाराचा झटका
- फास्ट फूडचे अतिसेवन
- उच्च रक्तदाबाचा त्रास
- रक्तातील कोलेस्ट्रॉल वाढ
- मधुमेहाचा त्रास
- आधुनिक जीवनशैलीच जबाबदार आहे.
हृदयविकाराची लक्षणे
कोणताही आजर आपल्याला पटकन होत नाही. आपले शरीर त्याची लक्षणे आपल्याला अधीच देत असते. हृदयविकाराचा झटका येण्याआधी शरीर काही संकेत देत असते.या संकेतांमध्ये छातीत दुखणे वा छातीच्या आसपास अचानक दुखणे, जडत्व येणे, हात-पाय, पोट, पाठ आणि घसा यांच्यात वेदना सुरू होणे, श्वसनास त्रास जाणवणे, खूप घाम येणे, मळमळणे यांसारख्या लक्षणांचा समावेश आहे.
(वाचा :- Shark Tank India च्या विनीता सिंगला आला Panic Attack,अशा परिस्थितीत घाबरून जाण्यापेक्षा या ८ गोष्टी करा)
हृदयविकार टाळायचा असेल तर या गोष्टी करा
- हृदयविकार टाळण्यासाठी आहार नियमित असणे गरजेचे असते.
- दररोज व्यायाम आवश्यक असतो
- तणावमुक्तीसाठी योगसाधना करावी
- फास्ट फूट शक्यतो टाळावे
- आहारात पालेभाज्या आणि फळांचा समावेश अधिकाधिक असावा
(टीप: हा लेख फक्त सामान्य माहितीसाठी आहे. हे कोणत्याही प्रकारे कोणत्याही औषधाचा किंवा उपचारांचा पर्याय असू शकत नाही. अधिक तपशीलांसाठी नेहमी आपल्या डॉक्टरांचा सल्ला घ्या.)