विद्यार्थी-पालकांना मोठा दिलासा; परीक्षा संपताच शाळांना सुट्टी

शिक्षण विभागाने गेल्या शुक्रवारी परिपत्रक काढून उन्हाळ्यातही शाळा सुरू ठेवण्यास परवानगी दिली होती. या परिपत्रकात शाळांनी अभ्यासक्रम पूर्ण करून एप्रिल महिन्याच्या तिसऱ्या आठवड्यात परीक्षा घ्याव्यात, ३० एप्रिलपर्यंत शाळा सुरू ठेवाव्यात; तसेच गरज पडल्यास शनिवारी, रविवारीही शाळा सुरू ठेवाव्यात, असे नमूद केले होते. मात्र, यापूर्वीच परीक्षांचे नियोजन केलेल्या शाळांचा या निर्णयामुळे गोंधळ उडाला होता. एप्रिलच्या पहिल्या, दुसऱ्या आठवड्यात परीक्षांचे आयोजन केलेल्या शाळांनी परीक्षा पुढे ढकलायच्या का, असा प्रश्न निर्माण झाला होता. अखेर शिक्षण आयुक्त सूरज मांढरे यांनी याबाबत स्पष्टीकरण दिले असून, परीक्षांचे नियोजन बदलण्याची गरज नसल्याचे सांगितले आहे.

शिक्षण विभागाने घेतलेला निर्णय अभ्यासक्रम पूर्ण झालेल्या शाळांसाठी नव्हता. त्यांनी त्यांच्या नियोजित वेळापत्रकानुसार परीक्षा घ्याव्यात. अभ्यासक्रम पूर्ण झाला नसल्यास शिक्षण विभागाने प्रसिद्ध केलेल्या परिपत्रकानुसार कार्यवाही करणे अपेक्षित आहे. काही जणांकडून या निर्णयाबाबत गोंधळाचे वातावरण निर्माण केले गेले.

– सूरज मांढरे, शिक्षण आयुक्त

पहिली ते नववी, अकरावीच्या शाळा एप्रिलपर्यंत पूर्णवेळ सुरू राहणार

SSC Result 2022: दहावी, बारावी परीक्षेच्या उत्तरपत्रिकांचे गठ्ठे पडूनच