श्रीलंकेने आशिया कप जिंकल्यावर महेला जयवर्धने मुंबई इंडियन्सच्या प्रशिक्षपदावर का नाहीत, पाहा…

मुंबई : श्रीलंकेने आशिया चषक जिंकला आणि त्यानंतर महेला जयवर्धने यांना मुंबई इंडियन्सच्या प्रशिक्षकपदावर ठेवण्यात आले नाही. आशिया चषक जिंकल्यावर काही दिवसांमध्येच ही गोष्ट घडल्याचे पाहायला मिळाले.

श्रीलंकेने ११ सप्टेंबरला आशिया चषक स्पर्धेच्या जेतेपदाला गवसणी घातली. त्यानंतर काही दिवसांमध्येच मुंबई इंडियन्सने आपल्या संघात मोठा बदल केल्याचे पाहायला मिळाले. मुंबई इंडियन्सच्या प्रशिक्षकपदावर महेला जयवर्धने यांना कायम ठेवण्यात आले नाही. महेलाने २०१७ साली मुंबई इंडियन्सच्या संघाचे प्रशिक्षकपद स्विकारले होते. महेला यांनी प्रशिक्षकपद स्विकारल्यावर मुंबई इंडियन्सने तीनवेळा जेतेपद पटकावले. पण गेल्यावर्षी झालेल्या आयपीएलमध्ये मुंबई इंडियन्सची कामगिरी सर्वात वाईट झाली होती. आयपीएलमधून मुंबई इंडियन्स हा गेल्यावर्षी सर्वात पहिल्यांदा बाहेर पडला होता. मुंबई इंडियन्सच्या संघावर नामुष्कीची वेळ यावेळी आली होती. तब्बल पाचवेळा मुंबई इंडियन्सने आयपीएलचे जेतेपद जिंकले आहे. पण आतापर्यंत मुंबई इंडियन्सच्या संघावर अशी वेळ कधीच आली नव्हती. पण गेल्यावर्षी मात्र त्यांच्यावरर नामुष्की ओढवली होती.

महेला जयवर्धने यांच्याकडे जर श्रीलंकेचे किंवा अन्य कोणत्या देशाचे जेतेपद मिळाले तर त्याला मुंबई इंडियन्सचे प्रशिक्षकपद सोडावे लागू शकते. श्रीलंकेच्या संघाने आता आशिया चषक जिंकला आहे आणि विश्वचषक जिंकण्याची त्यांना चांगली संधी असेल. त्यामुळे जयवर्धने यांची ते मदत घेऊ शकतात. पण त्यावेळी त्यांना मुंबई इंडियन्सचे प्रशिक्षकपद सोडावे लागणार आहे. त्यामुळे कोणत्या संघाचे प्रशिक्षकपद भूषवायचे, हा निर्णय त्यांना घ्यावा लागेल.

श्रीलंकेने आशिया चषक जिंकला आणि महेला यांच्याकडून मुंबई इंडियन्सचे प्रशिक्षकपद गेले. हा निव्वळ योगायोग आहे. पण महेला यांचे यावेळी प्रमोशन झाल्याचे पाहायला मिळत आहे. आता जयवर्धने हे मुंबई इंडियन्सचे प्रशिक्षक नसतील ही गोष्ट खरी आहे, कारण या पदासाठी आता मार्क बाऊचर यांची निवड करण्यात आली आहे. महेला यांना प्रमोशन मिळत ते आता मुंबई इंडियन्स या फ्रँचायझीचे मुख्य प्रशिक्षक झाले आहेत. आता रिलायन्सकडे फक्त आयपीएलमधील मुंबई इंडियन्स हा संघ नाही तर त्यांच्याकडे आता अन्य दोन संघांचीही जबाबदारी असेल. त्यामुळे आता महेला आयपीएलमधील मुंबई इंडियन्सचे प्रशिक्षक नसेल तरी त्यांच्याकडे आता त्यापेक्षा मोठा जबाबदारी सोपवण्यात आली आहे.