शाहरुख खानच्या लाडक्या लेकाची करियरची सुरुवात, हिरो नाही तर महत्त्वाच्या भूमिकेत आहे आर्यन!

मुंबई :शाहरुख खान आणि गौरी खानचा लाडका लेक आर्यन आता मनोरंजनाच्या दुनियेत पाऊल ठेवायला सज्ज झाला आहे. आर्यन वेब सीरिजमधून पदार्पण करत आहे. पण आर्यन काही हिरोची भूमिका करत नाहीय.

आर्यननं या वेब सीरिजचं लेखन केलं आहे. २४ वर्षांच्या आर्यननं लेखनाचं काम पूर्ण केलंय. आता या वेब सीरिजसाठी कलाकारांची निवड सुरू आहे. त्यात स्वत: आर्यन लक्ष घालतोय. तो कलाकारांच्या ऑडिशन्स पाहतोय. प्रत्येकाचं प्रोफाइल तपासून घेतोय.

Video : रणबीर-आलियाला माधुरी दीक्षितनं दिली मौल्यवान भेटवस्तू, भारावून गेल्या नीतू कपूर

या वर्षाच्या शेवटी सुरू होईल शूटिंग
आर्यन व्यक्तिरेखेत कोण योग्य वाटेल, ते पाहतोय. काही नावं शाॅर्ट लिस्टिंगही केली आहेत, असंही सांगितलं जातंय. त्यामुळे आता शूटिंग नोव्हेंबर डिसेंबरमध्ये सुरू होईल, असं म्हटलं जातंय.

एका मुलाखतीत शाहरुख खान म्हणाला होता, आर्यनला अभिनयात फारसा रस नाही. त्याला दिग्दर्शन आणि लेखनात जास्त रस आहे. त्याला फिल्म मेकर व्हायचं आहे.

आर्यनबरोबर बिलालही आहे सहलेखक
आर्यन खानच्या वेब सीरिजचा विषय फिल्मी जगताशी संबंधित आहे. ही सीरिज फिल्म इंडस्ट्रीमधल्या अनेक गोष्टी दाखवणार आहे. आर्यनबरोबर बिलाल सिद्दीकीही लेखक आहे. बिलालनं नेटफ्लिक्सचा शो बार्ड ऑफ ब्लडचं लेखन केलंय. असं म्हणतात जर्सी सिनेमातला अभिनेता प्रीत कमानी या वेब सीरिजमध्ये असू शकेल. आर्यन लेखक म्हणून कसा लिहितो, याची उत्सुकता सगळ्यांनाच आहे.

गेल्या वर्षी २ ऑक्टोबरला आर्यन खान याला नारकोटिक्स कंट्रोल ब्युरो अर्थात एनसीबीनं ड्रग्ज प्रकरणी गोव्याकडे जाणाऱ्या क्रुझवरून अटक केली होती. त्यानंतर आर्यन २५ दिवस तुरुंगात होता. प्रदीर्घ अशा कायदेशीर प्रक्रियेनंतर आर्यनला जामिन मिळाला. त्यानंतर याप्रकरणी आर्यनला एनसीबीनं क्लीन चीटही दिली.

Video : आशुतोषवर ओढवलं मोठं संकट,अरुंधती पाठीशी ठाम उभी, नात्याला येणार नवा रंग