“संजय राऊतांना भीती वाटणं साहजिक आहे कारण…”; किरीट सोमय्या-संजय राऊत आरोप-प्रत्यारोप सुरूच!

आता उद्धव ठाकरेंचे १९ बंगले पायाखाली आले म्हणून आत्ता नोटीस पाठवली आहे, असंही सोमय्या म्हणाले.

शिवसेना खासदार संजय राऊत आणि भाजप नेते किरीट सोमय्या यांच्यात गेल्या काही दिवसांपासून आरोप प्रत्यारोपांचं सत्र सुरुच आहे. अशातच आता किरीट सोमय्या यांच्यावर गुन्हा दाखल करण्यात आला आहे. किरीट सोमय्या यांनी काही दिवसांपूर्वी राष्ट्रवादी काँग्रेसचे नेते छगन भुजबळ यांच्या सांताक्रुझमधील मालमत्तेची पाहणी केली होती. त्यामुळे सोमय्या यांच्यावर गुन्हा दाखल करण्यात आला. याबद्दल आता किरीट सोमय्यांनी प्रतिक्रिया दिली आहे.

गुन्हा दाखल झाल्याची माहिती किरीट सोमय्या यांनी स्वतःच ट्वीट करत दिली आहे. त्यानंतर टीव्ही ९ शी बोलताना सोमय्या म्हणाले, “पॅन्डेमिक अॅक्टअंतर्गत माझ्यावर गुन्हा दाखल केला आहे. पण माझ्यावर गुन्हा दाखल करण्याची उद्धव ठाकरेंमध्ये हिंमत नाही आणि मी असं काही केलेलं पण नाही. ४ सप्टेंबरला छगन भुजबळांची बेनामी प्रॉपर्टी जप्त झाली. त्यानंतर मी भुजबळ सध्या जिथं राहतात सांताक्रूझला त्या ९ मजली घराची पाहणी करायला गेलो. तेपण लांबून..कारण मला पोलिसांनी अडवलं आणि याच्या पुढे जायचं नाही असं सांगितलं. त्या वेळची नोटीस आत्ता पाठवलीये. त्यावेळी नियमांचं भंग झाला वगैरे असं काय काय त्यामध्ये लिहिलेलं आहे”.

हेही वाचा – संजय राऊतांचा सोमय्यांवर शेकडो कोटींच्या घोटाळ्याचा आरोप; पण फडणवीसांना क्लीन चिट, म्हणाले, “आपल्या मागे…”

ही नोटीस का पाठवली हे सांगताना किरीट सोमय्या म्हणाले, “आता उद्धव ठाकरेंचे १९ बंगले पायाखाली आले म्हणून आत्ता नोटीस पाठवली आहे. पण ठीक आहे संजय राऊतांना भीती वाटणं साहजिक आहे. त्यांचा पार्टनर सुजीत ईडीकडे जाऊन येऊन आहे. तो काय सांगेल बोलेल याबद्दल माहिती नाही. प्रवीण राऊत जेलमध्ये आहेत. त्यामुळे त्यांना भीती वाटणारच. पण ठीक आहे आता पोलिसांची नोटीस आलीये त्यामुळे कायदा आणि सुव्यवस्था राखण्यासाठी आम्ही जाणार. आजची ही १८ वी केस आहे. हवे तेवढे गुन्हे दाखल करा पण मी घोटाळेबाज ठाकरे सरकारला उघडं पाडणार”.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.



Source link

About Admin

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

“मराठी कलाकार स्वत: सेटवर हिंदीत बोलतात”, अजय-अतुलच्या जोडीतील अतुलने केली तक्रार

मराठी राजभाषा दिनाच्या निमित्तानं दिलेल्या मुलाखतती अतुलने ही तक्रार केली आहे. दिग्दर्शक नागराज मंजुळे आणि …

Russia – Ukraine War : ठाणे जिल्ह्यातील ३१ विद्यार्थी युक्रेनमध्ये अडकले

हे सर्व विद्यार्थी वैद्यकीय शिक्षण घेण्यासाठी युक्रेनमध्ये गेलेले आहेत. ठाणे जिल्ह्यातील विविध शहरांमधील ३१ विद्यार्थी …