Saina Parupalli Love Story: १८ वर्ष दुनियेपासून लपवले प्रेम, पारूपल्लीशी बांधली लग्नगाठ

बचपन का प्यार…

असं म्हणतात लहानपणीचं प्रेम आणि पहिलं प्रेम मिळायला भाग्य लागतं आणि ते प्रेम कायमस्वरूपी आपलं असलं की आयुष्यात कशाची कमतरता भासत नाही. असेच सायना आणि पारूपल्ली हे दोघेही नशीबवान आहेत. वयाच्या १० वर्षापासून दोघेही एकमेकांना ओळखत आहेत.

कशी झाली पहिली भेट

सायना आणि कश्यपची पहिली भेट २००० मध्ये बॅडमिंटन कोचिंग शिबिरमध्येच झाली आणि दोघेही तेव्हापासूनच दोघे एकमेकांना आवडू लागले होते. पण दोघांनीही आपल्या खेळाच्या आणि करिअरच्या मध्ये कधीच आपले प्रेम येऊ दिले नाही.

(वाचा – Alia Bhatt Birthday: आलिया – रणबीरची ‘अजब प्रेम की गजब कहानी’, लहानपणापासूनच्या क्रशसह लग्नबंधनात)

अनेक वर्ष केले डेटिंग

एका मुलाखतीमध्ये कश्यपने सांगितले होते की, सायना आणि त्याने अनेक वर्ष एकमेकांना डेट केले. मात्र ही गोष्ट ते आपल्या मित्रमैत्रिणींपासून लपवायचे कारण दोघेही अत्यंत लाजाळू होते आणि त्यावेळी या गोष्टीसाठी घाबरलेले होते. सायना हरयाणाची तर पारूपल्ली दक्षिणेकडचा. त्यामुळे ही दोन टोकं होती.

(वाचा – जोडीदाराबरोबर झालाय वाद तर पाठवा असे क्युट मेसेज आणि त्वरीत काढा राग)

२०१० मध्ये झाली प्रेमाची जाणीव

सायना आणि पारूपल्ली एकमेकांना १८ वर्ष ओळखत होते. त्यानंतरच त्यांनी लग्न केले. मात्र लहानपणापासून एकाच गुरूकडे शिकले तर प्रेमातही पडले. पण खरी जाणीव सायनाला झाली ती २०१० मध्ये. पारूपल्लीला एशियन गेम्समध्ये लागलेले असतानाही स्डेटियममध्ये तो आला होता. तेव्हाच आपल्या आयुष्याचा हाच जोडीदार होऊ शकतो याबाबत सायनाला खात्री झाली होती.

(वाचा – जोडीदाराचा मूड ठेवायचा असेल कायम रोमँटिक तर ही जुनी गाणी तुमच्या लिस्टमध्ये हवीतच)

दोघांनीही कमावले नाव

सायना आणि पारूपल्ली यांनी प्रेम असूनही एकमेकांना साथ देत भारतासाठी नाव कमावले. सायनाच्या नावे वर्ल्ड चँपियनशिपचे सिल्व्हर आणि ब्राँझ मेडल आहे. तर कॉमनवेल्थमध्ये ३ गोल्ड, १ सिल्व्हर आणि १ ब्राँझ मेडल आहे. याशिवाय कश्यप ऑलिंपिकमध्ये पुरूष सिंगल क्वार्टर फायनलमध्ये पोहचणारा पहिला भारतीय होता. दोघेही भारतातील दिग्गज खेळाडू आहेत.

दोघांमध्ये ४ वर्षाचे अंतर

पारूपल्ली सायनापेक्षा ४ वर्षांनी मोठा आहे. सायनाच्या इन्स्टा पेजवर दोघांचेही खूप फोटो आहेत. यामध्ये दोघांचाही लहानपणापासूनचा प्रवास दिसून येतोय आणि प्रेम असेल, सामंजस्य असेल तर सर्व काही मिळवता येतं हेच त्यांनी आपल्या या प्रवासातून दाखवून दिलंय.

सायना आणि कश्यप हे प्रचंड एकमेकांच्या प्रेमात असून नेहमीच त्यांचे प्रेम आणि काळजी त्यांच्या फोटोवरून दिसून येते.