नऊवारीतील नजराणा
नऊवारीमध्ये कोणतीही महिला सुंदरच दिसते आणि त्यातही तुमची आवडती अभिनेत्री असेल तर चार चाँदच लागतात असं म्हटल्यास अतिशयोक्ती ठरणार नाही. रूपालीने नेसलेली ही नऊवारी खूपच आकर्षक वाटत आहे. याचा पिवळा रंग हा डोळ्यात भरणारा असून त्यावर घातलेला कॉन्ट्रास्ट ब्लाऊज त्या साडीची शोभा अधिकच वाढवत आहे. तर रूपालीने केलेला मेकअप तिच्या सौंदर्यात अधिक भर घालतो आहे. रूपालीच्या अदांनी या साडी आणि ब्लाऊजचा अधिक उठाव आणला आहे. तर नथीचा तोराही अप्रतिम दिसत आहे. अशी ही नऊवारी घरातील लग्नाला, मुंजीला वा कोणत्याही खास कार्यक्रमासाठी तुम्ही नक्कीच नेसू शकता. रूपालीच्या या साडीवरून प्रेरणा घेऊन तुम्ही तुमचा लुक तयार करू शकता.
ऑफ व्हाईट पैठणीची जादू
पैठणी हा महिलांचा आवडता विषय. त्यातही ऑफ-व्हाईट पैठणी असेल तर अधिक प्रेम. सध्या ऑफ-व्हाईट आणि आयव्हरी कपड्यांचा ट्रेंड अधिक आहे. रूपालीची ही पैठणी अत्यंत सुंदर असून तिच्या मेकअपमुळे याच्या सौंदर्यात अधिक भर पडली आहे. त्यातही हेअरस्टाईल करून केसात माळलेली फुले अधिक सुंदर दिसत आहेत. तुम्हाला कोणत्याही कार्यक्रमासाठी पारंपरिक लुक करून जायचे असेल तर रूपालीची ही स्टाईल तुम्हालाही प्रेरणादायी ठरेल. अशा साडीसह मिनिमल मेकअप आणि कानातले अथवा केवळ चोकर दागिन्यांची स्टाईल केली तर तुमच्या सौंदर्यात भर पडेल आणि तुमच्यावरून नजर हटणार नाही. साडी लुक्समध्ये रूपालीचे सौंदर्य अधिक खुलून आलेले दिसते.
लेहंगा स्टाईल
साडी सांभाळता येत नसेल तर लेहंगा हा उत्तम पर्याय आहे. रूपाली या सगळ्या स्टाईलमध्ये माहीर असल्याचे तिच्या फोटोवरून दिसून येत आहे. एखाद्या कार्यक्रमासाठी लेहंगा लुक हवा असेल तर रूपालीची ही स्टाईल तुमच्यासाठी योग्य पर्याय आहे. साडी सांभाळणे सर्वांनाच शक्य नाही. अशावेळी भरजरी दिसणारा मात्र वजनाने हलका असा लेहंग्याचा पर्याय तुम्ही निवडू शकता. गडद रंग अशा कार्यक्रमात अधिक उठावदार दिसतात. या लेहंग्यासह तुम्ही मोठे कानातेल आणि मेकअप करून तुमचा लुक पूर्ण करू शकता. रूपालीनेही तिच्या या लुकमध्ये असाच साधा पेहराव केला असला तरीही तो अधिक आकर्षक दिसतो आहे.
वनपिसमधील आकर्षकता
पिकनिकला जाताना आकर्षक आणि तितकेच कूल दिसायचे असते. मग अशावेळी जीन्स आणि वनपिस असे दोन पर्याय उपलब्ध असतात. रूपालीचा हा लुक पिकनिकसाठी योग्य आहे. वनपिस आणि त्यावर काळा गॉगल घालून पिकनिक लुक पूर्ण केला आहे. हा लुक पिकनिकसाठीच नाही तर बाहेर एखाद्या ठिकाणी पार्टीला जातानाही उपयोगी ठरतो. याशिवाय तुम्ही ऑफिसमध्येही असा लुक करून जाऊ शकता. तुमचा हा लुक पूर्ण करण्यासाठी पिकनिकला तुम्ही राऊंड हॅटचा वापरही करू शकता.
पार्टी गाऊन
एखाद्या पार्टीला जाण्यासाठी ऑफशोल्डर पार्टी गाऊन अथवा ट्यूब गाऊन हा उत्तम पर्याय आहे. रूपालीने घातलेला हा सफेद रंगाचा गाऊन अत्यंत आकर्षक आहे. एखाद्या पुरस्कार सोहळ्यासाठी अथवा साखरपुड्यासाठीही अशा स्टाईलचा गाऊन तुम्ही स्टाईल करू शकता. यावर रूपालीने केलेली हेअरस्टाईल अधिक आकर्षक दिसत आहे. तुम्हालाही एखाद्या पार्टीसाठी काही सुचत नसेल तर रूपालीच्या या लुकवरून प्रेरणा घेऊन तुम्ही ड्रेसची निवड करू शकता.
रूपाली भोसले ही अप्रतिम अभिनेत्री तर आहेच. पण एक उत्तम स्टाईल आयकॉनही आहे. केवळ पारंपरिकताच नाही तर पारंपरिकता आणि आधुनिकतेचा उत्तम मेळ जपत रूपालीने स्टाईल जपली आहे. त्यामुळेच तिचे फॅन फॉलोईंग अधिक आहे. रूपालीचा आज वाढदिवस असून ती तिचा वाढदिवस साधारण महिनाभर साजरा करत असते. रूपाली नुकतीच एका सर्जरीमधून बरी झाली असून पुन्हा एकदा काम करण्यास सज्ज झाली आहे. रूपालीला महाराष्ट्र टाइम्सच्या टीमकडून वाढदिवसाच्या भरभरून शुभेच्छा!
(फोटो क्रेडिटः Instagram)