पुन्हा एकत्र दिसणार रामायणातील ‘राम-सीता’, प्रोमोमुळे वाढली प्रेक्षकांचीही उत्सुकता

मुंबई : रामानंद सागर यांच्या रामायण मालिकेची क्रेझ अजूनही कायम आहे. आजही लोकांना राम म्हणून अरुण गोविल आणि सीता म्हणून दीपिका चिखलिया हेच समोर येतात. प्रेक्षकही त्यांच्यावर प्रेम करतात त्यांना सन्मान दिला आहे. आता ते पुन्हा दोघंजण छोट्या पडद्यावर एकत्र येणार आहेत. त्यामुळे चाहत्यांमध्ये आनंदाचं वातावरण आहे.

छोट्या पडद्यावर पुन्हा येणार एकत्र

राम आणि सीता ही भूमिका साकारणारे अरुण गोविल आणि दीपिका चिखलिया यांच्यावर प्रेक्षकांनी भरभरून प्रेम केलं आहे. त्यांना प्रेक्षकांनी देवाचा दर्जा दिला आहे. रामायण मालिकेत या दोघांची केमेस्ट्री खूपच छान जुळली होती.आता हे दोघंजण पुन्हा एकदा छोट्या पडद्यावर दिसणार आहेत. हे दोघंजण झलक दिखल जा १० च्या कार्यक्रमात सहभागी होणार आहेत.
१२ वर्षांच्या मुलीसोबत रोमान्स केल्यामुळे ३८ वर्षांचा करण कुंद्रा ट्रोल! कोण आहे ही रीवा अरोरा?

झलक दिखला जा १० कार्यक्रमाचा नवीन प्रोमो शेअर केला आहे. दिवाळीच्या कालावधीत प्रसारित होणाऱ्या भागामध्ये दीपिका आणि अरुण सहभागी होणार आहेत. या कार्यक्रमात अरुण गोविल रावण वध करताना दाखवण्यात येणार आहे.

अरुण गोविलनं केला रावणाचा वध
कार्यक्रमाच्या निर्मात्यांनी सोशल मीडियावर शेअर केलेल्या प्रोमोमध्ये अरुण गोविल यांच्या बाजूला उभी राहताना दिसतात. त्या म्हणतात की माझं आयुष्य तेव्हाच पूर्ण होईल, जेव्हा घराघरात सत्कार तुमचा सत्कार होईल. त्यानंतर अरुण गोविल यांनी बाणानं रावणाचा वध केला. हे दोघंजण प्रदीर्घ काळानंतर ते दोघं छोट्या पडद्यावर एकत्र येताना दिसत आहे. या प्रोमोमुळे प्रेक्षकांच्या जुन्या आठवणींना उजाळा मिळाला आहे.
https://maharashtratimes.com/entertainment/entertainment-news/bollywood-news/sherlyn-chopra-police-complaint-against-sajid-khan-request-to-stop-bigg-boss-16-telecast/articleshow/94991602.cms
कार्यक्रमाच्या प्रोमोमध्ये अरुण गोविल आणि दीपिका यांच्यासमोर कार्यक्रमातील स्पर्धक निया शर्मा माँ कालीच्या रुपात नृत्य करताना दिसत आहे. नियाच्या नृत्यानं दीपिका प्रभावित झालेली दिसत आहे. तिला पाहून काली माँचं दर्शन झाल्याची प्रतिक्रिया त्यांनी दिली.नेटकऱ्यांना हा प्रोमो आवडला असून त्यांनी यावर भरभरून प्रतिक्रिया व्यक्त केल्या आहेत. आता प्रेक्षकांना या भागाची उत्सुकता आहे.