PMC Recruitment: पुणे महापालिकेत पुन्हा भरती, जाणून घ्या तपशील

वादाशिवाय प्रक्रिया पूर्ण

महापालिकेने २० जुलैपासून ४४८ जागांची भरती प्रक्रिया सुरू केली होती. त्यामध्ये सहायक विधी अधिकारी, लिपिक टंकलेखक, कनिष्ठ अभियंता आणि अतिक्रमण निरीक्षक या पदांसाठी ही भरती करण्यात आली. भरतीची प्रक्रिया पारदर्शी असावी, यासाठी महापालिकेने केंद्र सरकारच्या ‘इन्स्टिट्यूट ऑफ बँकिंग पर्सनल सिलेक्शन’ (आयबीपीएस) या संस्थेद्वारे परीक्षा घेण्यासाठी करार करण्यात आला होता. कुठल्याही आरोप-प्रत्यारोपाविना ही भरती प्रक्रिया यशस्वीरित्या पार पाडण्यात आली आहे. राज्यात यशस्वीरित्या भरती प्रक्रिया पार पाडणारी पुणे ही महापालिका ठरली आहे.

अनेक वर्षांनंतर प्रक्रिया

पुणे महापालिकेत गेल्या अनेक वर्षांहून अधिक काळ पदभरती झाली नव्हती. पुणे महापालिकेने बऱ्याच वर्षांनी सुमारे साडेचारशे पदांची भरती केली. अपुऱ्या मनुष्यबळावर कारभार सुरू असल्याने त्याचा परिणाम कामकाजावर होत आहे. कंत्राटी कामगारांचे प्रमाण वाढले असून, त्यावरील खर्चही वाढला आहे. राज्य सरकारने काही महिन्यांपूर्वी महापालिकेच्या कायम सेवा भरतीवरील बंदी उठविल्याने अत्यावश्यक पदभरती पहिल्या टप्प्यात करण्याचा निर्णय घेण्यात आला असून, तो यशस्वीरित्या झाला. त्यानंतर आता विविध पदांसाठी २०० जणांची भरती करण्यात येणार आहे.

Teachers Recruitment: शिक्षकभरतीला अखेर मुहूर्त, मानधन तत्त्वावर भरणार रिक्त पदे

‘अभियंता केडर’मध्ये वाढ होणार

महानगरपालिकेत ३४ गावांचा समावेश झाल्यामुळे इंजिनीअरचा तुटवडा जाणवू लागला आहे. त्यामुळे महापालिकेच्या इंजिनीअर केडरच्या मंजूर झालेल्या मनुष्यबळामध्ये २५ ते ३० टक्के वाढ करण्याचा प्रस्ताव राज्य सरकारकडे पाठविण्यात येणार असल्याची माहिती महापालिका आयुक्त विक्रमकुमार यांनी दिली. त्यामुळे कनिष्ठ अभियंता, उपअभियंता; तसेच कार्यकारी अभियंत्यांच्या संख्येत वाढ होणार आहे. कार्यकारी अभियंत्यांची पदे भरण्यास परवानगी दिली तर वरिष्ठ पदांसाठीही तातडीने भरती प्रक्रिया राबविण्यात येणार आहे.

पारदर्शी भरती प्रक्रिया

महापालिकेने केंद्र सरकारच्या ‘इन्स्टिट्यूट ऑफ बँकिंग पर्सनल सिलेक्शन’ (आयबीपीएस) या संस्थेद्वारे पदभरती यशस्वीपणे पार पाडली आहे. या प्रक्रियेत कुठेही आरोप प्रत्यारोप न झाल्याने पुढील प्रक्रियाही त्यांच्याकडूनच करण्याचे प्रस्तावित आहे. आगामी भरती प्रक्रियेची माहिती महापालिकेच्या https://www.pmc.gov.in/en/recruitments या लिंकवर उपलब्ध होणार आहे.

‘इंजिनीअरिंग केडर’मध्ये वाढ, अग्निशमन दलामधील भरती; तसेच महापालिकेच्या विविध पदासांठी २०० हून अधिक जणांची भरती प्रक्रिया प्रस्तावित आहे. याबाबतचा प्रस्ताव तयार करण्यात येत असून, आठवडाभरात यावर निर्णय होईल. त्यानंतरच लगेचच पुढील भरतीचा कार्यक्रम निश्चित केला जाईल.
– विक्रमकुमार, महापालिका आयुक्त तथा प्रशासक

अधिकृत वेबसाइटवर जाण्यासाठी येथे क्लिक करा

पोलीस भरती येत्या आठ दिवसांत सुरु करतोय, चंद्रकांत पाटील यांनी दिला शब्द