आता घरीच करा पुदिना लागवड, इतकी सोपी पद्धत की पुन्हा बाजारात जाण्याची गरज भासणार नाही

​४-६ इंचाच्या कंटेनरमध्ये उगवता येईल पुदिना​

तुम्ही घरच्या घरी कंटेनरमध्ये पुदिन्याचे झाड लाऊन त्याची योग्य पद्धतीने काळजी घेऊ शकता. यासाठी तुम्हाला साधारणतः ४-६ इंचाचा रूंद कंटेनर पाहावा लागेल. लक्षात ठेवा पुदिना नेहमी हलक्याशा ओल्या मातीत व्यवस्थित वाढतो. वसंत ऋतुमध्ये पुदिन्याचे झाड अधिक जोमाने वाढते.

​झाडासाठी योग्य तापमान कोणते?​

पुदिन्याचे झाड लावले म्हणजे झाले असं होत नाही. तर झाड लावल्यानंतर त्यासाठी योग्य तापमान आहे की नाही याचीही काळजी घ्यावी लागते. पुदिन्यासाठी साधारणतः १५ ते २५ अंश सेल्सियस इतके तापमान नियमित असण्याची गरज आहे. अशा तापमानात पुदिना चांगला वाढतो.

(वाचा – अशी बनवा आलं-लसूण पेस्ट ६ महिने होणार नाही खराब, बाजारातून आणण्याची पडणार नाही गरज)

​बियांपासून तयार होऊ शकतो पुदिना​

पुदिन्याची लागवड तुम्ही बियांपासूनही करू शकता. याशिवाय तुम्हाला कलमांचाही वापर करता येऊ शकतो. बी तुम्ही रूजत घातल्यानंतर साधारणतः ७ ते २५ दिवसानंतर त्याला अंकुर फुटू लागतो आणि साधारणतः ४० दिवसानंतर तुम्ही पुदिनाची पाने तोडून घेऊ शकता. वास्तविक पुदिना लागवडीपूर्वी त्याची व्यवस्थित काळजी घ्यावी लागते.

(वाचा – Cooking Hacks: हे ५ हॅक्स वापरून घरीच बनवू शकता सॉफ्ट इडली, बॅटर बिघडत असेल तर द्या वेळीच लक्ष)

​४ – ६ तास उन्हाची गरज​

पुदिन्याच्या झाडाला किमान ४-६ तास उन्हाची गरज भासते. ६ तासापेक्षा अधिक ऊन मात्र याला देऊ नका. तसंच तळपत्या उन्हात पुदिना ठेऊ नका. याची व्यवस्थित काळजी घ्या. अशाच जागेवर ठेवा जिथे ऊन व्यवस्थित ६ तासापर्यंत येऊ शकते.

(वाचा – Cooking Hacks: कुकरमध्ये असा शिजवा भात होणार नाही कोरडा, सुटसुटीत आणि मोकळ्या भाताची योग्य पद्धत)

​अशा पद्धतीने काढा पुदिना​

पुदिना लावल्यानंतर साधारण ४० दिवसानंतर योग्य पाने उमलून येतात. त्यानंतर तुम्ही पुदिन्याची पाने वापरू शकता. मात्र ही कोरडी होणार नाहीत याची काळजी घ्या. तसंच पानांना योग्य पोषण मिळत राहील याची काळजी घेत योग्य पाण्याचा वापर करावा.

​महत्त्वाच्या गोष्टी​

• पुदिना खराब होत असल्यास, तुम्ही त्याची कुंडीतील माती मोकळी करा. यामुळे पुदिना वाढायला मदत मिळते
• पुदिन्याला तुम्हाला खत घालायचे असेल तर घरात तयार करण्यात आलेले डाळींचे पाणी, भाजी धुतलेले अथवा तांदूळ धुतलेले पाणी तुम्ही घालू शकता. यामुळे पुदिना चांगल्या पद्धतीने वाढण्यास मदत मिळते
• झाड वाढायला लागल्यानंतर काही दिवसांनी त्याची छाटणी करणे आवश्यक आहे हे लक्षात ठेवा

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक कराmaharashtratimes.com​