PET Exam: क्लिष्ट प्रश्नांमुळे ‘पेट’ने फोडला घाम

विद्यापीठाची पेट परीक्षा पुणे, नगर, नाशिक जिल्ह्यातील एकूण ३३ परीक्षा केंद्रावर रविवारी पेट परीक्षा घेण्यात आली. या परीक्षेत १०० प्रश्न विचारण्यात आले. सकाळच्या सत्रात साडेदहा ते साडेबारा, तर दुपारच्या सत्रात अडीच ते साडेचार या दोन सत्रांमध्ये पेट परीक्षा यशस्वीपणे आयोजित करण्यात आल्याची माहिती पुणे विद्यापीठाच्या प्रशासनाने दिली.

NEP ची अंमलबजावणी करण्यात सावित्रीबाई फुले पुणे विद्यापीठ आघाडीवर

या परीक्षेसाठी एकूण १२ हजार ७५२ विद्यार्थ्यांनी नावनोंदणी केली होती. त्यापैकी नऊ हजार १८२ विद्यार्थ्यांनी परीक्षा यशस्वीपणे दिली. विद्यार्थ्यांच्या उपस्थितीचे प्रमाण ७२ टक्के होते. सर्व विद्यार्थ्यांनी विनाअडचण परीक्षा दिली. त्यामुळे परीक्षा सुरळीतपणे झाल्याची माहिती विद्यापीठ प्रशासनाने दिली आहे.

या परीक्षेत विचारण्यात आलेल्या प्रश्नांची काठिण्य पातळी अधिक असल्याचे विद्यार्थ्यांनी सांगितले. त्याचप्रमाणे प्रश्नपत्रिका केवळ इंग्रजीत असल्याने, काही विद्यार्थ्यांना क्लिष्ट प्रश्न समजताना अडचण झाली, असे विद्यार्थ्यांनी सांगितले.

‘प्रश्न समजण्यात अडचण’

नॅशनन टेस्टिंग एजन्सीकडून ‘नेट’ परीक्षा गेल्या महिन्यात ऑनलाइन पद्धतीने घेण्यात आली. या परीक्षेची प्रश्नपत्रिका इंग्रजी आणि मराठी भाषेत उपलब्ध होती. त्यामुळे विद्यार्थ्यांना प्रश्न समजण्यासाठी फायदा झाला. पेट परीक्षेसाठी अर्ज भरताना, विद्यार्थ्यांना परीक्षेसाठी मराठी माध्यमाचा पर्याय देण्यात आला होता, असे विद्यार्थ्यांनी सांगितले. मात्र, प्रत्यक्षात परीक्षेत इंग्रजी माध्यमातून प्रश्न विचारण्यात आले. त्यामुळे प्रश्न समजण्यात अडचणी आल्याचे विद्यार्थ्यांना सांगितले.

MHT TET Result: ‘टीईटी’त केवळ दोन टक्के भावी शिक्षक उत्तीर्ण, विद्यार्थ्यांच्या भवितव्याचा प्रश्न ऐरणीवर