पदवीधर अधिसभेसाठी जिल्ह्यात १९ मतदान केंद्रे

विद्यापीठाच्या पदवीधर अधिसभा निवडणुकीसाठी विद्यापीठ विकासमंच, छत्रपती शाहू महाराज परिवर्तन पॅनल व महाविकास आघाडी अशा तीन पॅनलने आपापले उमेदवार उभे केले आहेत. दहा जागांसाठी केवळ विद्यापीठ विकासमंचाने दहा उमेदवार उभे केले असून, अन्य दोन पॅनलमार्फत मात्र सहा, आठ असे उमेदवार उभे करण्यात आलेले आहेत.

रविवारी यासाठी मतदान होणार असून, या तिन्ही पॅनलमार्फत विद्यापीठ परिक्षेत्रात मतदारांचे मन वळविण्याचे प्रयत्न सुरू आहेत. विद्यापीठ विकासमंचाने सर्व शिक्षण संस्थांना आपल्या बाजूने वळवून पुणे, नाशिक, नगर जिल्ह्यामध्ये मेळावे घेऊन शक्तिप्रदर्शन केलेले असले, तरी अन्य पॅनल्सही आपल्याला काही शिक्षण संस्थांचा छुपा पाठिंबा असल्याचे सांगत आहेत. पुणे, नाशिक आणि नगर या तिन्ही जिल्ह्यांमध्ये पदवीधर अधिसभेसाठी ८८ हजारांवर मतदान आहे.

जिल्ह्यातील मतदान केंद्रे

एचपीटी, आरवायके कॉलेज, नाशिक, व्ही. एन. नाईक कॉलेज, नाशिक, भोंसला मिलिटरी कॉलेज, नाशिक, के. के. वाघ कॉलेज, नाशिक, वावरे कॉलेज, नाशिक, बिटको कॉलेज, नाशिकरोड, मविप्र कॉलेज, सिन्नर, केपीजी कॉलेज, इगतपुरी, मविप्र कॉलेज, दिंडोरी, मविप्र कॉलेज, पिंपळगाव, नूतन कॉलेज, लासलगाव, मविप्र कॉलेज, मनमाड, कळवण कॉलेज, नेमिनाथ जैन कॉलेज, चांदवड, देवळा कॉलेज, मविप्र कॉलेज, सटाणा, मविप्र कॉलेज, निफाड, एमएसजी कॉलेज, मालेगाव, स्वामी मुक्तानंद कॉलेज, येवला.

पदवीधरांनो लक्ष द्या! मुंबई विद्यापीठाच्या सिनेट निवडणुकीसाठी ‘अशी’ करा नोंदणी