या प्रसिद्ध मराठी अभिनेत्याला ओळखलं का? पत्नी-मुलगी आहेत आघाडीच्या अभिनेत्री; शूटिंग सेटवरच गमावलेला जीव

Remembering Mohan Gokhale: या फोटोमध्ये दिसणारा चेहरा तुमच्या नक्कीच ओळखीचा असेल. मराठी प्रेक्षकांनी तर या अभिनेत्यावर भरभरुन प्रेम केले. १९८५ सालापासून ९०च्या दशकात टेलिव्हिजन प्रेक्षकांच्या मनावर अधिराज्य करणाऱ्या या अभिनेत्याविषयी आज जाणून घेऊया. आजही टेलिव्हिजन आणि सिनेविश्वात असे काही तारेतारका आहेत, ज्यांनी त्यांच्या कारकिर्दीत थोडकेच काम केले मात्र प्रेक्षकांच्या मनात ते कायमचे घर करून गेले. अशाच चेहऱ्यांपैकी एक म्हणजे मोहन गोखले. दूरदर्शनवर येणारा विनोदी कार्यक्रम ‘मिस्टर योगी’ हा मोहन गोखलेंच्या विविध लोकप्रिय कार्यक्रमांपैकी एक. मोहन यांनी यशाच्या शिखरावर असताना जगाचा निरोप घेतला. अभिनेते मोहन गोखले यांच्या पत्नी शुभांगी गोखले आणि मुलगी सखी गोखले दोघेही मनोरंजन विश्वात कार्यरत आहेत.

मालिका, नाटक आणि चित्रपटांमध्ये केले काम

मोहन गोखले यांनी दूरचित्रवाणीच्या दुनियेतच नव्हे तर चित्रपट आणि नाटकांमध्येही धडाडीने काम केले. त्यांची अकाली एक्झिट प्रेक्षकांना मोठा धक्का देणारी असली तरी हा चेहरा, त्यांचे अभिनयावर असणरे प्रेम चाहते विसरणार नाहीत. इंडस्ट्रीतील हा चमकता तारा कधी आणि कसा तुटला हे लोकांना कळले नाही. विविध भाषांमध्ये काम करणाऱ्या मोहन यांच्या जाण्याने मनोरंजन विश्वाचे न भरून निघणारे नुकसान झाले होते. ‘मिस्टर योगी’मधील त्यांचा हा फोटो सध्या सोशल मीडियावर व्हायरल होतो आहे.

मराठी, हिंदी आणि गुजराती नाटकांंमध्ये केलं काम

७० च्या दशकात मोहन गोखले यांनी हिंदी, गुजराती आणि मराठी या तिन्ही भाषांमधील नाटकांमध्ये काम केले. यानंतर १९८५ ते १९९० या काळात टेलिव्हिजन इंडस्ट्री सिनेविश्वावर वर्चस्व गाजवू लागली. या काळात ‘रामायण’ आणि ‘महाभारत’ सारख्या मालिकांवर तर प्रेक्षकांनी डोळे झाकून विश्वास ठेवला की, देव स्वत: त्यांना दर्शन द्यायला आले आहेत. अशाप्रकारच्या मालिका वर्चस्व गाजवत असताना मोहन यांनी त्यांचे वेगळेपण दाखवून दिले. या काळात दूरदर्शनने ‘हम लोग’, ‘बुनियाद’, ‘भारत एक खोज’, ‘शक्तिमान’ अशा अनेक मालिका दाखवल्या, ज्यांनी लोकांना एकमेकांशी जोडण्याचे कामही केले. (फोटो सौजन्य-सखी गोखले/इन्स्टाग्राम)

‘मिस्टर योगी’ म्हणून मिळाली ओळख

एकीकडे दूरदर्शनवरील या मालिका प्रेक्षकांच्या मनावर अधिराज्य करत होत्या, तर दुसरीकडे यातील कलाकारही प्रेक्षकांवर छाप पाडण्यात यशस्वी ठरले. त्यामुळे या काळात मोहन यांना त्यांची ओळख निर्माण करणे कठीण गेले असले तरीही त्यांना यात यश मिळाले. एक वेळ अशी आली होती की चाहते त्यांना त्यांच्या नावापेक्षा ‘मिस्टर योगी’ (Mr. Yogi Old Television Serial) या नावाने ओळखू लागले.

रंगभूमीवर विशेष प्रेम

मोहन यांना लहानपणापासूनच रंगभूमीचे आकर्षण होते. कॉलेजच्या दिवसांमध्ये त्यांना अभिनयासाठी अनेक पुरस्कारही मिळालेले. त्यांनी पुण्यात त्यांची थिएटर अकादमी सुरू केली आणि विजय तेंडुलकर यांनी लिहिलेले नाना पाटेकर यांचे पहिले मराठी नाटक ‘भाऊ मुरारराव’ दिग्दर्शित केले. गोखले यांची रंगभूमीवरील कारकीर्द ‘फरारी’मधून सुरू झाली होती. गोखले यांच्या मराठी टीव्ही इंडस्ट्रीतून टेलिव्हिजन जगतात पदार्पण केले. त्यांच्या पहिल्या शोचे नाव श्वेतांबरा असे होते. (फोटो सौजन्य- ट्विटर)

शुभांगींसोबत या मालिकेत केलं आहे काम

गोखले यांनी मोठा चाहतावर्ग कमावला ते ‘मिस्टर योगी’ या मालिकेद्वारे. या मालिकेत त्यांनी ज्यात त्यांनी योगेश पटेल नावाचे मुख्य पात्र साकारले होते. १९८९ मध्ये आलेल्या या मालिकेची कथा एका तरुण मुलाची होती जो लग्नासाठी 12 वेगवेगळ्या मुलींना भेटतो, ज्यांची रास वेगवेगळी असते. याशिवाय मोहन यांनी ‘यात्रा’, ‘लेखू’, ‘आहट’, ‘भारत एक खोज’ आणि ‘शक्तिमान’ या मालिकांमध्ये काम केले आहे. त्यांच्या पत्नी शुभांगी गोखलेही मिस्टर योगी या मालिकेत दिसल्या होत्या. (फोटो सौजन्य-सखी गोखले, शुभांगी गोखले/इन्स्टाग्राम)

‘हे राम’साठी काम करताना मृत्यू

दरम्यान या गाजलेल्या टेलिव्हिजन शोंव्यतिरिक्त मोहन यांनी काही सिनेमांमध्येही काम केले. १९९९ मध्ये कमल हासन यांच्यासोबत ‘हे राम’ या चित्रपटात ते काम करत होते. मीडिया रिपोर्टनुसार चेन्नईमध्ये ‘हे राम’ चित्रपटासाठी काम करताना त्यांचा मृत्यू झाला. हृदयविकाराच्या झटक्याने त्यांचा मृत्यू झाल्याचे समोर आलेले. २९ एप्रिल १९९९ रोजी ही घटना घडली, ती त्यांची शेवटची रात्र ठरली.