‘हे मुर्खपणाचं लक्षण आहे’; पहिल्याच चावडीत मांजरेकरांनी घेतली निखिलची शाळा

मुंबई, 9 ऑक्टोबर : ‘बिग बॉस मराठी सीझन 4’ची सुरुवात झाली आहे. बिग बॉस सुरु झाल्यापासून घरातील सदस्यांमध्ये वाद-विवाद पहायला मिळत आहे. सोबतच मस्तीही पहायला मिळतेय. दरवर्षीप्रमाणं यंदाही कॅप्टन्सीसाठी टास्क पार पडला. बिग बॉसच्या घरातील पहिली कॅप्टन झालीये समृद्धी जाधव. समृद्धीला यंदाच्या सीझनचं पहिलं कॅप्टन पद मिळालं आहे. आता प्रेक्षकांना जास्त उत्सुकता असते ती बिग बॉसमधील चावडीची. या चावडींमध्ये महेश मांजरेकर सदस्यांची कशी शाळा लावतात हे पाहण्यासाठी सारेच उत्सुक असतात. नुकताच समोर आलेल्या प्रोमोमध्ये महेश सरांनी निखिल राजेशिर्केची शाळा घेतल्याचं दिसलं.

कलर्सच्या अधिकृत इन्स्टाग्रामवर एक व्हिडीओ शेअर करण्यात आला आहे. यामध्ये पहायला मिळतंय की महेश सरांनी स्पर्धकांना कोण हिरो आणि कोण झिरो असल्याचं सांगायला सांगितलं होतं. मात्र या टास्कमध्ये निखिल राजेशिर्केनं घरातील सगळ्याच स्पर्धकांना हिरो असल्याचं म्हटलं. यावरुन महेश सर चिडले आणि त्यांनी निखिलला सुनावलं.

महेश मांजरेकरांनी निखिलला म्हटलं, तुला यातील सगळेच स्पर्धक कसे हिरो वाटू शकतात. हे मुर्खपणाचं लक्षण आहे. सगळेच चांगले असतील तर चांगल्या शब्दाला अर्थ राहत नाही. त्यामुळे यावरुन घरात अजून काय राडे होणार, या टास्कचा घरातील स्पर्धकांवर काय परिणाम होणार हे पाहणं महत्त्वाचं ठरणार आहे.

दरम्यान, पहिल्या चावडीत स्पर्धकांचे घरे चेहरे समोर येणार. आठवडाभर झालेल्या, केलेल्या गोष्टीविषयी महेश मांजरेकर स्पर्धकांची शाळा घेणार आहे. त्यामुळे मांजरेकरांची चावडी पहायला सगळेच नेहमीच उत्सुक असतात. मात्र स्पर्धकांच्या मनात भीती असते.