अगं बाई हे चांगलं नाही! प्रेग्नंट बिपाशा बासूला चाहत्यांनी दिली समज, काय आहे त्यांच्या संतापाचं कारण

मुंबई: आजकाल बॉलिवूड सेलिब्रिटी त्यांच्या सोशल लाइफमधील वागण्याबोलण्याने नेटकऱ्यांच्या टिकेचे धनी होत आहेत. कधी कलाकार असं काहीतरी बोलतात की त्यावरून सोशल मीडियावर ट्रोल होतात, तर काही वेळा अतरंगी ड्रेसवरून चाहत्यांच्या नाराजीचा सूर झेलावा लागतो. आपल्या आवडत्या कलाकारांकडे चाहत्यांचं किती लक्ष असतं याचाच हा पुरावा. काही दिवसांपूर्वी आलिया भट्ट हिलाही चाहत्यांनी मोलाचा सल्ला दिला होता. आता असाच अनुभव बिपाशा बासू हिलाही आला आहे. प्रेग्नंट असलेल्या बिपाशाचा एक व्हिडिओ व्हायरल होताच तो पाहून सोशल मीडियावर चाहत्यांनी बिपाशाचे कानच (Bipasha Basu Pregnancy) धरले आहेत. दोन जीवांची असलेल्या बिपाशाला समज देण्याची वेळ चाहत्यांवर का आली याला खास कारण आहे.

हे वाचा-आदिपुरुषचा वाद पोहोचला कोर्टात! बहिष्काराच्या मागणीने धरला जोर

बॉलिवूड अभिनेत्री बिपाशा आणि करण सिंग ग्रोव्हर यांनी लग्नानंतर सहा वर्षांनी आईबाबा होणार असल्याची गोड बातमी दिली. बिपाशा आई होणार हे कळल्यापासून तिचे चाहते खूपच खुश आहेत. बिपाशाही तिच्या प्रेगन्सीतील फोटो शेअर करत असते. बिपाशाने तिच्या डोहाळ जेवणाचे फोटो आणि व्हिडिओही सोशल मीडियावर शेअर केले होते. तसेच प्रेग्नन्सीच्या काळात तिने तिचं रूटीनही छान ठेवलं आहे. अनेक कार्यक्रमांनाही ती हजेरी लावताना दिसते.

नुकताच बिपाशाचा एक व्हिडिओ सोशलमीडियावर झळकला आहे. यामध्ये बिपाशा ऑरेंज रंगाच्या सैलसर ड्रेसमध्ये खूपच छान दिसत आहे. हा व्हिडिओ पोस्ट होताच नेटकऱ्यांचं लक्ष तिच्या पायांकडे गेलं आणि इथूनच नाराजीला सुरूवात झाली. प्रेग्नंट असतानाही बिपाशाने घातलेल्या हाय हिल्समुळे तिने चाहत्यांचा राग ओढवून घेतला आहे. प्रेग्नन्सीच्या दिवसात हिल्स घालणं योग्य नाही असं सांगत चाहत्यांनी कमेंटमधून तिला समज दिलीय तर काही नेटकऱ्यांनी सल्ला दिलाय. यापूर्वी आलिया भट्टचाही हिल्स घातलेला व्हिडिओ शेअर झाला होता तेव्हाही आलियाला अशाच टीकेला सामोरं जावं लागलं होतं.

बिपाशा बसू लवकरच बाळाला जन्म देणार आहे. सध्या बिपाशा आणि करणसिंह ग्रोव्हर हे त्यांच्या बाळाची वाट पाहत आहेत. १६ ऑगस्टला सोशल मीडियावर या कपलने त्यांच्या आयुष्यातील ही गोड बातमी चाहत्यांना सांगितली होती. करणशी बिपाशाने २०१६ ला लग्नं केलं. त्यानंतर बिपाशा बॉलिवूडपासून लांब राहिली. आता ती प्रेग्नन्सीचा पुरपूर आनंद घेताना दिसत आहे.

हे वाचा-माझा रोल तू करणार म्हणजे…’ताली’मध्ये सुष्मिताच्या भूमिकेबाबत गौरी सावंत यांची पहिली प्रतिक्रिया
मॉडेलिंगमधून बॉलिवूडमध्ये आलेल्या बिपाशाने तिच्या अभिनयाने अनेक हिट सिनेमे दिले आहेत. अजनबी या सिनेमातून तिने पदार्पण केलं. त्यानंतर राज, गुनाह, जिस्म, जमीन, ऐतबार, रक्त, मदहोशी, अपहरण, फिर हेराफेरी, कॉर्पोरेट, धूम २, बचना ए हसीनो, लम्हा, आक्रोश, प्लेअर्स हे तिचे गाजलेले सिनेमे आहेत. २०१५ साली रिलीज झालेल्या अलोन या सिनेमानंतर बिपाशा मोठया पडद्यावर दिसलेली नाही.