अमृता देशमुखनं किरण मानेला ठरवलं ‘Zero’, काय आहे कारण?

मुंबई, 9 ऑक्टोबर : ‘बिग बॉस मराठी सीझन 4’ सुरु झाला आहे. 2 ऑक्टोबरपासून सोशल मीडियावर याचीच चर्चा पहायला मिळतेय. बिग बॉस सुरु झाल्यापासून घरातील सदस्यांमध्ये खूप वाद-विवाद होत आहे. सोबतच मस्तीही पहायला मिळतेय. आता प्रेक्षकांना जास्त उत्सुकता असते ती बिग बॉसमधील चावडीची. या चावडींमध्ये महेश मांजरेकर सदस्यांची कशी शाळा लावतात हे पाहण्यासाठी सारेच उत्सुक असतात. पहिल्याच चावडीमध्ये महेश मांदजरेकरांनी स्पर्धकांना एक टास्क दिल्याचं पहायला मिळालं.

पहिल्या चावडीमध्ये महेश सरांनी स्पर्धकांना कोण हिरो आणि कोण झिरो असल्याचं सांगायला सांगितलं होतं. या चावडीत महेश मांजरेकरांनी अनेकांची शाळा घेतली. अशातच अमृता देशमुखचा एक व्हिडीओ समोर आलाय. यामध्ये अमृतानं किरण मानेला झिरो ठरवलं. तिचा हा व्हिडीओ सध्या सोशल मीडियावर मोठ्या प्रमाणावर चर्चेचा विषय ठरत आहे.

महेश सरांनी या चावडीत निखिल राजेशिर्केची शाळा घेतल्याचंही दिसलं.  या टास्कमध्ये निखिल राजेशिर्केनं घरातील सगळ्याच स्पर्धकांना हिरो असल्याचं म्हटलं. यावरुन महेश सर चिडले आणि त्यांनी निखिलला सुनावलं. महेश मांजरेकरांनी निखिलला म्हटलं, तुला यातील सगळेच स्पर्धक कसे हिरो वाटू शकतात. हे मुर्खपणाचं लक्षण आहे. सगळेच चांगले असतील तर चांगल्या शब्दाला अर्थ राहत नाही.

दरम्यान, पहिल्या चावडीत स्पर्धकांचे घरे चेहरे समोर येणार. आठवडाभर झालेल्या, केलेल्या गोष्टीविषयी महेश मांजरेकर स्पर्धकांची शाळा घेणार आहे. त्यामुळे मांजरेकरांची चावडी पहायला सगळेच नेहमीच उत्सुक असतात. मात्र स्पर्धकांच्या मनात भीती असते.