ना सप्तपदी… ना निकाह… हटके अंदाजात पार पडला शिबानी- फरहानचा विवाह सोहळा!

सध्या सोशल मीडियावर फरहान आणि शिबानी यांच्या या विवाहसोहळ्याची जोरदार चर्चा आहे.

अभिनेता फरहान अख्तर आणि शिबानी दांडेकर यांचा विवाहसोहळा त्यांच्या खंडाळा येथील फार्म हाऊसवर मोजक्याच पाहुण्यांच्या उपस्थितीत नुकताच पार पडला. मागच्या बऱ्याच काळापासून या दोघांच्या लग्नाची सोशल मीडियावर चर्चा होती. अखेर हा विवाहसोहळा आज पार पडला. फरहान आणि शिबानी यांच्या लग्नाचे फोटो समोर आले असून त्यांची सोशल मीडियावर जोरदार चर्चा सुरू आहे. विशेष म्हणजे शिबानी आणि फरहान यांनी निकाह न करता किंवा सप्तपदी न घेता हटके पद्धतीने लग्न केलं. ज्याची सध्या सर्वाधिक चर्चा होताना दिसत आहे.

शिबानी दांडेकर आणि फरहान अख्तर यांच्या लग्नाचे काही फोटो सोशल मीडियावर व्हायरल झाले आहेत. लग्नासाठी शिबानीनं लाल रंगाचा वेडिंग गाऊन परिधान केला होता. ज्यात ती खूपच सुंदर दिसत होती. तर फरहान अख्तरनं काळ्या रंगाचा सूट परिधान केला होता. दोघांनीही अत्यंत साध्या पद्धतीनं आणि मोजक्या पाहुण्यांच्या उपस्थितीत लग्न केलं. हे लग्न जावेद अख्तर आणि शबाना आझमी यांच्या खंडाळा स्थीत फार्महाऊसवर पार पडलं.

मागच्या काही वर्षांपासून शिबानी आणि फरहान एकमेकांना डेट करत होते. अनेकदा या दोघांच्या लग्नाची चर्चा देखील झाली. पण आता अखेर हे दोघं लग्नाच्या बेडीत अडकले आहेत. सोशल मीडियावर या दोघांच्या लग्नाचे फोटो आणि व्हिडीओ व्हायरल झाल्यानंतर चाहते त्यांच्यावर शुभेच्छांचा वर्षाव करताना दिसत आहेत. या विवाहसोळ्याला अभिनेता हृतिक रोशन आणि त्याच्या कुटुंबीयांनी हजेरी लावली होती.

फरहान अख्तर आणि शिबानी यांचं लग्न सध्या सर्वाधिक चर्चेत आहे. कारण या लग्नात दोघांनीही हिंदू रिवाजानुसार सप्तपदी घेतली नाही किंवा मुस्लीम रिवाजानुसार निकाह केला नाही. शिबानी आणि फरहाननं Vow ( शपथ किंवा वचन) आणि रिंग सेरेमनी करत एकमेकांनासोबत जीवन व्यतित करण्याचा निर्णय घेतला. या दोघांच्या या हटके लग्नाची सध्या सोशल मीडियावर बरीच चर्चा आहे. याआधी फेब्रुवारीच्या सुरुवातीला दोघांनीही रजिस्टर मॅरेज केलं होतं.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.



Source link

About Admin

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

“मराठी कलाकार स्वत: सेटवर हिंदीत बोलतात”, अजय-अतुलच्या जोडीतील अतुलने केली तक्रार

मराठी राजभाषा दिनाच्या निमित्तानं दिलेल्या मुलाखतती अतुलने ही तक्रार केली आहे. दिग्दर्शक नागराज मंजुळे आणि …

Russia – Ukraine War : ठाणे जिल्ह्यातील ३१ विद्यार्थी युक्रेनमध्ये अडकले

हे सर्व विद्यार्थी वैद्यकीय शिक्षण घेण्यासाठी युक्रेनमध्ये गेलेले आहेत. ठाणे जिल्ह्यातील विविध शहरांमधील ३१ विद्यार्थी …