New Year 2023: नव्या वर्षात आहारात करा या ५ विटामिन्सचा समावेश

व्हिटामिन ए

हे जीवनसत्व व्यक्तीची वाढ आणि विकासासाठी आवश्यक आहे. दृष्टी, रोगप्रतिकारक कार्य आणि प्रजनन आरोग्याकरितादेखील हे जीवनसत्व महत्त्वाचे कार्य करते. व्हिटॅमिन ए चा समावेश असलेले पदार्थ खाल्ल्याने तुमचे हृदय, फुफ्फुसे, मूत्रपिंड आणि इतर अवयवांचे कार्य योग्य प्रकारे होण्यास मदत होते. व्हिटामिन ए मिळविण्यासाठी तुम्ही आहारामध्ये रताळे, गाजर, भोपळा, पालेभाज्या, आंबा आणि पपई यांची निवड करा. आजकाल डोळ्यांचे आजार अधिक बळावत आहेत. त्यासाठी या जीवनसत्त्वांची तुम्हाला अधिक प्रकर्षाने गरज भासते. त्यामुळे नव्या वर्षात तुम्ही व्हिटामिन ए साठी याचा नक्की उपयोग करून घ्या आणि आरोग्याला प्राधान्य द्या.

व्हिटामिन बी 12 (कोबालामिन)

हे मज्जातंतू आणि रक्त पेशी निरोगी ठेवण्यास फायदेशीर ठरते. फक्त डॉक्टरांनी सांगितलेल्या प्रमाणातच याचे सेवन करा. मासे, चिकन, दूध, तृणधान्ये याद्वारे व्हिटॅमिन बी12 यांचाही आहारात समावेश करा. काही लोकांना पुरेसे B12 मिळविण्यासाठी व्हिटामिन बी 12 सप्लिमेंट्सची देखील आवश्यकता भासते. विटामिन बी१२ साठी टूना मासा हा उत्तम स्रोत आहे. प्रोटीन, विटामिन आणि मिनरल्ससहित अनेक पोषक तत्व यामध्ये आढळतात. याशिवाय दूध आणि अन्य डेअर उत्पादनांचाही तुम्ही आहारात समावेश करून घ्यावा. व्हिटामिन बी१२ ची कमतरता तुमच्या शरीरात अधिक थकवा आणते आणि याशिवाय सतत मळमळ होणे, वजन घटणे, जीभ पिवळी होणे अशा समस्या निर्माण करते.

(वाचा – शरीरातील Vitamin D ची कमतरता कमी भरून काढतील या टॅबलेट, पुरुष आणि स्त्रिया दोघांसाठीही लाभदायक)

व्हिटामिन सी

व्हिटामिन सी च्या बाबतीत आपण खूप काही ऐकत असते. व्हिटामिन सी हे संक्रमण नियंत्रित करण्यात आणि जखम लवकरी बरी करण्यात महत्त्वपूर्ण भूमिका बजावते. शिवाय, हे एक शक्तिशाली अँटिऑक्सिडंटदेखील आहे. हे न्यूमोनियासारख्या संसर्गाचा सामना करण्यास मदत करू शकते आणि अकाली सुरकुत्यांच्या समस्या दूर करण्यासाठी फायदेशीर ठरते. संत्र, लिंबू, किवी, स्ट्रॉबेरी, ब्रोकोली, हिरव्या पालेभाज्या आणि टोमॅटोचे सेवन करणे यासाठी फायदेशीर ठरते. तसंच आहारामध्ये तुम्ही योग्य प्रमाणात याचा समावेश करून घ्या. पालेभाज्या आवडत नसल्या तरीही आठवड्यातून किमान एक वा दोन वेळा तुम्ही खाणे उत्तम ठरते.

(वाचा – या फळे व भाज्यांमध्ये असते विटामिन ‘सी’, रोज खा आणि निरोगी व्हा!)

व्हिटामिन डी

याला सनशाईन व्हिटॅमिन देखील म्हटले जाते, ते शरीरातील कॅल्शियम आणि फॉस्फेटचे प्रमाण नियंत्रित करण्यास मदत करते. हाडे, दात आणि स्नायू निरोगी राहण्यासाठी व्हिटॅमिन डी आवश्यक आहे. मासे, फिश लिव्हर ऑईल आणि दुग्धजन्य पदार्थ तसेच सूर्यप्रकाशातून हे जीवनसत्व पुरेसे प्रमाणात मिळवता येते. गाईचं दूध, अंडे, साल्मन मासे, संत्र्याचा रस, मशरूम याचाही तुम्ही आहारामध्ये समावेश करून घ्यावा. विटामिन डी चे अनेक सप्लीमेंट्सही बाजारात मिळतात. सगळ्यात जास्त विटामिन डी ३ च्या औषधांचा उपयोग करण्यात येतो.

(वाचा -व्हिटामिन ‘डी’ची कमी धोकादायक)

व्हिटामिन ई

विटामिन ई मेंदू आणि त्वचेसाठी तसेच दृष्टीसाठी आवश्यक आहे. बदाम, एवोकॅडो, भोपळ्याच्या बिया, ब्लॅकबेरी, जर्दाळू, रास्पबेरी, ब्रोकोली आणि पालक हे या जीवनसत्त्वाचे प्रमुख स्रोत आहेत. आपल्या आरोग्याच्या समस्यांचे व्यवस्थापन करण्यासाठी संतुलित आहाराचे पालन करा. या नवीन वर्षात जंक फूड, प्रक्रिया केलेले अर्थात प्रोसेस्ड फूट, तेलकट आणि हवाबंद डब्यातील अन्नपदार्थांचे सेवन टाळण्याचा प्रयत्न करा आणि आरोग्यदायी आहाराचे सेवन करा. व्हिटामिन ई हे हृदयरोगाशी संबंधित आजाराला रोखण्याचे काम करते. तसंच जिंकसह व्हिटामिन ई असेल तर डोळ्यांचे आजार कमी होण्यास मदत मिळते.

सध्या अनेक जण वेगवेगळ्या आजाराशी झुंज देताना दिसून येत आहे. पण तुम्ही नव्या वर्षामध्ये आपल्या आरोग्याची काळजी घ्यायचा संकल्प करत असाल तर सुरूवात या व्हिटामिन्सचा आहारात समावेश करून करा.

(फोटो क्रेडिटः Pexels)