“मी त्यांचा शिवसैनिक आणि…”, १७ दिवसांनी तुरुंगातून सुटकेनंतर ‘हिंदुस्थानी भाऊ’ची पहिली प्रतिक्रिया

राज्यात विद्यार्थ्यांच्या ऑफलाईन परीक्षांना विरोध करत ऑनलाईन परीक्षेची मागणी करणाऱ्या विकास पाठक उर्फ हिंदुस्थानी भाऊला १ फेब्रुवारीला धारवी पोलिसांनी अटक केली.

राज्यात विद्यार्थ्यांच्या ऑफलाईन परीक्षांना विरोध करत ऑनलाईन परीक्षेची मागणी करणाऱ्या विकास पाठक उर्फ हिंदुस्थानी भाऊला १ फेब्रुवारीला धारवी पोलिसांनी अटक केली. यानंतर गुरुवारी (१७ फेब्रुवारी) त्याला जामीन मंजूर झाला. १७ दिवसांनंतर जामीन मिळाल्यानंतर विकास पाठकने या अटकेवर पहिली प्रतिक्रिया दिली. यावेळी विकास पाठकने मी एका व्यक्तीला खूप मानायचो, मानतो आणि मानत राहिल असं म्हणत हिंदुह्रदयसम्राट बाळासाहेब ठाकरे माझे आदर्श असल्याचं सांगितलं. तसेच कुणाच्या हक्कासाठी मी तुरुंगात गेलोय तर मला त्यात काही चूक वाटत नाही, असंही नमूद केलं. तो टीव्ही ९ मराठीशी बोलत होता.

विकास पाठक म्हणाला, “मला न्यायालयावर विश्वास आहे. न्यायालय जो आदेश देईल त्यावर मला विश्वास आहे. मी एका व्यक्तीला खूप मानायचो, मानतो आहे आणि मानत राहिल. ते आहेत स्वर्गीय हिंदुह्रदयसम्राट बाळासाहेब ठाकरे. ते देखील लाखो लोकांचा आवाज होता. ते लोकांच्या हक्कासाठी खूप लढले. बाळासाहेब ठाकरे यांच्या आयुष्यातही खूप साऱ्या अडचणी आल्या. ते त्याला सामोरे गेले, पण त्यांनी कधीही लोकांचा विश्वास तोडला नाही. ते शेवटच्या श्वासापर्यंत लोकांच्या हक्कासाठी लढले.”

हेही वाचा :  Anushka Sharma : अभिनेत्री अनुष्का शर्माची हायकोर्टात याचिका

“मी बाळासाहेब ठाकरे यांचा शिवसैनिक आहे”

“मी बाळासाहेब ठाकरे यांचा शिवसैनिक आहे आणि ते माझे आदर्श आहेत. मी त्यांच्याकडून शिकलो. कुणाच्या हक्कासाठी लढायला मी इथं आलोय आणि तुरुंगात गेलोय, तर मी काही चूक केलीय असं मला वाटत नाही. मी त्यांचा शिवसैनिक आहे आणि त्यांच्याच पावलावर चालतो,” असं विकास पाठकने सांगितलं.

“माझ्या प्रकरणात कुणी दबाव टाकतंय असं मला अजिबात वाटत नाही”

विकास पाठक पुढे म्हणाला, “माझ्या प्रकरणात कुणी दबाव टाकतंय असं मला अजिबात वाटत नाही. मी जेव्हा व्हिडीओ बनवला तेव्हा मी व्हिडीओत सांगितलं होतं की आपल्याला फक्त निवेदन घेऊन जायचं आहे. कुणालाही त्रास होईल असं काहीच करायचं नाही. निवेदन देताना सोशल डिस्टन्सिंगचं पालन करायचं आहे हेही माझ्या व्हिडीओत आहे, पण अचानक हे कसं झालं हे मला नाही समजलं.”

हेही वाचा : हिंदुस्तानी भाऊ उर्फ विकास पाठकची तुरुंगातून सुटका

“मला नागपूर पोलिसांकडून एक नोटीस मिळाली आहे. त्यामुळे मी २२ फेब्रुवारीला नागपूरला हजर राहणार आहे. तिथं काही कायदेशीर प्रक्रिया होतील त्यासाठी मी नागपूरला जाईल,” असंही विकास पाठक उर्फ हिंदूस्थानी भाऊने नमूद केलं.

हेही वाचा :  “देशात असे *** फार आहेत,” उद्धव ठाकरेंनी सोनियांची परवानगी घेतलीये का? विचारणाऱ्या सोमय्यांवर राऊत संतापले

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.



Source link

About Team Majhinews

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

“मराठी कलाकार स्वत: सेटवर हिंदीत बोलतात”, अजय-अतुलच्या जोडीतील अतुलने केली तक्रार

मराठी राजभाषा दिनाच्या निमित्तानं दिलेल्या मुलाखतती अतुलने ही तक्रार केली आहे. दिग्दर्शक नागराज मंजुळे आणि …

Russia – Ukraine War : ठाणे जिल्ह्यातील ३१ विद्यार्थी युक्रेनमध्ये अडकले

हे सर्व विद्यार्थी वैद्यकीय शिक्षण घेण्यासाठी युक्रेनमध्ये गेलेले आहेत. ठाणे जिल्ह्यातील विविध शहरांमधील ३१ विद्यार्थी …