मराठी सिनेसृष्टीतील या जोडप्याने खरेदी केली महागडी कार, किंमत आहे तब्बल…

मुंबई: गेल्या काही दिवसांपासून मराठी कलाकार त्यांच्या स्वप्नातील गोष्टींची खरेदी करताना दिसत आहे. कुणी कलाकराने नवं घेतलं तर कुणी फार्महाऊस बांधलं अशा बातम्या कलाकार सोशलमीडियावर शेअर करत आहेत. नव्या घराच्या दारात एक कार असावी असंही स्वप्न कलाकार पाहत असतात. हेच स्वप्नं पूर्ण केलं आहे मराठीतील एका कलाकार जोडप्याने आणि तेही वयाच्या ४८ व्या वर्षी. काही दिवसांपूर्वीच या जोडप्याने त्यांच्या नव्या घरात पाऊल टाकलं आणि आता कार खरेदी करून आनंदाला कळस चढवला. सोशलमीडियावर कारचे फोटो शेअर करत ही बातमी त्यांनी चाहत्यांना दिली आहे. हे जोडपं आहे अभिनेते, दिग्दर्शक मंगेश कदम आणि अभिनेत्री लीना भागवत.

मंगेश आणि लीना यांनी वयाच्या पन्नाशीच्या उंबरठ्यावर यंदा घर आणि कार ही दणदणीत खरेदी केली आहे. सध्या ही जोडी ठिपक्यांची रांगोळी या मालिकेत एकत्र दिसत आहे. दोघांनीही अभिनयाने चाहत्यांच्या मनात घर केलं आहेच पण आता त्यांच्या वैयक्तित आयुष्यातील नव्या खरेदीमुळे चाहतेही आनंदित झाले आहेत. १७ लाखाची आलिशान गाडी खरेदी करून या जोडप्याने त्यांचं स्वप्नं पूर्ण केलं आहे.
मला त्यासाठी कर्ज काढायचं नव्हतं, माझ्या बॅंक अकाऊंटमध्ये आजही…आलियाचा मोठा खुलासा
१९९६ साली अधांतर या नाटकाच्या निमित्ताने मंगेश आणि लीना यांची ओळख झाली. पुढे हाच खेळ उदया पुन्हा या नाटकात त्यांची भेट झाली. एका लग्नाची दुसरी गोष्ट ही मालिका करताना त्यांनाही एकमेकांशी लग्नं करावं असं वाटलं आणि त्यांनी प्रेमविवाह केला. तेव्हापासून दोघांनी अनेक नाटक, मालिका केल्या. सध्या आमने सामने या नाटकात ते एकत्र काम करत आहेत. तर ठिपक्यांची रांगोळी या मालिकेत लीना या सुवर्णा तर मंगेश हे विठ्ठल कानिटकर ही भूमिका करत आहेत.

हर्षद मेहता फेम प्रतीक गांधी आणि सई ताम्हणकर काय करतायत एकत्र? Photo झाले व्हायरल
मंगेश यांनी लीना यांना पाच रूपयांचा बिस्कीट पुडा देऊन प्रपोज केलं होतं. नाटकाच्या निमित्ताने या दोघांनी अनेकवेळा एकत्र काम केलं. तर अनेक मालिकांमध्येही ही जोडी प्रेक्षकांना एकत्र दिसली आहे. गेल्या २५ वर्षात दोघांनी संसारात खूप चढउतार पाहिले. स्वत:चं हक्काचं घर घ्यायला त्यांना वयाची पन्नाशी यावी लागली. तर नवी गाडी दारात आली तीही पन्नाशीच्या उंबरठ्यावर. त्यामुळे सध्या ही जोडी खूपच खुश आहे.