घटस्फोटाच्या चर्चेनंतर साडीच्या अनारकलीत मानसी नाईकचा खास अंदाज, हातभर चुड्याने वेधले लक्ष

​पैठणी साडीचा अनारकली​

मानसीने पैठणी साडीचा शिवलेला अनारकली ड्रेस घालून फोटो शेअर केले आहे. चाहत्यांना मानसीची ही अदा खूपच आवडली आहे. महाराष्ट्रीयन लुक असणारा हा ड्रेस सर्वांचे लक्ष वेधून घेत आहे. डीप नेक स्लीव्हलेस ड्रेसमध्ये मानसीचे सौंदर्य अधिक खुलून दिसते आहे. तर भगव्या आणि जांभळ्या रंगाचे हे कॉम्बिनेशन उठावदार दिसत आहे.

​रंगबेरंगी चुड्याने वेधले लक्ष​

मानसीने या ड्रेससह मॅचिंग अशा बांगड्या हातात भरल्या आहेत. हा चुडा अत्यंत सुंदर दिसत असून महाराष्ट्रीयन पैठणी ड्रेससह आकर्षक दिसत आहे. भगव्या आणि जांभळ्या रंगाचा असा हा चुडा सगळ्यांचे लक्ष वेधून घेत असून गुढीपाडवा, दिवाळी वा दसरा अशा सणांसाठी हा लुक परफेक्ट आहे.

(वाचा – अरूंधतीचा वेगळाच मराठमोळा साज, पुरस्कार सोहळ्यासाठी शिवला लग्नातील साडीचा खास ड्रेस)

​मोठ्या कानातल्यांनी केला लुक पूर्ण​

यासह मानसीने गळ्यात काहीही न घालता डीप नेक दाखवून कानात मात्र मोठ्या चांदबाली घातल्या आहेत. गोल्डन कॉपर अशा या चाँदबाली खूपच सुंदर असून या ड्रेसची शोभाच वाढवत आहेत. मानसीने परफेक्ट स्टाईल मॅच केल्याचे दिसून येत आहे.

(वाचा – सैराट झालं जी…रिंकूच्या देशी लुकवर चाहते फिदा, म्हणतात इन्स्टाग्रामची क्वीन)

​स्लिट कट अनारकली कुरता​

हा कुरता टिपिकल नसून इंडो – वेस्टर्न असा लुक याला देण्यात आला आहे. स्लिट कट असा अनारकली कुरता शिवला असून त्यासह साडीच्या बॉर्डर पँट सलवारला लावण्यात आली आहे. त्यामुळे ड्रेसची शोभा अधिक वाढली आहे. पैठणी साडीच्या या ड्रेस स्टाईलला पुरेपूर न्याय देण्यात आला आहे.

(वाचा -सिद्धार्थची कियारावरून नजरच हटेना, कियारा म्हणतेय काहीतरी वेगळी अशी विशेष होती ती रात्र)

​मानसीचा परफेक्ट मेकअप लुक​

मानसीचा मेकअप नेहमीच ऑनपॉईंट असतो. या महाराष्ट्रीयन लुकवरदेखील मानसीने भगव्या आणि जांभळ्या रंगाला साजेसा असा मेकअप केला आहे. थोडा गडद मेकअप मानसीने निवडला असून चॉकलेटी शेडच्या रंगाची लिपस्टिक यासह मॅच केली आहे. तर आयशॅडो, आयलायनर आणि हायलायटरने लुक पूर्ण केला आहे.

​मोकळ्या केसांची स्टाईल​

पैठणीच्या या लुकला अधिक उठाव आणण्यासाठी मानसीने केस मोकळे ठेवले असून कपाळावर एक लहानशी टिकली लावून लुक पूर्ण केला आहे. मानसीच्या या पेहरावावरून नजरच हटत नाहीये. तर नेटिझन्सना हा लुक खूपच आवडल्याचे त्यांच्या कमेंट्सवरून दिसून येत आहे.

तुम्हीही एखाद्या गुढीपाडवा, गणपती, नवरात्र, दसरा, दिवाळी अशा सणांसाठी पैठणी साडीचा असा अनारकली लुक नक्कीच करून पाहू शकता.