प्रभू रामचंद्राच्या पवित्र नावावरून ठेवा मुलांची युनिक नावे

ब्रम्हज्ञ

ब्रम्हज्ञ या नावाचा अर्थ ‘देवांचा देव’, ज्याला सर्व ज्ञान प्राप्त आहे असा. रामचंद्र हा भगवान विष्णूचा अवतार समजण्यात येतात. त्यामुळे त्यांना सर्वज्ञान प्राप्त होते असंही म्हटलं जातं. हे नाव थोडे कठीण असले तरीही वेगळे आहे. त्यामुळे मुलासाठी तुम्ही या नावाचा विचार करू शकता.

धन्विन

धन्विन अर्थात सूर्याच्या किरणांपासून जन्मलेला असा याचा अर्थ होतो. सूर्यासारखा तेजस्वी पुत्र, धैर्यवान आणि कणखर पुत्र म्हणजे धन्विन. हा शब्द संस्कृत शब्दावरून घेण्यात आला आहे. भारतीय राजांमध्येही हे नाव दिसून आले आहे. रामचंद्राचे हे नाव तुम्ही मुलासाठी निवडू शकता.

(वाचा – श्रीकृष्णाच्या मुलांची नावं माहीत आहेत का? मुलांसाठी युनिक नावांचा शोध असल्यास व्हाल आनंदी)

शाश्वत

जगातील एकमेव सत्य म्हणजे प्रभू. सत्य म्हणजे शाश्वत. रामाचाच दुसरा अर्थ शाश्वत असे म्हटले जाते. तुमच्या बाळासाठी हे नाव तुम्ही निवडू शकता. राम नवमीच्या दिवशी बाळाचा जन्म झाला असेल तर नक्कीच हे नाव शोभेल.

(वाचा – Chaitra Navratri 2023: देवी दुर्गेच्या नावावरून ठेवा आपल्या मुलीचे नाव, 11 नावांची अर्थासहित नामावली)

वेदात्म

वेदाचा सर्वस्वी आत्मा म्हणजे वेदात्म. प्रभूचा आत्मा वेदात नसेल तर त्याला काहीच अर्थ राहणार नाही असा वेदात्म या नावाचा अर्थ आहे. रामचंद्राच्या नामावलीतील हे नाव वेगळे असून तुम्ही त्याचा वापर करून शकता.

(वाचा – हनुमानाची ही नावं आहेत अगदी आधुनिक, मुलासाठी निवडा ही नावं राहील मारूतीची कृपादृष्टी)

जैत्राय

तुमच्या मुलाचे आद्याक्षर ज आले असेल आणि तुम्ही रामचंद्राचे भक्त असून वेगळ्या नावाचा विचार करत असाल तर या नावाची निवड करा. विजय मिळवणारा असा जैत्राय. जैत्राय नाव मोठं अथवा कठीण वाटत असेल तर जैत्र असेही नाव तुम्ही ठेऊ शकता.

पराक्ष

पराक्ष म्हणजे प्रकाश अथवा तेज. आधुनिक नावाच्या शोधात असाल तर पराक्ष हे उत्तम नाव आहे. पारंपरिक आणि आधुनिक नावाचा हा उत्तम मेळ आहे. भारतीय बाळांच्या नावाच्या यादीत हे युनिक आणि वेगळं नाव आहे.

परस्म

तुम्ही एखाद्या पारंपरिक नावाचा विचार करत असाल तर परस्म हे नाव ठेऊ शकता. अत्यंत पुढारलेला आणि देवाशी संबंधित असा या नावाचा अर्थ असून २१ व्या शतकात तुम्ही रामाच्या या नावाचा वापर करू शकता.

सौम्याय

सौम्याय अर्थात अतिशय मृदू, सौम्यतेने कार्य करणारा असा. प्रभू रामचंद्राच्या नावामध्ये या नावाचाही समावेश आहे. तुम्हीही नव्या नावाचा शोध घेत असाल तर सौम्याय या नावाचा विचार करू शकता. मृदूभाषी असाही त्याचा अर्थ आहे.

श्यामंग

आम्ही तर या नावाच्या प्रेमात आहोत. श्यामंग म्हणजे सावळा. या नावातच जादू आहे. सावळा असा राम म्हणजेच श्यामंग. वेगळ्या आणि युनिक नावाचा तुम्ही विचार करत असाल तर श्यामंग नाव निवडू शकता. विष्णू आणि कृष्ण असाही या नावाचा अर्थ आहे.
तुम्हीही आपल्या मुलाच्या नावासाठी वेगळ्या आणि युनिक नावाचा अर्थ शोधत असाल आणि रामाचे भक्त असाल तर या नावांची यादी तुमच्यासाठीच आहे.