गरोदरपणादरम्यान पोटावर येणारी काळी रेषा म्हणजे नेमके काय? जाणून घ्या Linea Nigra विषयी

​लिनिया नायग्रा म्हणजे काय?​

What Is Linea Nigra: लिनिया नायग्रा ही गर्भावस्थेत असणाऱ्या महिलेच्या पोटावर दुसऱ्या तिमाहीदरम्यान उभी रेषा दिसून येते. महिलांच्या बेंबापासून ते अगदी प्युबिक एरियाच्या शेवटापर्यंत ही रेषा दिसते. काही महिलांच्या पोटावर तर अगदी स्तनांच्या खालपासून ही रेषा दिसते. असंख्य महिलांना ही रेषा गर्भावस्थेदरम्यान असतेच. साधारण दुसऱ्या आणि तिसऱ्या तिमाहीमध्ये ही रेषा स्पष्ट होते.

​कोणत्या महिलांमध्ये दिसून येते लिनिया नायग्रा​

Does Everyone Get A Linea Nigra: साधारणतः ८०% गर्भावस्थेतील महिलांमध्ये ही काळी रेषा दिसून येते. पण तुमच्या त्वचेच्या रंगानुसार या लाईनकडे लक्ष जाऊ शकते. ही रेषा तुमच्या शरीरातील पिगमेंटेशननुसार स्पष्ट दिसते.

(वाचा – सोनम कपूरने दाखवली ६ महिन्याच्या वायुची पहिली झलक, नव्या आईने काय आहार सुरू करावा)

​पोटावरील ही Linea Nigra कधी नाहीशी होते?​

When Does Linea Nigra Vanished: जेव्हा तुमच्या शरीरातील हार्मोनचा स्तर सामान्य होतो आणि पहिल्यासारखा होतो तेव्हा गर्भावस्थेनंतर लिनिया नायग्रा फिकट होत जाते. बाळाच्या जन्मानंतर बरेच आठवडे अथवा महिन्यानंतर ही रेषा नाहीशी होते. काही महिलांच्या बाबतीत ही पूर्ण नाहीशी होत नाही, हे संपूर्णतः नैसर्गिक आणि सामान्य अशी बाब आहे.

(वाचा – जुळ्या बाळांपैकी गर्भातच एक होऊ शकते गायब, तुम्हाला हा आजार तर नाही?)

​गर्भावस्थेदरम्यान लिनिया नायग्रा का वाढते?​

पोटात बाळ असताना शरीरातील प्रोजेस्टेरॉन आणि अस्ट्रोजन हार्मोन अधिक प्रमाणात रिलीज होत असते. गर्भावस्थेदरम्यान भ्रूण अर्थात बाळाच्या आरोग्यासाठी हे दोन्ही हार्मोन्स अत्यंत महत्त्वाचे ठरतात. पण या हार्मोन्सचा दुष्परिणाम असतो आणि तो म्हणजे हार्मोन्स अधिक झाल्यामुळे मेलेनिनचे अधिक उत्पादन होते आणि यादरम्यान महिलांच्या त्वचेवर वेगवेगळ्या प्रकारे पिगमेंटेशन दिसून येते. लिनिया नायग्रा हा त्याचाच एक भाग आहे.

(वाचा – वॉटर बर्थ थेरपी म्हणजे नेमके काय? कसा होतो बाळाचा जन्म आणि गर्भवतीच्या यातना होतात कमी)

​ही काळी रेषा कशी होईल दूर​

How To Remove Linea Nigra: तुम्ही या काळ्या रेषेला थांबवू शकत नाही. गर्भावस्थेदरम्यान हार्मोनल बदलांमुळे येणाऱ्या या काळ्या रेषेविषयी अधिक चिंता आणि ताण घेण्याची अजिबात गरज नाही. यासाठी डॉक्टरांच्या सल्ल्याचीही गरज नाही. पण बाळाच्या जन्मानंतर तुम्हाला अधिक काळ ही रेषा दिसत असेल तर तुम्ही तुमच्या त्वचारोगतज्ज्ञांशी संपर्क साधावा.

​गर्भावस्थेदरम्यान कोणतेही उपचार करू नये​

गर्भावस्था आणि स्तनपान करत असणाऱ्या महिलांना लिनिया नायग्रासठी कोणत्याही प्रकारचे त्वचेचे उपचार चालू करू नयेत. अशी काळी रेषा येणं हा सामान्य बदल आहे. साधारण एक वर्षात हे निघून जाते. तुम्हाला हवं असल्यास केवळ त्वचारोगतज्ज्ञांशी सल्लामसलत करावी.

सामान्य बाब असणाऱ्या लिनिया नायग्राची माहिती आम्ही आज दिली असून तुम्हाला ही माहिती कशी वाटली आम्हाला नक्की कळवा.