खूप संकटांचा केला सामना
यशस्वी व्हायचे तर ते एका रात्रीत तर शक्य नाहीच, त्यासाठी अनेक संकटे झेलावी लागतात. असा अनेक संकटांचा सामना विनिता सिंह यांना करावा लागला. पण हार न मानता त्यांनी आपले स्वप्न पूर्ण केले आणि फोर्ब्स इंडियाच्या वूमेन पावर लिस्ट 2021 मध्ये सुद्धा त्यांचे नाव समाविष्ट झाले. कोणत्याही उद्योजकेसाठी हा एक मोठा बहुमान असतो. काहीही मिळवायचे असो त्यासाठी निरंतर मेहनत घ्यावीच लागते. त्याला पर्याय नाही हा संदेश त्या सर्व तरुणांना देतात.
(वाचा :- korean beauty : उगाच नाही संपूर्ण जग कोरियन मुलींच्या मादकतेवर घायाळ, काचेसारखी त्वचा मिळवण्यासाठी करतात ‘ही’ कामे!)
17 व्या वर्षीच ठरवले
आपल्याला आपला बिझनेस उभा करायचा आहे आणि एक यशस्वी उद्योजिका बनायचे आहे हे स्वप्न विनिता सिंह यांनी 17 व्या वर्षीच पाहिले’ होते आणि त्यासाठी काम सुद्धा करायला सुरुवात केली होती. त्या ज्या कॉलेज मध्ये होत्या तेथील एक प्रोफेसर त्यांच्या खूप जवळचे होते. त्यांच्याकडून त्यांनी पुढे कोणता कोर्स करता येईल त्याचा सल्ला घेतला. तेव्हा त्या प्रोफेसरने त्यांच्यात खूप क्षमता असल्याचे सांगितले आणि उद्योजिका होण्याचा सल्ला दिला. हा सल्ला ऐकून आपण योग्य मार्गावर आहोत हे विनिता यांना कळून चुकले व त्यांनी त्याच दिशेने काम करण्यास सुरुवात केली.
(वाचा :- Exclusive : वयाच्या 16व्या आई बनणारी ही साधीशी मुलगी आज आहे भारतातील सुप्रसिद्ध ब्युटी आयकॉन, एका टिपचे घेते लाखो रूपये!)
1 कोटींची जॉब ऑफर
विनिता सिंह या आयआयटी मद्रास पास आउट असून त्यांनी इंजिनीअरिंगचे शिक्षण घेतले आहे शिवाय पुढे त्यांनी आयआयएम अहमदाबाद मधून बिझनेस स्टडीचे सुद्धा शिक्षण घेतले आहे. त्यांची ही शैक्षणिक पात्रता पाहून त्यांना एका कंपनीने एक कोटींची जॉब ऑफर केली. पण विनिता यांना तर त्यांचा स्वत:चा स्टार्टअप सुरु करायचा होता. म्हणून त्यांनी तो जॉब नाकारला आणि त्या मुंबईत येऊन एका लहानश्या फ्लॅटमध्ये राहू लागल्या. अनेकांनी तेव्हा त्यांना वेडं ठरवलं कारण एक सुखी भविष्य नाकारून त्या स्ट्रगल करायला जात होत्या. त्यातच त्यांची फर्स्ट कंपनी आयडीया फेल झाली आणि त्या खूप हताश झाल्या व आपण चुकीच्या तर रस्त्याने जात नाही आहोत ना याची त्यांना शंका वाटू लागली. (फोटो साभार: विनीता सिंह इंस्टाग्राम)
(वाचा :- Celebrity Beauty Secrets : मिथून चक्रवर्तीची हॉट-बोल्ड सूनबाई पाहिली का? मादक फोटो पाहून व्हाल घायाळ..!)
असा झाला स्टार्टअप सुरु
सुरुवातीला विनिता यांची आर्थिक स्थिती खराब होती. बिझनेस मध्ये सुद्धा त्यांनी पैसा लावला होता. त्यामुळे त्यांना मोठी बचत करावी लागे. त्यांचे पहिले स्टार्टअप हे दुर्दैवाने फेल झाले. तेव्हा त्यांना आपण चुकतोय का असे वाटू लागले. पण मनात जिद्द होती आणि त्यांनी दुसरी संधी आजमवण्याचे ठरवले. ब्यूटी सब्सक्रिप्शन कंपनी FabBag सह त्यांनी काम करायला सुरुवात केली. तेव्हा त्यांना भारतात सगळं काही म्हणजेच क्वॉलिटी प्रोडक्ट्स देईल अशी एकदी ब्युटी कंपनी नाही याची जाणीव झाली आणि त्यातूनच त्यांच्या डोक्यात चक्र फिरू लागली आणि तिथूनच त्यांनी आताचा बिझनेस अर्थात त्यांची कंपनी शुगरची सुरुवात केली. (फोटो साभार: विनीता सिंह इंस्टाग्राम)
(वाचा :- Hair Growth : 1 महिन्यात कंबरेपेक्षाही लांब व घनदाट होतील केस, टक्कल पडलेल्या जागीही येतील केस, फक्त करा ‘हे’ घरगुती उपाय!)
2015 मध्ये सुरू केलेली स्वत:ची कंपनी
विनिता सिंग यांनी केवळ त्यांच्या मेकअप उत्पादनांच्या दर्जावरच काम केले नाही तर महिलांना मेकअप कसा वापरायचा हेही शिकवले. सोशल मीडियापासून ते इतर अनेक प्लॅटफॉर्मचा वापर त्यांनी ग्राहकांना कंपनीपर्यंत पोहोचवण्यासाठी केला. ही कंपनी 2015 मध्ये सुरू झाली होती पण प्रोडक्ट्स दर्जेदार असल्याने महिलांपर्यंत पोहोचायला वेळ लागला नाही. विनिता पती कौशिक मुखर्जींसोबत ही कंपनी चालवतात. शुगर कंपनीची सुरूवात दोघांनी मिळून केली होती. सुरुवातीला कंपनी उभी करणे खूप अवघड होते. एक काळ असा होता की विनीताला 10 हजाराची नोकरी करण्याची वेळ आली होती. हा निर्णय घेऊन आपण चुकीचे करतोय की काय असे तिला वाटू लागले होते. (फोटो क्रेडिट्स: विनिता सिंग इंस्टाग्राम)
(वाचा :- Hair Care Tips : चहापावडरचा असा वापर केल्यास कमी वेळात मिळतील लांबसडक, घनदाट व कापसासारखे रेशमी केस, फक्त माहित हव्या ‘या’ 4 पद्धती!)
एका दिवसात इतक्या करोडची होते विक्री
भारतात ब्युटी इंडस्ट्रीला प्रचंड मोठी मागणी आहे. मेकअपबद्दल बोलायचं झालं तर आजकाल प्रत्येक स्त्रीलाच याची गरज भासते. सुरुवातीच्या काही वर्षांत कंपनीचा रेवेन्यू 2 कोटींपेक्षा सुद्धा कमी होता, परंतु सध्या कंपनीची विक्री दर दिवसाला 2 कोटी रुपये आहे. कंपनीचे प्रोडक्ट्स 3 थीमवर आधारित आहेत, ज्यामध्ये दीर्घकाळ टिकणारी (long lasting beauty products), वेदर प्रूफ (weather proof) आणि प्रत्येक वातावरणास सुटेबल अशी सर्व उत्पादने समाविष्ट आहेत. आम्ही तुम्हाला सांगू की हा एक डिजीटल फर्स्ट स्टार्टअप आहे, ज्याच्या टार्गेट कंन्जूमर भारतीय तरुणी आहेत, परंतु त्याची उत्पादने भारताशिवाय जर्मनी, इटली आणि कोरिया यांसारख्या देशांमध्ये तयार केली जातात. (फोटो क्रेडिट्स: विनिता सिंग इंस्टाग्राम)
(वाचा :- Yoga Asanas For white Hair : वयाच्या 70री नंतरही केस राहतील काळेभोर व लांबसडक, फक्त डेली रूटीनमध्ये समाविष्ट करा ‘या’ 5 गोष्टी!)