परीक्षेची तारीख जाहीर झाल्यानंतर उमेदवार वेळापत्रक (KVPY Exam Datesheet) पाहण्यासाठी वेबसाइटला भेट देऊ शकतात. केव्हीपीआय २०२२ चे प्रवेशपत्र लवकरच अधिकृत वेबसाइट- kvpy.iisc.ernet.in वर प्रसिद्ध केले जाणार आहे. प्रवेशपत्र तपासण्यासाठी उमेदवारांना त्यांचा यूजर आयडी आणि पासवर्ड टाकावा लागेल.
संशोधनासाठी प्रतिभा आणि योग्यता असलेल्या विद्यार्थ्यांना ओळखणे, त्यांची शैक्षणिक क्षमता ओळखण्यास मदत करणे, विज्ञान क्षेत्रात संशोधन करिअर करण्यासाठी प्रोत्साहित करणे आणि देशातील संशोधन आणि विकासासाठी सर्वोत्तम वैज्ञानिक प्रतिभावंत तयार करणे हा केव्हीवायपी अभ्यासक्रमाचा उद्देश आहे.
केव्हीव्हायपी २०२२ च्या प्रश्नपत्रिकेतं फिजिक्स (Physics), केमेस्ट्री (Chemistry), गणित (Mathematics) आणि जैवविज्ञान (Biology) या विषयांचे प्रश्न असतील. ही परीक्षा ३ तासांच्या कालावधीत घेतली जाईल. परीक्षा एकूण १०० गुणांची असेल. केव्हीवायपी प्रश्नपत्रिकेचे २ भाग असतील. भाग १ मध्ये १ गुण असेल आणि प्रत्येक चुकीच्या उत्तरासाठी ०.२५ गुणांचे निगेटीव्ह मार्किंग असतील. भाग २ मधील प्रश्नांना ०.५ गुणांच्या निगेटिव्ह मार्किंगसह प्रत्येकी २ गुण असतील.
केव्हीवायपी परीक्षा दरवर्षी इंडियन इन्स्टिट्यूट ऑफ सायन्स (IISc) द्वारे घेतली जाते. पात्र उमेदवारांना फेलोशिप प्रदान करणे हा त्याचा उद्देश आहे. IISc आणि भारतीय विज्ञान शिक्षण आणि संशोधन संस्था (IISER) मध्ये प्रवेश KVPY परीक्षेद्वारे केला जातो.
प्रवेशपत्र परीक्षेच्या किमान ३ आठवडे आधी निघणे अपेक्षित आहे. ते जाहीर झाल्यानंतर अधिकृत वेबसाइटवरून डाउनलोड करता येणार आहे. किशोर वैज्ञानिक प्रोत्साहन योजना (Kishore Vaigyanik Protsahan Yojana, KVPY 2022) हा भारत सरकारच्या विज्ञान आणि तंत्रज्ञान विभागाने सुरू केलेला आणि अर्थसहाय्यित मूलभूत विज्ञानातील फेलोशिपचा एक राष्ट्रीय कार्यक्रम आहे.
केव्हीवायपी परीक्षेद्वारे विविध कॅटेगरीमधून निवडलेल्या विद्यार्थ्यांना फेलोशिप दिली जाते. या फेलोशिप अंतर्गत, विद्यार्थ्यांना त्यांच्या वर्ग-स्तरानुसार स्ट्रीम एसए, स्ट्रीम एसएक्स आणि स्ट्रीम एसबी या तीन विभागांमध्ये दरमहा ५ हजार ते ७ हजार रुपयांपर्यंत मदत दिली जाते.
अधिकृत वेबसाइटवर जाण्यासाठी येथे क्लिक करा