कियारा-सिद्धार्थच्या लग्नात चर्चा शाहीद-मीराच्या फॅशनची, रॉयल लुकमध्ये मीराने वेधले लक्ष

पेस्टल पिंक साडीतील गॉर्जस लुक

पेस्टल पिंक हा सध्याचा ट्रेंड आहे आणि कियारा-सिद्धार्थच्या लग्नात अशीच पेस्टल पिंक रंगाची साडी मीराने निवडली होती. तर यासह साजेसा मात्र मिनिमल मेकअप आणि क्लचरसह तिने लुक पूर्ण केला. प्रसिद्ध साडी ड्रेपर डॉली जैनने मीराला साडी नेसवली असून तिनेच हा लुक शेअर केला आहे.

​पेस्टल ग्रीन अँड ब्लू डिझाईन्ड गरारा​

लडकीवाले अशा स्वरूपाचे कॅप्शन मीराने आपल्या पहिल्याच फोटोला दिले आहे. या शाही सोहळ्यात शाहीद आणि मीरा हे कियाराच्या बाजूने उपस्थित राहिले होते. अत्यंत साधे आणि तरीही रॉयल असे कपडे दोघांनीही कॅरी केले होते. मीराच्या या गरारा स्टाईलवरून तर नजरच हटत नव्हती. पेस्टल रंगाच्या या ड्रेसमध्ये मीरा अत्यंत आकर्षक दिसत होती.

​मोठे कानातले आणि बारीक नक्षीकाम​

मीराने यासह मोठे कानातले घातले असून या ड्रेसच्या दुपट्ट्यावर अत्यंत कोरीव नक्षीकाम केले आहे. डिझाईनर अनामिका खन्नाने डिझाईन केलेला हा गरारा अत्यंत सुंदर असून कियाराच्या लग्नातील पेस्टल थीमला साजेसा आहे. पेस्टल ग्रीन आणि ब्लू रंगामुळे अधिक उठावदार आणि रॉयल दिसत आहे.

(वाचा – कियाराच्या मंगळसूत्राच्या किमतीत येईल एक फ्लॅट, सिद्धार्थने केले इतके कोटी खर्च, सब्यासाचीने केले डिझाईन)

​क्रिम रंगाचा रॉयल सलवार सूट​

मीराने यावेळी लग्नाच्या संगीतसाठी सलवार सूट निवडला होता. जो क्रिम रंगाचा असून त्यावरील दुपट्टा हेव्ही होता. तर यासह ड्यूई मेकअपचा आधार घेत मीराने लुक पूर्ण केला होता.

(वाचा – नीना गुप्ताच्या लेकीवरून हटणार नाही नजर, फॅशनच्या बाबतीत अभिनेत्रींना देते तगडी टक्कर)

​परफेक्ट कपल लुक​

शाहीदने यावेळी पर्पल रंगाचा कुर्ता घातला होता तर त्यावर प्रिंटेड दुप्पटा मॅच केला होता. कुर्त्यामध्ये शाहीद अत्यंत डॅपलर वाटत होता तर मीरा राजपूतही तितकीच रॉयल दिसत होती. चिकन वर्क करण्यात आलेला कुर्ता मीराने यावेळी घातलेला दिसून आला. मल्टीकलर दुपट्ट्यासह हा लुक पूर्ण करत या कपलने फॅशनच्या दुनियेत पुन्हा एकदा #CoupleGoals सेट केल्याचे दिसून आले.

​मिनिमल मेकअप​

मीराने चिकनकारी वर्क करण्यात आलेल्या या सलवार सूटसह अत्यंत मिनिमल मेकअप निवडला. तर यामुळे तिच्या पेहराव आणि मेकअपमुळे रॉयल लुक दिसून येत आहे. लग्नात हेव्ही साड्यांची वा कपड्यांची गरज आहे असं नाही. तुम्ही योग्य डिझाईनर कपडे निवडले तरीही तुम्हाला रॉयल लुक मिळू शकतो.

​व्हेवी हेअरस्टाईल​

मीराने संगीत नाईटच्या दिवशी व्हेवी हेअरस्टाईल करून आपल्या लुकला पूर्ण केले होते. अत्यंत क्लासी लुकमध्ये मीरा राजपूत दिसत होती. तर सध्या हे फोटो व्हायरल होत असून शाहीद आणि मीराच्या या स्टाईलचेही सगळ्या ठिकाणी कौतुक होत आहे. तुम्हीही अशा लुकचा नक्कीच विचार करू शकता.

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com