दररोज किती केस गळणे सामान्य आहे, डॉक्टरकडे कधी जावे? तज्ज्ञांकडून जाणून घ्या सगळं काही

​दररोज किती केस गळणे सामान्य आहे?

अनेक वेळा रोजचे केस गळताना पाहून आपण घाबरून जातो. पण आम्ही तुम्हाला सांगतो की सामान्य केस गळणे हे शरीराचे नैसर्गिक नूतनीकरण चक्र आहे. अमेरिकन ऍकॅडमी ऑफ डर्मेटोलॉजीच्या मते, एखाद्या व्यक्तीचे दररोज 50 ते 100 केस गळणे सामान्य आहे. केसगळतीच्या पहिल्या टप्प्याला अॅनाजेन म्हणतात, ज्यामध्ये केसांची वाढ होते आणि दुसरा टप्पा टेलोजन असतो, ज्याला विश्रांतीची अवस्था देखील म्हणतात. बहुतेक निरोगी लोकांच्या डोक्यावर 80 ते 12 हजार केस असतात. लहान केस असलेल्या लोकांपेक्षा लांब केस असलेल्या लोकांच्या डोक्यावरून जास्त केस गळतात.

​सामान्य केस का गळतात?

जेव्हा केस धुतले जातात, त्या वेळी टाळूला कमकुवतपणे चिकटलेले सर्व केस तुटतात. ब्रश करतांना किंवा केस विचरताना केस ओढले तर केसही तुटतात, अशा प्रकारे केस तुटणे अगदी सामान्य आहे. वेगवेगळ्या हेअर स्टाइल केल्यानेही कधी कधी केस तुटतात. गर्भधारणेदरम्यान, मासिक पाळीच्या काळातही महिलांमध्ये केस गळण्याची समस्या असते. या सर्व कारणांमुळे, तुमचे एका दिवसात 50 ते 100 केस गळतात, जे अगदी सामान्य आहे. तुमचे केस रोज असेच पडत असतील तर काळजी करू नका. (वाचा :- मेथीच्या दाण्यांपासून मिळवा घनदाट आणि लांब केस, लोक सुद्धा विचारू लागतील तुमच्या सुंदर केसांचे रहस्य)

​डॉक्टरकडे कधी जायचे

केस तुमचे आरोग्य कसे आहे हे सांगत असतात. जर तुमचे केस एकत्र तुटत असतील आणि तुमच्या टाळूवर टक्कल पडलेले असतील तर ते चिंतेचे कारण असावे. या केसगळतीमागे कुठेतरी आरोग्याशी संबंधित कारणे आहेत. अशाप्रकारे केस गळणे हे कोणत्याही धोकादायक आजाराचे प्रारंभिक लक्षण असू शकते. म्हणूनच जर तकेसांना स्पर्श केल्याने ते गळू लागले तर तुम्ही ताबडतोब डॉक्टरांशी संपर्क साधावा. (वाचा :- त्वचेशी संबंधित ‘या’ समस्यांचे कारण कोरोना असू शकतो, वाचा डॉक्टरांचे मत )

​केस गळणे थांबवण्यासाठी करा हा उपाय

• केसगळती थांबवण्यासाठी कडुनिंब आणि कोरफड हे दोन्ही केसांसाठी रामबाण उपाय आहेत. आयुर्वेदातील अनेक गोष्टी केसगळती थांबवण्यास आणि नवीन केस आणण्यास मदत करतात. कडुलिंबाच्या पाण्याने आंघोळ करू शकता आणि केसांना कोरफडीचे जेल लावू शकता.
• कांद्याचा रस लावल्याने केस गळणे कमी होते. यासाठी कांदा बारीक करून त्यातून निघणारा रस लावल्यास केस गळणे लवकर कमी होते.
• त्याच प्रमाणे नारळाचे दूध काढणे थोडे कठीण असते पण ते केसांसाठी खूप चांगले असते. ओले नारळ किसून घ्या आणि नंतर दूध पिळून मुळांना लावा. यामुळे केस गळती थांबते.