तेल केसांमध्ये किती वेळ ठेवावे?
- योग्य पद्धतीनं तेल मसाज केल्यास केसांना भरपूर फायदे मिळतात
- तेल रात्रभर केसांना लावण्याची आवश्यकता नाही.
- काही तासांसाठी तुम्ही केसांना तेल लावू शकता.
- रात्रभर केसांना तेल लावल्यानं त्वचेच्या समस्या निर्माण होऊ शकते.
- तेलकट त्वचा असणाऱ्यांनी रात्रभर केसांना तेल लावून ठेवू नये. यामुळे मुरुमांची समस्या अधिक गंभीर होऊ शकते.
- तज्ज्ञ देखील दोन ते तीन तासच केसांना तेल लावून ठेवावे.
(वाचा :- Skin care tips : तुमच्या घाणेरड्या सवयी चेहऱ्यावर आणतात अकाली म्हातारपण, आजच बदला या सवयी)
पोषण तत्त्वांचा साठा
भृंगराजमध्ये लोह, व्हिटॅमिन ई, मॅग्नेशियम, कॅल्शियम आणि व्हिटॅमिन डी चा चांगला साठा आहे. याव्यतिरिक्त या औषधी वनस्पतीमध्ये अँटी लेप्रॉटिक, अँटी हेमोरेजिक, एनॅलजेसिक, अँटी हेप्टॉक्सिक, अँटी बॅक्टेरियल, अँटी व्हायरल हे गुणधर्म देखील आहेत. या पोषण तत्त्वांमुळे हे तेल केसांसाठी जादुई मानले जाते.
घरी अशा प्रकारे बनवा भृंगराज तेल
भृंगराज तेल बनवण्यासाठी आपल्याला भृंगराज पावडर किंवा भृंगराजची पाने, नारळाचे तेल किंवा तिळाचे तेल आणि मेथीच्या बिया लागतील .एका पातेल्यामध्ये नारळाचे तेल किंवा तिळाचे तेल टाका. आता या पातेला मध्ये आपल्याला भृंगराजची पाने किंवा पावडर टाकायची आहे. आता हे मिश्रण आपल्याला व्यवस्थित उकळू द्यायचे आहे. जोपर्यंत या मिश्रणाचा रंग हिरवा होत नाही तोपर्यंत आपल्याला हे मिश्रण उकळू द्यायचे आहे. या मिश्रणामध्ये मेथीचे काही दाणे टाका आता गॅस बंद करून हे मिश्रण काही काळ थंड होऊ द्या. या तेलाला गाळणीच्या सहाय्याने गाळून एका बॉटलमध्ये भरून ठेवा.