शैक्षणिक नुकसान कसे भरून काढणार? चीनमधून परतलेल्या विद्यार्थ्यांचा सवाल

पुन्हा चीनमध्ये जाण्यासाठी मदत करा, ही मोहीम या विद्यार्थ्यांनी सोशल मीडियावर लावून धरली आहे. केंद्र तसेच राज्य सरकारकडे यासंदर्भात त्यांनी विविध माध्यमातून पाठपुरावाही सुरू केला आहे. ‘चीनमध्ये पुन्हा करोना रुग्णसंख्या वाढत असल्याने आम्हा विद्यार्थ्यांना चिंता आहे. वैद्यकीय शिक्षणामध्ये प्रॅक्टिकल्स महत्त्वाचे असतात. ऑनलाइन प्रशिक्षणामध्ये त्याचा लाभ मिळत नाही. भारतामध्ये करोना संसर्गाची लागण झाली, तेव्हा निवासी डॉक्टरांनी सर्वाधिक काम केले. त्यांनाही शैक्षणिक अभ्यासक्रमामध्ये करोनाव्यतिरिक्त अन्य आजारांच्या रुग्णांना तपासता आले नाही. मात्र तरीही त्यांचा अनुभव महत्त्वाचा मानला जाईल’, असे चीनमध्ये वैद्यकीय प्रशिक्षण घेणाऱ्या सिंधूर रवी याने सांगितले. सरकारने आमच्या मागण्यांची दखल घेऊन विद्यार्थ्यांना पुन्हा चीनमधील शैक्षणिक संस्थामध्ये रुजू करण्यासाठी प्रयत्न करण्यास आग्रही राहायला हवे, असे त्यांनी सांगितले.

‘मध्यममार्ग शोधायला हवा’

‘चीन व युक्रेनमध्ये जाण्यापेक्षा येथील खासगी तसेच कॉर्पोरेट रुग्णालयांच्या मदतीने या विद्यार्थ्यांना सामावून घेणारे प्रशिक्षण सुरू केले व त्यानंतर त्यांना परदेशी विद्यापीठाची परीक्षा देणे बंधनकारक केल्यास हा प्रश्न सुटू शकेल. जिल्हा, ग्रामीण रुग्णालयामधील डॉक्टरांची कमतरताही भरून निघेल’, असे माजी वैद्यकीय शिक्षण संचालक डॉ. प्रवीण शिनगारे यांनी सांगितले. चीनमध्ये करोना संसर्गाचा नवा परावर्तित स्वरूपाचा विषाणू आढळल्यामुळे नियम कडक करण्यात आले आहेत. त्यामुळे जेव्हा हा संसर्ग नियंत्रणात येईल, तेव्हाच विद्यार्थ्यांना पुन्हा बोलावण्यात येईल. त्यामुळे विद्यार्थ्यांचे होणारे शैक्षणिक नुकसान भरून येणार नाही, अशी चिंता शिक्षणतज्ज्ञांनी व्यक्त केली आहे.

RTE प्रवेशासाठी चुरस; एक लाख जागांसाठी तीन लाख अर्ज!

Scholarship to Study Abroad:’या’ शिष्यवृत्तींमधून मिळेल परदेशात विनामूल्य शिक्षण