आधी टी-२० वर्ल्ड कपमध्ये भारतीय संघातून डच्चू, आता त्याच खेळाडूला BCCIनं थेट केलं कर्णधार!

मुंबई: आगामी टी २० विश्वचषकासाठी भारतीय संघाची घोषणा केली गेली. अनेक स्टार खेळाडूंचा तर युवा खेळाडूंचा देखील या संघात समावेश केला आहे. वर्ल्डकप संघामध्ये आशिया कपमधील बर्‍याच खेळाडूंचा समावेश आहे. त्यामुळे भारतीय क्रिकेट संघात पूर्वीपासून चमकदार कामगिरी करणार्‍या काही खेळाडूंना वगळण्यात आले आहे. या खेळाडूंचा फॉर्म आणि त्यांची आतापर्यंतची कामगिरी पाहता त्यांना संघात स्थान न दिल्याने चर्चा सुरू होती होती.

या खेळाडूंमधील भारतीय संघातील एक खेळाडू संजू सॅमसन आहे. आगामी टी २० विश्वचषक २०२२ साठी भारतीय संघात संजू सॅमसनचा समावेश करण्यात आलेला नव्हता. भारतीय क्रिकेट नियामक मंडळाच्या (बीसीसीआय) या निर्णयावर अनेक क्रिकेट चाहते नाराज होते. चाहत्यांची निराशा दूर करण्यासाठी आता एक मोठे पाऊल उचलत बीसीसीआयने न्यूझीलंड-अ विरुद्धच्या तीन सामन्यांच्या वनडे मालिकेसाठी सॅमसनची भारत-अ संघाच्या कर्णधारपदी नियुक्ती केली आहे.

पहिल्या नजरेतलं प्रेम आणि ९ वर्षांनंतर लग्न, रॉजर फेडररसारखी लव्हस्टोरी साऱ्यांनाच हवी

बीसीसीआयने निवडलेल्या १६ सदस्यीय संघात बहुतेक अशा खेळाडूंचा समावेश आहे; जे विश्वचषक संघात निवडीचे दावेदार होते, परंतु त्यांना ऑस्ट्रेलियन भूमीवर होणाऱ्या स्पर्धेसाठी संधी मिळाली नाही. सॅमसनशिवाय या खेळाडूंमध्ये पृथ्वी शॉ, कुलदीप यादव, शार्दुल ठाकूर, उमरान मलिक या खेळाडूंचा समावेश आहे. आता हे खेळाडू न्यूझीलंड-अ विरुद्धच्या मालिकेत चांगली कामगिरी करत निवडकर्त्यांचे लक्ष वेधून घेतील.

भारत ‘अ’ संघ : पृथ्वी शॉ, अभिमन्यू ईश्वरन, ऋतुराज गायकवाड, राहुल त्रिपाठी, रजत पाटीदार, संजू सॅमसन (कर्णधार), केएस भरत (यष्टीरक्षक), कुलदीप यादव, शाहबाज अहमद, राहुल चहर, तिलक वर्मा, कुलदीप सेन, शार्दुल ठाकूर, उमरान मलिक, नवदीप सैनी, राज अंगद बावा.

भारतावर विशेष प्रेम, गोमातेचा भक्त! टेनिसचा बादशाह रॉजर फेडररकडे आहे ‘गंगा’

न्यूझीलंड-अ विरुद्धच्या एकदिवसीय मालिकेतील तीनही सामने चेन्नईच्या एमए चिदंबरम स्टेडियमवर खेळवले जातील. पहिला सामना २२ सप्टेंबरला होणार आहे. त्यानंतर २५ आणि २७ सप्टेंबर रोजी उर्वरित दोन सामने होतील. सध्या, न्यूझीलंड-अ संघ भारत-अ विरुद्ध तीन सामन्यांच्या कसोटी मालिकेतील शेवटचा सामना खेळत आहे.

मुंबई इंडियन्समध्ये झाला मोठा बदल, महेला जयवर्धनेची जागा घेणार हा माजी खेळाडू

पंतला टी-२० विश्वचषकासाठी संधी मिळाली

टी-२० विश्वचषकासाठी ईशान किशन आणि संजू सॅमसन या खेळाडूंपेक्षा ऋषभ पंतला प्राधान्य देण्यात आले. असे असूनही पंत चा टी-२० मधील फॉर्म अतिशय खराब राहिला आहे. पंतने ५८ टी-२० आंतरराष्ट्रीय सामन्यांमध्ये २३.९४ च्या सरासरीने ९३४ धावा केल्या आहेत. या दरम्यान त्याचा स्ट्राइक रेट १२६.२१ राहिला आहे. पंतने आंतरराष्ट्रीय टी २० मध्ये ३ अर्धशतके झळकावली आहेत आणि त्याची सर्वोत्तम धावसंख्या ६५ आहे. संजू सॅमसनबद्दल सांगायचे तर, त्याने आतापर्यंत भारतासाठी १६ टी-२० आंतरराष्ट्रीय सामन्यांमध्ये २१.१४ च्या सरासरीने आणि १३५.१५ च्या स्ट्राइक रेटने २९६ धावा केल्या आहेत. ऋषभ पंतच्या तुलनेत संजू सॅमसनला खूप कमी संधी मिळाल्याचे आकडेवारीवरून स्पष्ट होते.

ऑस्ट्रेलिया-एसए मालिकेतही संधी नाही

बीसीसीआयने ऑस्ट्रेलिया आणि दक्षिण आफ्रिकेविरुद्धच्या टी-२० मालिकेसाठीही संघाची घोषणा केली. यामध्ये संजू सॅमसनलाही स्थान मिळालेले नाही. मात्र, चाहत्यांना आशा आहे की, दक्षिण आफ्रिकेविरुद्धच्या वनडे मालिकेत सॅमसनला नक्कीच संधी मिळेल. वनडे मालिकेसाठीचा संघ अद्याप जाहीर झालेला नाही. सध्या सॅमसनला त्याच्या कर्णधारपदाने आणि फलंदाजीने निवडकर्त्यांना प्रभावित करण्याची उत्तम संधी मिळाली आहे.