‘गंगूबाई काठियावाडी’ दाक्षिणात्य चित्रपटांच्या तोडीचा; आलियाचं नाव न घेता कंगनाने केलं कौतुक

Kangana Ranaut : बॉलिवूड अभिनेत्री आलिया भट्टचा (Alia Bhatt) ‘गंगूबाई काठियावाडी’ (Gangubai Kathiawadi) सिनेमा प्रदर्शित झाला असून त्याला प्रेक्षकांचा उत्तम प्रतिसाद मिळत आहे. बॉलिवूड सेलिब्रिटींपासून प्रेक्षकांपर्यंत सर्वांनाच आलियाचे सिनेमातील काम आवडत आहे. काही दिवसांपूर्वी बॉलिवूड अभिनेत्री कंगना रनौतने (Kangana Ranaut) ‘गंगूबाई काठियावाडी’ सिनेमावर निशाणा साधला होता. पण आता सिनेमा प्रदर्शित झाल्यानंतर कंगनाने आलियाचे नाव न घेता तिच्या कामाचे कौतुक केले आहे. 

कंगनाने सोशल मीडियाच्या माध्यमातून आलियावर निशाणा साधला होता. ती आलियाला ‘बिंबो’ आणि ‘पापा की परी’ म्हणाली होती. तसेच ‘गंगूबाई काठियावाडी’ सिनेमातील कास्टिंग चुकीचे असून शुक्रवारी बॉक्स ऑफिसवर 200 कोटी रुपये राख होणार आहेत. असेही कंगना म्हणाली होती. 

कंगनाने आता इंस्टा स्टोरीच्या माध्यमातून आलियाचे कौतुक केले आहे. कंगनाने लिहिले आहे, सिनेमागृहे पुन्हा सुरू झाली आहेत. अशातच साऊथ सिनेमे बॉक्सऑफिसवर धुमाकूळ घालत आहेत.  नुकताच प्रदर्शित झालेला स्त्रीप्रधान सिनेमादेखील दाक्षिणात्य चित्रपटांच्या तोडीचा आहे. हा स्त्रीप्रधान सिनेमा चांगली कमाई करेल. या सिनेमातील दिग्दर्शक आणि कलाकारांचे कौतुक वाटते. मला आशा आहे की हा सिनेमा प्रेक्षकांच्या पसंतीस पडेल. 

पहिल्याच दिवशी केली कोट्यवधींची कमाई

रिपोर्टनुसार, गंगूबाई काठियावाडी या सिनेमाने पहिल्याच दिवशी  9.50-10 कोटींची कमाई केली आहे. रिपोर्टनुसार, डिसेंबरमध्ये रिलीज झालेल्या रणवीर सिंहच्या 83 या चित्रपटापेक्षा गंगूबाई काठियावाडी या चित्रपटाला चांगला प्रतिसाद मिळत आहे. विकेंडला या चित्रपटाचे बॉक्स ऑफिस कलेक्शन चांगले होईल, असं म्हटलं जात आहे.

संबंधित बातम्या

Gangubai Kathiawadi : ‘गंगूबाई काठियावाडी’चा बॉक्स ऑफिसवर धुमाकूळ; पहिल्याच दिवशी कोट्यवधींची कमाई

Fighter : हृतिक-दीपिका पहिल्यांदाच एकत्र,’फायटर’च्या शूटिंगला सुरुवात

Gangubai Kathiawadi : ढोलिडानंतर गंगूबाई काठियावाडीमधील ‘झूमे रे गोरी’गाणं रिलीज ; आलियाच्या डान्सनं वेधलं लक्ष

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह – ABP Majha
https://www.youtube.com/watch?v=Rs3GfkHRwXA