‘सीईटी’चा निकाल जाहीर करण्यास मनाई

क्राफ्ट इन्स्ट्रक्टर्स पदांसाठी नुकतीच ‘सीईटी’ घेण्यात आली. त्यात शैक्षणिक अर्हता धारण करीत नसलेले उमेदवार मोठ्या प्रमाणात होते, असे अर्जदारांतर्फे ॲड. एस. एस. डंबे यांनी निदर्शनास आणून दिले होते. सीईटीचा निकाल तीन आठवड्यात जाहीर होण्याची शक्यता मुख्य सादरकर्ता अधिकारी मिलींद महाजन यांनी यापूर्वीच्या सुनावणीवेळी व्यक्त केली होती. मूळ अर्जाच्या अंतिम निकालापर्यंत वरील पदांची भरती प्रक्रिया थांबवावी, अशी विनंती डंबे यांनी केली होती.

केंद्र शासनाने क्राफ्ट इन्स्ट्रक्टर्स पदासाठी सीआयटीएस ही शैक्षणिक पात्रता निश्चित केली होती. राज्य शासनाने शैक्षणिक पात्रता नसलेल्या उमेदवारांना क्राफ्ट इन्स्ट्रक्टर्स पदासाठी पात्र ठरविल्याचे बाळू भोसले व इतर अर्जदारांचे म्हणणे आहे. वरील पदांसाठीची भरती थांबविली नाही तर शैक्षणिक पात्र नसलेल्या उमेदवारांना नियुक्त्या दिल्या जातील, असे डंबे म्हणाले. केंद्र शासनातर्फे ॲड. डी. बी. गायकवाड आणि राज्य शासनातर्फे सादरकर्ता अधिकारी एम. पी. गुडे काम पाहत आहेत.

NHM Recruitment: ‘या’ महानगरपालिकेच्या आरोग्य विभागात बंपर भरती, जाणून घ्या तपशील

पालघरमधील डीएड, बीएडधारक ‘सीटीईटी’पासून वंचित

केंद्रीय माध्यमिक शिक्षण बोर्डाकडून घेतल्या जाणाऱ्या केंद्रीय शिक्षक पात्रता (सीटीईटी) परीक्षेसाठी पालघर जिल्ह्याजवळील मुंबई, नाशिक, वापी इत्यादी परीक्षा केंद्रांवरील उमेदवारांची नोंदणी पूर्ण झाली आहे. तर दुसरीकडे यंदा सिल्व्हासा व दमण येथे परीक्षा केंद्रे ठेवलेली नाहीत. त्यामुळे जिल्ह्यातील डीएड, बीएड उमेदवार या परीक्षेपासून वंचित राहण्याची भीती व्यक्त होत आहे. त्यामुळे या परीक्षेसाठी परीक्षा केंद्रांची संख्या वाढवण्याची मागणी होत आहे.

केंद्रीय माध्यमिक शिक्षण बोर्डाने डिसेंबर २०२२ ते जानेवारी २०२३ या कालावधीत सीटीईटी परीक्षेचे आयोजन केले आहे. त्यासाठी ३१ ऑक्टोबर ते २४ नोव्हेंबर हा ऑनलाइन अर्ज भरण्याचा कालावधी आहे. मात्र अर्ज भरण्यास प्रारंभ झाल्यापासून दहा-बारा दिवसांतच मुंबई, नाशिक आणि लगतच्या गुजरातच्या वापी येथील परीक्षा केंद्रावरील नोंदणी पूर्ण झाली आहे. तर पुणे केंद्रावर पेपर क्रमांक दोनसाठी जागा भरल्या असून पेपर एकच्या काही जागा शिल्लक आहेत.

TMC Recruitment: ठाणे पालिकेत नोकरीची संधी, थेट मुलाखतीतून होणार निवड