MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
इयत्ता पहिली ते नववी आणि अकरावीच्या वर्गातील विद्यार्थ्यांच्या परीक्षा एप्रिल महिन्यातील तिसऱ्या आठवड्यात घेण्यात याव्यात आणि निकाल मे महिन्यात जाहीर केला जावा. सकाळच्या सत्रात शाळा घेणे आवश्यक असल्यास अध्यापनाच्या तासिका पूर्णवेळ घ्याव्यात, असे या सूचनेत म्हटले आहे. तसेच दररोज विद्यार्थ्यांच्या १०० टक्के उपस्थितीसह परवानगी देण्यात आली आहे. मात्र, या आदेशामुळे गोंधळाची परिस्थिती निर्माण होईल, असे काही शिक्षक संघटनांचे मत आहे.
शिक्षण विभागाच्या परिपत्रकामुळे शाळांमध्ये गोंधळ
शालेय शिक्षण विभागाच्या आजच्या परिपत्रकामुळे शाळांमध्ये गोंधळ वाढणार आहे कारण मुंबईतील शाळांमधील ९ वीच्या परीक्षा सुरू झालेल्या आहेत ज्या दिवशी दहावीचा पेपर नसतो त्यादिवशी शाळांनी ९ वीच्या परीक्षांचे आयोजन केले आहे त्यामुळे एप्रिल महिन्याच्या तिसऱ्या आठवड्यात परीक्षा पुन्हा कशा घेणार? रविवारी ऐच्छिक शाळा भरविण्याबाबत सूचना असल्या तरी मुंबईतील अनेक शाळांमध्ये ५ दिवसांचा आठवडा तर काही ठिकाणी दुसऱ्या व चौथ्या शनिवारी सुट्टी दिली जाते याचा विचार शिक्षण विभागाने केलेला दिसत नाही हे नियोजन एक महिना आधी केले असते तर अधिक परिणामकारक अंमलबजावणी झाली असती मात्र शालेय शिक्षण विभागाला उशिरा सूचलेलं शहाणपण असून आजच्या परिपत्रकामुळे शाळांमध्ये गोंधळ वाढणार आहे.
अनिल बोरनारे, प्रदेश सहसंयोजक भाजपा शिक्षक आघाडी
उन्हाळी सुट्ट्यांमध्ये शाळा; पालकांचे सुट्टीचे बेत रद्द
ऊन वाढले मात्र नगरमधील शाळांच्या वेळेचा पेच कायम!
