Pariksha Pe Charcha: ‘परीक्षा पे चर्चा’साठी शाळांमध्ये व्यवस्था करा; शिक्षण विभागाच्या सूचना

पंतप्रधान मोदी नवी दिल्ली येथील तालकटोरा स्टेडियम येथून विद्यार्थ्यांची संवाद साधणार आहेत. सहावी ते बारावी वर्गातील विद्यार्थी, त्यांचे पालक आणि शिक्षकांशी पंतप्रधान मोदी संवाद साधणार आहे. हा कार्यक्रम सर्व शाळेत आयोजित करून विद्यार्थ्यांना दाखवण्यात यावा, असे निर्देश जिल्हा शिक्षण व प्रशिक्षण संस्थेने जिल्ह्यातील सर्व गट शिक्षणाधिकारी आणि महानगर पालिकेच्या शिक्षणाधिकाऱ्यांना दिले आहे. शाळेतील दूरदर्शन संच, वीजपुरवठा सुरू असल्याची खात्री करावी. शाळेतील दूरदर्शन संच किंवा वीजपुरवढा उपलब्ध नसल्यास किंवा सुरू होण्यास अडचण निर्माण झाल्यास संगणक, लॅपटॉप किंवा मोबाइलद्वारे विद्यार्थ्यांना कार्यक्रम दाखवण्यात यावा, अशा सूचना देण्यात आल्या.

केंद्रीय विद्यालयात सुविधा

शहरातील केंद्रीय विद्यालयात ‘परीक्षा पे चर्चा’ कार्यक्रम विद्यार्थ्यांना लाइव्ह पाहता यावा यासाठी विशेष व्यवस्था करण्यात आली असल्याची माहिती केंद्रीय विद्यालयाचे प्राचार्य एकांत पटेल यांनी बुधवारी पत्रकारांशी बोलतांना दिली. शाळेतील विद्यार्थ्यांना पाहण्यासाठी प्रोजेक्टर, ऑनलाइन लिंक देऊनही विशेष सुविधा उपलब्ध करून देण्यात येत आहे. यात जवळपास आठवी ते बारावीचे सहाशे विद्यार्थी ऐकण्यासाठी सहभागी होतील, असे ते म्हणाले. पत्रकार परिषदेस उपप्राचार्च एच. आर. चौधरी, उपप्राचार्य ममता राणी, मुख्याध्यापक प्रकाश वाघमारे, अध्यापक संजय आधाने, हृषीकेश यदमाळ यांची उपस्थिती होती.

धक्कादायक! ‘या’ शाळेत दहावी, बारावीचे सर्वच विद्यार्थी नापास

MHT CET 2022: कोणत्या अभ्यासक्रमाची सीईटी कधी? जाणून घ्या