दोघे बाईकवरुन आले आणि…शूटिंगसाठी निघालेल्या मराठी अभिनेत्रीसोबत घडली धक्कादायक घटना

दुचाकीवर आलेल्या दोन चोरट्यांनी शिवालीचा ‘आयफोन १३’ हा महागडा मोबाईल हिसकावला. २१ ऑगस्ट म्हणजेच रविवारी हा प्रकार घडल्याचं तिनं सांगितलं . मोबाईल लंपास झाल्यानंतर तिनं पोलिस ठाणं गाठलं. याप्रकरणी कोनगाव पोलिस ठाण्यात गुन्हा दाखल करण्यात आला असून पोलिस सध्या चोरट्यांचा शोध घेत आहेत.
सध्या मी आयुष्यातील सर्वात कठीण…लांबलचक पोस्ट शेअर करत धनश्रीनं खरं काय ते सांगूनच टाकलं

काय घडलं नेमकं?
शिवाली कल्याणमध्ये राहतेय. महाराष्ट्राची हास्य जत्राच्या शूटिंगसाठी ती नेहमी प्रमाणे सकाळी मिरारोड इथल्या स्टुडिओत जाण्यासाठी निघाली. तिनं रिक्षा बुक केली. रिक्षातून प्रवास करत असताना तिच्यासोबत हा धक्कादायक प्रसंग घडला. रिक्षा भिवंडीतील पिंपळास फाटा इथं पोहोचली, आणि इथंच बाईकवर आलेल्या दोन चोरट्यांनी तिचा मोबाईल हिसकावला.
सोनाली कुलकर्णीच्या सर्वात जवळच्या व्यक्तीचे निधन, अभिनेत्रीसह तिच्या लग्नात केला होता धमाल डान्स

दरम्यान, असाच थरारक अनुभव काही महिन्यांपूर्वी अभिनेत्री अभिज्ञा भावे हिला देखील आला होता. अभिज्ञाला आलेला धक्कादायक अनुभव तिनं फेसबुकवर पोस्टमधून मांडला होता. तिची ही पोस्ट वाचून रात्रीच्या वेळी प्रवास करावा की नाही असा प्रश्न प्रत्येकाच्या मनात निर्माण झाल्याशिवाय राहात नाही. हा अनुभव मांडत असताना या शहरात राहणं सुरक्षित वाटण्यासाठी मुख्यमंत्र्यांनी प्रयत्न करावेत, असं आवाहनही केलं होतं.