डाव्या चळवळीतून झाली ओळख
फहाद TISS मधील कार्यकर्ता असून अनेक चळवळींमध्येही सामील होता. तर स्वराही नेहमीच डाव्या चळवळीमध्ये सहभागी झालेली पाहायला मिळाली. दिल्लीमधील अशाच एका चळवळीत दोघांची भेट झाली. मैत्री वाढली आणि मैत्रीचे रूपांतर प्रेमात झाले. जानेवारी २०२० मध्ये त्यांची भेट झाली.
धर्माच्या भिंती तोडून केले लग्न
स्वरा आणि फहादने कोर्ट मॅरेज केले असून लवकरच आपल्या मित्रमैत्रिणींसाठी मार्च महिन्यात पुन्हा लग्न करणार असल्याचे सुत्रांकडून समजत आहे. स्वरा हिंदू असून फवाद मुस्लिम आहे. त्यामुळे पुन्हा एकदा प्रेमाच्या आड कोणताही धर्म येत नाही हेच सिद्ध झाले आहे.
(वाचा – प्रेमाला आसुसलेल्या राखी सावंतच्या नात्याचा खेळखंडोबा, कसे जपावे नाते सोप्या टिप्स)
८ तासापूर्वी केला मेहंदीचा फोटो शेअर
स्वराने आपल्या इन्स्टा स्टोरीमध्ये ८ तासापूर्वीच मेहंदीचा फोटो शेअर केला होता. तर आता तिच्या लग्नाचे फोटो समोर येत आहेत. स्वरा अथवा फहादने याबाबत अधिकृत घोषणा केलेली नाही. मात्र सुत्रांकडून ही माहिती ‘महाराष्ट्र टाईम्स’ला मिळाली आहे.
(वाचा -पहिल्याच भेटीत झाले लिपलॉक, लग्नासाठी करिअरही सोडलं पण झाला घटस्फोट, अमृता-सैफची अधुरी कहाणी)
बांद्रा कोर्टात केले लग्न
फहाद आणि स्वराने आपल्या मैत्रिचा आणि नात्याचा एक व्हिडिओ सोशल मीडियावर पोस्ट केला आहे. मात्र यामध्ये केवळ माझ्या आयुष्यात आल्याबद्दल धन्यवाद असे दोघांनीही म्हटलं आहे. तर बांद्रा कोर्टामध्ये दोघांनाही आज लग्न केले असून लवकरच दिल्लीमध्ये रिसेप्शन देण्यात येईल असं सांगण्यात आलं आहे.
स्वरा भास्कर आणि फहादचे लग्न हा चाहत्यांसाठी नक्कीच सुखद धक्का आहे मात्र पुन्हा एकदा प्रेमात आणि नात्यात धर्म, जात या गोष्टी दुय्यम असल्याचेच सिद्ध झाले आहे.
अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com