धर्म आणि वयाची बंधनं झुगारून केले होते मराठमोळ्या उर्मिलाने लग्न, करतेय सुखाचा संसार

​राम गोपाल वर्मासह जोडलं गेलं नाव​

लागोपाठ हिट चित्रपट देणाऱ्या उर्मिलाचे एके काळी रामा गोपाल वर्मासह नाव जोडले गेले होते. पण काही काळापूर्वी तिचे करिअर एकदमच उतरले आणि यासाठीही याच दिग्दर्शकाला कारणीभूत मानले जाते. ‘रंगीला’ चित्रपटाने उर्मिला आणि राम या जोडीने एकापेक्षा एक हिट चित्रपट दिले. मात्र राम गोपाल वर्मा हा विवाहित होता आणि त्याच्या संसारात यामुळे वादळ निर्माण झालं. त्यानंतर हे दोघे कधीही एकत्र आले नाहीत.

​अशी झाली मोहसिनशी भेट​

उर्मिला आणि मोहसिन अख्तरची भेट २०१४ मध्ये प्रसिद्ध ड्रेस डिझाईनर मनिष मल्होत्राची पुतणी रिद्धी मल्होत्राच्या लग्नात झाली. मोहसिनला उर्मिला पहिल्याच भेटीत आवडली होती. साधारण १ वर्ष मोहसिनने उर्मिलाशी बोलण्याचा प्रयत्न केला होता. त्यानंतर उर्मिलाने त्याला भेटायला सुरूवात केली होती. मात्र उर्मिलाच्या प्रेमात मोहसिन आकंठ बुडाला होता.

(वाचा – Kiara Siddharth: ‘लस्ट स्टोरीज’च्या पार्टीत पहिली भेट आणि ‘शेरशाह’ची झाली कियारा)

​गुपचूप उरकले लग्न ​

उर्मिलाने लग्न केले तेव्हा सर्वात मोठा अडथळा होता तो म्हणजे मोहसिनचा धर्म आणि त्याचे वय. मोहसिन हा उर्मिलापेक्षा १० वर्ष लहान असून काश्मीरस्थित मुस्लीम धर्मातील उद्योजक आहे. मात्र प्रेमामध्ये वय आणि कोणतीही बंधनं पाहिली जात नाहीत हेच पुन्हा सिद्ध झालं. वयाच्या ४२ व्या वर्षी २०१६ मध्ये उर्मिलाने मोहसिनशी अगदी मोजक्या लोकांच्या उपस्थितीत लग्नगाठ बांधली आणि फोटो शेअर करत आपल्या चाहत्यांना धक्का दिला.

(वाचा – आई होण्यासाठी कोणत्याही लिंगभेदाची गरज नाही, ट्रान्सजेंडर गौरी सावंत अनेक किन्नरांचा आधार)

​साध्या पद्धतीने केले लग्न​

मोहसिन आणि उर्मिलाला अत्यंत साध्या पद्धतीने लग्न करायचे होते, त्यामुळे अगदी मोजक्या कुटुंबीय आणि मित्रमंडळीच्या उपस्थितीत त्यांनी लग्न केले आणि त्यानंतर दुनियेला याबाबत सांगितले. इंडस्ट्रीतून केवळ मनिष मल्होत्रा या लग्नात उपस्थित होता. तर त्यावेळी त्याने ट्विट करत उर्मिला – मोहसिनला शुभेच्छाही दिल्या होत्या.

(वाचा – लग्नाआधी १० वर्षे लपतछपत केले बायकोला डेट तर परेलच्या ब्रिजवर केले प्रपोज, अंकुश चौधरी दीपाची फिल्मी लव्ह स्टोरी)

​लग्नानंतर मित्रमैत्रिणींसाठी पार्टी​

लग्नात उर्मिलाने मनिष मल्होत्राने डिझाईन केलेला लाल रंगाचा लेहंगा घातला होतो. तर मेहंदीमध्येही ती अत्यंत सुंदर दिसत होती. दरम्यान लग्नानंतर मोहसिन आणि उर्मिलाने आपल्या जवळच्या मित्रमैत्रिणींसाठी पार्टीही ठेवली होती. अनेकदा उर्मिला त्यानंतर काश्मीरच्या आपल्या घरातून फोटो शेअर करतानाही दिसून आली. दरम्यान लग्नानंतर दोघांनीही अमृतसरच्या स्वर्णमंदिरालाही भेट दिली होती.

​प्रेमासाठी धर्माचे बंधन झुगारले​

उर्मिलाने मोहसिनच्या प्रेमासाठी धर्म आणि वयाचे बंधन झुगारले इतकंच नाही तर आपल्या करिअरची अथवा लोकांचीही पर्वा केली नाही. मोहसिन अख्तर मीरसह उर्मिला आता गेली ६ वर्ष सुखाने संसार करत असून मोहसिन तिला नेहमीच साथ देताना दिसून येतो.

प्रेमात धर्म, जात, पैसा या सर्व गोष्टी दुय्यम आहेत आणि प्रेम, नातं हेच सर्वात महत्त्वाचं आहे हेच पुन्हा एकदा उर्मिलाने इतके मोठे नाव कमावूनही सिद्ध केले आहे.

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com