MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
केंद्रीय विद्यापीठांतील पदवीपूर्व अभ्यासक्रमांसाठी सामायिक विद्यापीठ प्रवेश परीक्षेच्या (सीयूईटी) अर्ज प्रक्रियेला दोन एप्रिलपासून सुरुवात होणार आहे, असे राष्ट्रीय परीक्षा मंडळाने (एनटीए) जाहीर केले. देशभरातील कोणत्याही केंद्रीय विद्यापीठात प्रवेश घेऊ इच्छिणाऱ्या विद्यार्थ्यांना सीईयूटी एकल खिडकी सुविधा देणार आहे. सीयूईटी-२०२२ कम्प्युटर आधारित चाचणी (सीबीटी) स्वरूपात घेतली जाईल, असे ‘एनटीए’ने शनिवारी जारी केलेल्या सूचनेत म्हटले आहे. इच्छुकांनी इच्छित केंद्रीय विद्यापीठांच्या पदवीपूर्व अभ्यासक्रमांच्या प्रवेशासाठी अधिकृत निवेदन पाहावे, असेही नमूद करण्यात आले.
ही प्रक्रिया ३० एप्रिलपर्यंत सुरू राहणार आहे. परीक्षेचे विभाग १ए (१३ भाषा), विभाग १बी (१९ भाषा), विभाग २ (विशिष्ट विषय) आणि विभाग ३ (सामान्य चाचणी) असे चार भाग आहेत. प्रत्येक भागातून पर्याय निवडणे अनिवार्य नाही. मात्र इच्छित विद्यापीठाच्या आवश्यक बाबींशी निवडलेले पर्याय जुळायला हवेत, असे सूचनेत नमूद करण्यात आले आहे.
RailTel Recruitment: रेलटेल कॉर्पोरेशनमध्ये विविध पदांची भरती
CUET 2022(UG): Examination Paper Sections
पदवी अभ्यासक्रमांसाठी कॉमन युनिव्हर्सिटी एंट्रन्स टेस्ट (CUET 2022) चार सेक्शन मध्ये होते.
सेक्शन IA- या विभागात १३ भाषांमध्ये आयोजित केली जाईल. यापैकी एक भाषा निवडता येईल. प्रत्येक भाषेत ५० पैकी ४० प्रश्न सोडवायचे आहेत.
सेक्शन IB- यात १९ भाषा असतील आणि यापैकी एक भाषा निवडायची आहे. प्रश्नांचे प्रकार सेक्शन IA प्रमाणेच असतील.
सेक्शन II – या विभागांतर्गत २७ डोमेन विशिष्ट विषय असतील, यात एनसीईआरटी इयत्ता बारावीतील अभ्यासक्रमावर आधारित एमसीक्यू प्रकारचे प्रश्न असतील.
सेक्शन III सामान्य परीक्षा- विद्यापीठांद्वारे पदवी अभ्यासक्रमांच्या प्रवेशांसाठी असेल. यासाठी General Test द्यावी लागेल.
CUCET 2022 अर्ज प्रक्रिया: असा करा अर्ज
१. आधिकारिक वेबसाइट- nta.ac.in वर जा
२. ‘अर्ज प्रक्रिया’ लिंक वर क्लिक करा
३. तपशील भरा. आवश्यक क्रेडेंशियल भरून सबमिट करा
४. सीयूसीईटी अर्ज डाऊनलोड करा, भविष्यातील संदर्भासाठी प्रिंट आऊट घेऊन ठेवा.
पहली संगणक आधारित सीयूईटी १३ भाषांमध्ये आयोजित केली जाईल. इच्छुक उमेदवार ३० एप्रिलपर्यंत ऑनलाइन अर्ज करू शकतील. या प्रवेश परीक्षेच्या मेरिट स्कोरद्वारे सर्व ४५ केंद्रीय विद्यापीठांमधील रिक्त जागांवर प्रवेश मिळेल.
केंद्रीय विद्यापीठांच्या पदवी प्रवेशांसाठी आता CUET परीक्षा
NEET MDS 2022: नीट एमडीएस अर्जप्रक्रियेला सुरुवात; २ मे रोजी परीक्षा
Indian Army मध्ये एनसीसी कॅडेट्ससाठी विशेष प्रवेश
