हायड्रेटेड राहणे आणि कमी सोडियम आणि मीठ सेवन केल्याने किडनी निरोगी राहण्यास मदत होते. जंक फूड आणि खाण्याच्या वाईट सवयींपासून दूर राहा. कारण ते तुमच्या किडनीला हानी पोहोचवू शकतात. किडनीच्या आजारावर उपचार घेत असलेल्या लोकांसाठी घरगुती जेवण हाच सर्वोत्तम पर्याय आहे. आज आम्ही तुम्हाला अशाच काही भाज्यांबद्दल सांगणार आहोत, ज्या किडनीमध्ये साठलेले घाणेरडे पदार्थ बाहेर काढून किडनी निरोगी आणि मजबूत बनवू शकतात. (फोटो साभार: istock by getty images)
पालक
ही पालेभाजी व्हिटॅमिन ए, सी, के आणि फोलेटचा उत्कृष्ट स्रोत आहे. विविध अभ्यासातून असे दिसून आले आहे की पालकाचे नियमित सेवन केल्याने किडनीमध्ये साचलेली घाण बाहेर काढण्यात आणि निरोगी राहण्यास मदत होते. यासोबतच याच्या सेवनाने किडनीचे आजारही टाळता येतात.
(वाचा :- Dal Bhat Or Dal Chapati : डाळ-भात की भाजी-चपाती? डाएटिशियनकडून जाणून घ्या झटपट वजन घटवण्यासाठी कोणतं कॉम्बिनेशन आहे सर्वात बेस्ट?)
लाल शिमला मिरची
लाल शिमला मिरचीमध्ये पोटॅशियमचे प्रमाण कमी असते. ही भाजी शक्तिशाली अँटिऑक्सिडंट्स, व्हिटॅमिन सी आणि व्हिटॅमिन ए, तसेच व्हिटॅमिन बी 6, फॉलिक अॅसिड आणि फायबरने भरलेली आहे. लाल भोपळी मिरचीमध्ये लाइकोपीन देखील असते, हे एक अँटिऑक्सिडेंट आहे जे विशिष्ट प्रकारच्या कर्करोगापासून संरक्षण करते.
(वाचा :- Summer foods for Cholesterol : सावधान, वाढलेल्या कोलेस्ट्रॉलमुळे वाढतो हार्ट स्ट्रोक व हार्ट अटॅकचा धोका, आताच खायला घ्या ‘हे’ 6 पदार्थ!)
कांदा
कांद्यामध्ये क्वेर्सेटिनसारखे फ्लेव्होनॉइड्स असतात, ज्यात मजबूत अँटिऑक्सिडेंट आणि अँटीइनफ्लमेट्री गुणधर्म असतात. त्यात पोटॅशियमचे प्रमाण कमी असते आणि त्यात क्रोमियम असते जे चरबी, प्रथिने आणि कार्बोहायड्रेट्सचे चयापचय करण्यास मदत करते.
(वाचा :- हृतिक रोशनच्या 67 वर्षांच्या आईला पाहिलंत का? फिटनेस व फिगर बघून व्हाल हैराण, यासाठी फक्त रोज इतकी पावलं चालते..!)
केळफुल
केळफुल ही किडनीसाठी उत्तम भाजी आहे कारण ती कमी पोटॅशियमयुक्त आहे. विविध संशोधनांनुसार केळफुलाची भाजी व्हिटॅमिन ए, व्हिटॅमिन सी, कॅल्शियम आणि इतर खनिजांनी समृद्ध आहे, जे किडनीच्या निरोगी कार्यासाठी महत्त्वपूर्ण आहेत.
(वाचा :- बापरे! एका विचित्र आजाराने पिडीत रूग्ण तब्बल 2 महिने जगत होता फक्त द्रव पदार्थांवर, कारण जीभेवर उगवत होते ‘काळेभोर केस’!)
लसूण
लसूण हे लघवीचे प्रमाण वाढवणाऱ्या गुणधर्मामुळे किडनीसाठी चांगली भाजी मानली जाते. हे अँटिऑक्सिडंट्सचे पॉवरहाऊस आहे जे जळजळ कमी करते, संसर्गाशी लढा देते आणि कोलेस्ट्रॉल कमी करते. हे विविध पदार्थांमध्ये फोडणी देण्यासाठी वापरले जाते.
(वाचा :- World Kidney Day 2022 : ‘हे’ 5 पदार्थ खाल्ल्यास किडनी आयुष्यभर राहिल हेल्दी आणि पिवळ्या रंगाच्या व दुर्गंध येणा-या लघवीपासून मिळेल मुक्ती!)
फ्लॉवर
फ्लॉवर हे असेच एक सुपरफूड आहे जे व्हिटॅमिन सी, फोलेट आणि फायबरचा उत्कृष्ट स्रोत आहे. हे विविध संयुगांनी भरलेले आहे जे किडनीतील विषारी पदार्थ बाहेर काढण्यास मदत करतात.
(वाचा :- Joint pain remedies : जुन्यातील जुनी सांधेदुखी, गुडघेदुखी व हाडांच्या वेदना होतील झटक्यात दूर, आयुर्वेदिक डॉक्टरांनी सांगितले 5 रामबाण घरगुती उपाय!)
कोबी
कोबीमध्ये फायटोकेमिकल्स असतात जे कर्करोगासारख्या जुनाट आजारांना कारणीभूत असलेल्या फ्री रॅडिकल्सशी लढण्यास मदत करतात. पोटॅशियम कमी असलेली कोबी ही किडनीसाठी चांगली भाजी आहे.
(वाचा :- Covid 4th wave : चौथ्या लाटेआधी करोनाने बदलले आपले रंगरूप, जनावरांमार्फत धुमाकूळ घालण्याची शक्यता, WHO ने सांगितले बचावाचे 4 उपाय!)
शतावरी
शतावरी हे कमी उष्मांक असलेले अन्न आहे आणि फायबर, व्हिटॅमिन ए, व्हिटॅमिन सी, व्हिटॅमिन ई आणि व्हिटॅमिन के चा चांगला स्रोत आहे. हे किडनीतून विषारी पदार्थ आणि अतिरिक्त द्रव पदार्थ वेगाने बाहेर काढू शकते. हे किडनी आणि मूत्राशयातील स्टोन्स पाडण्यासाठी ओळखले जाते.
(वाचा :- Storing eggs : बाजारातून आणलेली अंडी फ्रीजमध्ये ठेवणं सुरक्षित आहे की असुरक्षित? जाणून घ्या किती तासांत होऊ शकतात खराब?)
टीप : हा लेख फक्त सामान्य माहितीसाठी आहे. हे कोणत्याही प्रकारे कोणत्याही औषधाचा किंवा उपचारांचा पर्याय असू शकत नाही. अधिक तपशीलांसाठी नेहमी आपल्या डॉक्टरांशी संपर्क साधावा.