छोटा पडदा पुन्हा हादरला, अभिनेते अरविंद धनू यांचं निधन

मुंबई: मराठी चित्रपट सृष्टीतील अभिनेते अरविंद धनू यांचं निधन झालं.वयाच्या ४७ व्या वर्षी त्यांनी अखेरचा श्वास घेतला. त्यांचं निधन झालं. २५ जुलै सोमवारी त्यांना ब्रेन स्ट्रोकचा झटका आला आणि त्यांचा मृत्यू झाला. त्यांच्या निधनानं मराठी सिनेसृष्टीवर शोककळा पसरली आहे.

अरविंद धनू यांच्या निधनानंतर त्यांच्या सहकलाकार आणि सेलिब्रिटींनी शोक व्यक्त केलाय. अरविंद यांच्यावर माहीम येथील स्मशानभूमीत रात्री उशिरा अंत्यसंस्कार करण्यात आल्याची माहिती आहे. अरविंद यांनी ‘लेक माझी लाडकी’, ‘क्राईम पेट्रोल’ अशा अनेक मराठी मालिकांमध्ये भूमिका साकारल्या होत्या. ‘एक होता वाल्या’ या मराठी चित्रपटामध्येही त्यांनी काम केलं होतं.
Deepesh Bhan Death- ‘भाबी जी घर पर हैं’ फेम अभिनेत्याचं निधन, क्रिकेट खेळताना जमिनीवर कोसळला
शेवटची मालिका
स्टार प्रवाह वाहिनीवरील ‘सुख म्हणजे काय असतं’ ही अरविंद यांची शेवटची मालिका ठरली. या मालिकेत अरविंद यांनी शालिनीच्या वडीलांची भूमिका साकारली होती.
शाहरुख खान कार्तिक आर्यनच्या कानात नक्की काय म्हणाला? वाचून तुम्हालाही गंमत वाटेल!

दरम्यान, काही दिवसांपूर्वीच ‘भाबी जी घर पर हैं’ मालिकेतील अभिनेता दीपेश भान याचंही निधन झालं होतं.प्रेक्षक आणि चाहत्यांचं मनोरंजन करणारा दीपेश शनिवारी क्रिकेट खेळताना अचानक कोसळला आणि त्याने या जगाचा निरोप घेतला. नेहमीप्रमाणे क्रिकेट खेळायला गेलेला दीपेश मैदानावरच कोसळला. त्याचे ब्रेन डेड झाल्याचं निदान झालं. पत्नी आणि एक वर्षाचा मुलगा असा त्याचा परिवार एकाकी पडला आहे.

दीपेशच्या मृत्यूनं त्याच्या चाहत्यांना चांगलाच धक्का बसला आहे.