CFSL Job: सेंटबँक फायनान्शियल सर्व्हिसेस लिमिटेडमध्ये नोकरीची संधी, ६० हजारपर्यंत मिळेल पगार

असिस्टंट वाइस प्रेसिडंट या पदासाठी अर्ज करणाऱ्या उमेदवारांना लॉ ऑफिसर अंतर्गत येणारा कार्यभाग पूर्ण करावा लागेल. यासाठी उमेदवारांनी मान्यताप्राप्त विद्यापीठ अथवा शिक्षणसंस्थेतून एलएलएम/एलएलबी असणे आवश्यक आहे. तसेच उमेदवाराला संबंधित कामाचा किमान २ वर्षांचा अनुभव असावा. संस्थेने जाहीर केलेल्या अटी आणि शर्थींचे पालन करणे आवश्यक आहे. या पदासाठी निवड झालेल्या उमेदवारांना दरमहा ५० हजार ते ६० हजार रुपये इतका पगार दिला जाणार आहे.

मॅनेजर या पदासाठी अर्ज करणाऱ्या उमेदवारांला फायनान्स आणि मार्केटिंग क्षेत्रात काम करावे लागेल. यासाठी त्याच्याकडे मान्यताप्राप्त विद्यापीठ अथवा शिक्षणसंस्थेतून एमबीए/पीजीडीएम/मॅनेजमेंटमध्ये पोस्ट ग्रॅज्युएशन असणे आवश्यक आहे. उमेदवाराला संबंधित कामाचा किमान १ वर्षांचा अनुभव असावा. तसेच फ्रेशर उमेदवार देखील यासाठी अर्ज करु शकतात. संस्थेने जाहीर केलेल्या अटी आणि शर्थींचे पालन करणे आवश्यक आहे. या पदासाठी निवड झालेल्या उमेदवारांना दरमहा ३० हजार ते ४० हजार रुपये इतका पगार दिला जाणार आहे.

CFSL Job: पदभरतीचा तपशील जाणून घेण्यासाठी येथे क्लिक करा

फ्रंट ऑफिस एक्झिक्युटिव्ह पदासाठी अर्ज करणाऱ्या उमेदवारांनी मान्यताप्राप्त विद्यापीठ अथवा शिक्षणसंस्थेतून पदवीधर असणे आवश्यक आहे. फ्रेशर उमेदवार यासाठी अर्ज करु शकतात. या पदासाठी निवड झालेल्या उमेदवारांना दरमहा २० हजार ते ३० हजार रुपये इतका पगार दिला जाणार आहे.

पदभरतीसाठी अर्ज करताना उमेदवारांनी रेझ्युमे, दहावी, बारावी आणि शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे. या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे.

५ जानेवारी ही अर्ज करण्याची शेवटची तारीख आहे.अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.

Government Job: बारावीनंतर सरकारी नोकरी करायचीय? या विभागांमध्ये करा अर्ज