मुंबई पालिकेत सहाय्यकारी परिचारिका प्रसविका म्हणजेच असिस्टंट नर्स मिडवाइफच्या एकूण ४२१ रिक्त जागा भरल्या जाणार आहेत.
या या पदासाठी इच्छुक उमेदवारांनी मान्यताप्राप्त शिक्षणसंस्थेतून बारावी उत्तीर्ण असणे आवश्यक आहे. नर्सिंग किंवा GNM पर्यंत शिक्षण घेतलेल्या उमेदवारांना प्राधान्य दिले जाणार आहे. उमेदवारांना संबंधित पदाचा किमान अनुभव असणे तसेच पालिकेतर्फे देण्यात आलेल्या अटी आणि शर्थींचे पालन करणे आवश्यक आहे.
असिस्टंट नर्स मिडवाइफ पदासाठी निवड झालेल्या उमेदवारांना दरमहा २५ हजार ५०० ते ८१ हजार १०० रुपयांपर्यंत पगार दिला जाणार आहे.
पदभरतीसाठी अर्ज करताना उमेदवारांनी रेझ्युमे, दहावी, बारावी आणि शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे.
या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. तसेच उमेदवारांना संबंधित संस्थेने दिलेल्या अटी आणि शर्थींचे पालन करणे आवश्यक आहे.
अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.
२५ जानेवारी २०२३ ही अर्ज करण्यासाठी शेवटची तारीख आहे. उमेदवारांनी आपले अर्ज मुंबई पब्लिक स्कूल, जगन्नाथ भातणकर मार्ग, शिरोडकर मंडईजवळ, परळ, मुंबई- ४००००१२ या पत्त्यावर पाठवायचे आहेत.