MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
खरं तर, कोणत्याही रोगाशी लढण्यासाठी खूप धैर्य आणि संयम आवश्यक आहे. अर्थात कॅन्सरचा उपचार हा मोठा आहे, त्यात खूप वेळ, पैसा खर्च होऊ शकतो. कदाचित तुम्ही शरीराने अजून कमजोर होऊ शकता. पण जर तुम्ही सकारात्मक विचाराने व धैर्याने सामोरे गेलात तर तुम्ही नक्कीच कॅन्सरवर मात करू शकता. कॅन्सरमधून वाचलेल्या लोकांपैकी एक नाव म्हणजे श्री प्रतीक रावल, ज्याचा जन्म भावनगर, गुजरात येथे झाला आणि आता तो हिंदी चित्रपट क्षेत्रातील एक यशस्वी कार्यकारी निर्माता म्हणून त्याने नावलौकिक कमावला आहे. त्याने कॅन्सर विरुद्धची लढाई कशी जिंकली तेच आपण त्याच्या प्रेरणादायी कहाणीतून जाणून घेऊया. (फोटो सौजन्य :- iStock)
लहान वयात झाला कॅन्सर
वयाच्या 17 व्या वर्षी प्रतीक अचानक आजारी पडला आणि त्याला लिम्फोब्लास्टिक लिम्फोमा कॅन्सर झाल्याचे निदान झाले. निदान देताना मुंबईतील डॉक्टरांनी सांगितले की तो काही महिनेच जगू शकेल. पण डॉक्टरांचा हा अंदाज चुकणार होता. कारण प्रतिकची इच्छाशक्ती त्याला वाचवणार होती. कॅन्सर हा असा रोग आहे ज्यात चिंता आणि भीती माणसाला अधिक कमकुवत बनवते जर त्यावर विजय मिळवता आला तर अर्धी लढाई तर जिंकलेलीच असते.
(वाचा :- World Cancer Day : संधोशनात दावा – 1 नाही तब्बल 34 प्रकारच्या कॅन्सरचं मुळ आहेत रोज खाल्ले जाणारे हे 15 पदार्थ)
अनेक उपचार केले
प्रतीकच्या पालकांनी, आपल्या मुलाचा जीव वाचवण्याच्या आशेने, त्याला त्यांच्या मूळ गावी अहमदाबादला नेले, जिथे सुरुवातीच्या काळात त्याच्यावर आयुर्वेदिक उपचार देण्यात आले. त्यानंतर प्रतीकने अहमदाबादचे डॉ. पंकज शहा यांच्या मार्गदर्शनाखाली अॅलोपॅथी उपचार सुरू केले. प्रतिक यांना पुढील 3 वर्षे केमोथेरपी आणि रेडिएशन थेरपी देण्यात आली.
(वाचा :- डायबिटीज, ब्लड प्रेशर, खराब कोलेस्ट्रॉल शरीराबाहेर फेकण्यासाठी खा हे 5 पदार्थ, चहा-कॉफीला चुकूनही लावू नका हात)
7 वर्षांच्या मुलीने दिली प्रेरणा
रूग्णालयात कॅन्सरवर उपचार सुरू असताना प्रतीकने कॅन्सरने त्रस्त असलेली 7 वर्षांची चिमुरडी पाहिली आणि ती अत्यंत वेदनादायक स्थितीत होती. तिला वेदनेने विव्हळताना पाहून प्रतिक स्वत: खूप हादरून गेला. त्या मुलीचे दुःख पाहून तो रडला आणि तेव्हाच त्याला समजले की जगात इतर लोक आहेत ज्यांना त्याच्यापेक्षा जास्त वेदना आणि त्रास सहन करावा लागतो आहे. पण तरी ते आयुष्यातला कंटाळलेले नाहीत.
(वाचा :- मुळव्याध, पोट साफ न होणं, डायबिटीज यासारखे शरीर आतून पोखरणारे तब्बल 20 भयंकर आजार मुळापासून उपटतात या 6 गोष्टी)
जवळच्या लोकांची सोबत हवी
कॅन्सर असो वा इतर कोणताही आजार, उपचारादरम्यान रुग्णाला त्याच्या जवळच्या व्यक्तींची साथ आणि सोबत लाभणे खूप गरजेचे आहे. प्रतीकचे आई-वडील त्याच्या मागे भक्कम हिमालयासारखे उभे होते. कितीही संकटे आली तर आपल्या मुलाची साथ ते सोडणारे नव्हते. कॅन्सरच्या महागड्या उपचारांमुळे त्यांचे कुटुंब आर्थिक संकटात सापडले होते. पण त्यांनी त्यातून सुद्धा मार्ग काढला. नंतर कॅन्सरवर मात करून 1998 च्या सुरुवातीस प्रतिक व त्यांचे कुटुंबीय पुन्हा मुंबईत परतले.
(वाचा :- 2023 Budget – खनिज व व्हिटॅमिनचं भांडार आहेत हे पदार्थ, रोज खाल्ले तर वयाच्या 60 नंतरही होणार नाहीत गंभीर आजार)
लवकर झाले रिकव्हर
उपचारादरम्यान आणि नंतर प्रतीकचा आहार काटेकोरपणे सात्विक होता. नेहमी घरचे अन्न, हिरव्या भाज्या, फळे ते खायचे. त्यामुळे कमकुवत शरीर बळकट होण्यास मदत झाली. प्रतिक म्हणतात की शरीरासोबत मन सुद्धा अशावेळी निरोगी राखणे महत्वाचे आहे. ध्यान, प्राणायाम करणे, सतत हसणे आणि निर्भय असणे गरजेचे आहे. यासोबतच प्रबळ इच्छाशक्ती आणि दृढनिश्चय हे कोणत्याही आजारावर मात करण्यासाठी आवश्यक आहेत.
(वाचा :- शास्त्रज्ञांचा शोध – हाडांचा भुगा होऊ नये म्हणून Vitamin D नाही ही 1 गोष्ट खाणं गरजेची, प्रत्येक घरी सहज मिळते)
प्रतिक यांचा मोलाचा संदेश
प्रतिक सर्व कॅन्सर ग्रस्तांन संदेश देताना म्हणतात की, “यश, नाव, प्रसिद्धी, पैसा… या सर्व गोष्टींनी मला मानवी मूल्ये आणि कृतज्ञता कधीच शिकवली नाही, पण तीन वर्षांत कर्करोगाच्या उपचारादरम्यान मी ह्या सर्व गोष्टी शिकलो.. आपण फक्त एक गोष्ट समजून घेतली पाहिजे की आपण जन्मला आलो आहोत तर आपला मृत्यू हा अटळ आहे. आपल्याकडे जगण्यासाठी मर्यादित वेळ आहे. म्हणून जे आयुष्य वाटेला आले आहे ते हसत हसत जगले पाहिजे. आपण या जगातून जाण्याआधी असं काहीतरी करा की लोकांनी नंतरही तुमची आठवण काढली पाहिजे.”
(वाचा :- आरोग्य मंत्र्याला गोळी झाडून ठार करणा-या पोलिसाला हा भयंकर आजार, हे रूग्ण छोट्याशा गोष्टीसाठी करतात थेट हत्या)
