World Cancer Day 2023: महिलांनी कर्करोगाच्या लक्षणांकडे दुर्लक्ष करू नयेत, असे आहेत कॅन्सरचे जीवघेणे प्रकार

​गर्भाशय मुखाचा कर्करोग​

Cervical Cancer: ह्यूमन पेपिलोमा या विषाणूच्या संक्रमणाने गर्भाशय मुखाचा कर्करोग होतो. कमी वयात तसेच जास्त पुरूषांशी संबंध ठेवणाऱ्या स्त्रियांना हा कर्करोग होण्याची शक्यता असते. सर्वसाधारणपणे 40 ते 50 वयाच्या दरम्यान या कर्करोगाचे प्रमाण दिसून येते.

• लैंगिक संबधांदरम्यान तीव्र वेदना
• स्त्रियांच्या गुप्तांगामधून दुर्गंध येणं
• लैंगिक संबंधांनतर गुप्तांगांमधून रक्तस्राव
• पीरियड्समध्ये अनियमितता आणि अचानक रक्तस्राव होणं
• शौचाला होताना रक्तस्त्राव होणं
• जास्त थकवा
• वजन कमी होणं
• अन्नाची वासना न होणं
• पोटात दुखणं आणि लघवी होताना वेदना होणं
• ही गर्भाशयाच्या कर्करोगाची लक्षणंआहेत. या कर्करोगाचे निदान सुरुवातीच्या काळात करणे कठीण असते

​अंडाशयाचा कर्करोग​

Ovarian Cancer: अंडाशयाचा कर्करोग हा बहुतांशवेळा चाळिशीनंतर वा रजोनिवृत्तीनंतर होतो. सुरुवातीची लक्षणं ही इतर सर्वसामान्य लक्षणांसारखीच असतात.

• पोट फुगल्यासारखं वाटणं
• धाप लागणं
• वारंवार लघवीला जावं लागणं
• ॲसिडिटीचा त्रास
• मासिक पाळीत अनियमितता
• ओटीपोटात दुखणं
• रजोनिवृत्तीनंतरही मासिक पाळीसारखा रक्तस्राव होणं
• पोट दुखणं, जलोदर, पाठ व कंबर दुखणं
• भूक न लागणं
• वजन कमी होणं आणि पायावर सूज येणं

(वाचा – World Cancer Day Quotes: कॅन्सरसारख्या दुर्धर आजारातून प्रेरणा मिळवून देणारे कोट्स, जगण्याला देतील बळ)

​वल्वर (योनीमार्गातील) कर्करोग​

महिलांच्या गुप्तांगाच्या बाहेरील भागात वल्वर कर्करोग होतो. याला वल्वर कॅन्सर म्हणतात. हे प्रामुख्याने मूत्रमार्ग आणि योनीच्या पृष्ठभागावर स्थित आहे. त्याला वेस्टिब्यूल देखील म्हणतात. त्यामध्ये योनीवर खाज सुटलेल्या गाठी किंवा फोड असतात, जे कर्करोगाचे असू शकतात. जेव्हा पेशी त्याच्या डीएनएमध्ये उत्परिवर्तन करते तेव्हा कर्करोग सुरू होतो.

• डीएनएमध्ये सूचना असतात ज्या सेलला काय करावे हे सांगतात. जेव्हा इतर सामान्य पेशी मरतात तेव्हा नवीन पेशी तयार होतात
• अकार्यक्षम पेशी नष्ट न झाल्यास, या पेशी एकत्र होऊन एक गाठ तयार होते जी कर्करोग होऊ शकते. जो शरीराच्या इतर भागातही पसरू शकतो.
• योनीच्या कॅन्सरची अशी लक्षणे असतात जी सामान्यपणे कुणाशी सहज शेअर करता येत नाहीत. या प्रमुख कारणामुळे योनीचा मार्गाचा कॅन्सर उशिरा कळतो. तसेच वल्वर कॅन्सरची लक्षणे ही इतर आरोग्याच्या बिघाडासारखाचे असतात
• ज्यामुळे अनेकदा याबाबत दुर्लक्ष केलं जातं. जसे की, खाजगी भागात वेदना होणं, मासिक पाळीशी संबंधित रक्तस्त्राव, वल्वरच्या त्वचेत बदल आणि रंग बदलणं ही या कॅन्सरची लक्षणं आहेत