अभ्यासानुसार, महिलांमध्ये गर्भाशयाचा कर्करोग अर्थात ovarian cancer अधिक आढळून येतो. दरवर्षी 4 फेब्रुवारी रोजी जागतिक कर्करोग दिन अर्थात World Cancer Day 2023 साजरा केला जातो. कॅन्सरबाबत जनजागृती करण्याच्या उद्देशाने हा दिवस जगभरात साजरा केला जातो. कॅन्सर हा एक गंभीर आणि प्राणघातक आजार आहे, परंतु तज्ञांचे मत आहे की लक्षणे वेळेवर ओळखल्यास आणि उपचार केल्यास पीडित व्यक्तीचे प्राण वाचू शकतात. या नवीन संशोधनातून समोर आले आहे की तुम्ही खात असलेले काही पदार्थ तुम्हाला कर्करोगाच्या कचाट्यात अडकवू शकतात. (फोटो सौजन्य :- iStock)
34 प्रकारच्या कॅन्सरच्या मुळाशी आहेत हे पदार्थ
जर्नल ईक्लिनिकल मेडिसनमध्ये प्रकाशित झालेल्या अभ्यासात, शास्त्रज्ञांनी असा दावा केला आहे की अल्ट्रा-प्रोसेस्ड फूड किंवा जंक फूड खाल्ल्याने तुम्हाला एक नव्हे तर 34 वेगवेगळ्या प्रकारच्या कॅन्सरचा धोका होऊ शकतो. त्यांच्या अभ्यासात, संशोधकांनी 197,426 लोकांच्या खाण्याच्या सवयींची माहिती तपासली होती. त्यातूनच ही धक्कादायक माहिती समोर आली आहे व यामुळे जगभरातील जाणकार आणि तज्ञ सुद्धा सतर्क झाले आहेत.
(वाचा :- डायबिटीज, ब्लड प्रेशर, खराब कोलेस्ट्रॉल शरीराबाहेर फेकण्यासाठी खा हे 5 पदार्थ, चहा-कॉफीला चुकूनही लावू नका हात)
समोर आल्यात भयानक गोष्टी – 19% वाढतो धोका
संशोधकांच्या मते, प्रक्रिया केलेले अन्न खाल्ल्याने कोणत्याही कॅन्सरचा धोका 2% आणि गर्भाशयाच्या कर्करोगाचा धोका 19% वाढू शकतो. म्हणूनच जगभरात याबाबत अलर्ट दिला गेला असून लोकांना आपल्या आहारशैलीबाबत पुन्हा एकदा विचार करण्याचा सल्ला दिला जातो आहे.
(वाचा :- मुळव्याध, पोट साफ न होणं, डायबिटीज यासारखे शरीर आतून पोखरणारे तब्बल 20 भयंकर आजार मुळापासून उपटतात या 6 गोष्टी)
6% वाढू शकतो मृत्यूचा धोका
इतकेच नाही तर या गोष्टींमुळे कर्करोगाने मृत्यू होण्याचा धोका 6% वाढू शकतो तर गर्भाशयाच्या कर्करोगाने मृत्यू होण्याचा धोका 30% वाढू शकतो.
(वाचा :- 2023 Budget – खनिज व व्हिटॅमिनचं भांडार आहेत हे पदार्थ, रोज खाल्ले तर वयाच्या 60 नंतरही होणार नाहीत गंभीर आजार)
कोणते पदार्थ आहेत घातक?
अल्ट्रा-प्रोसेस केलेल्या खाद्यपदार्थांच्या यादीमध्ये फ्रेंच फ्राईज, सोडा, कुकीज, केक, कँडी, डोनट्स, आइस्क्रीम, सॉस, हॉट डॉग, सॉसेज, पॅकेज केलेले सूप, फ्रोझन पिझ्झा, तयार जेवण आणि तेलकट पदार्थ यांचा समावेश आहे. हे सर्व पदार्थ चवीला जरी भारी असले तरी ते तुमच्या जीवावर सुद्धा ‘भारी’ पडू शकतात. त्यामुळे असे पदार्थ खात असाल तर सावधान, तुम्ही तुमच्या आयुष्याशीच खेळ करताय असे म्हणावे लागेल.
(वाचा :- शास्त्रज्ञांचा शोध – हाडांचा भुगा होऊ नये म्हणून Vitamin D नाही ही 1 गोष्ट खाणं गरजेची, प्रत्येक घरी सहज मिळते)
कसे बनते प्रोसेस्ड फूड
संशोधकांचे म्हणणे आहे की, प्रक्रिया केलेले अन्न हे चव वाढवून ते दीर्घकाळ टिकावे या उद्देशाने बनवले जाते. यामुळेच हे पदार्थ बनवताना त्यामध्ये विविध प्रकारचे रासायनिक रंग आणि अशा गोष्टींचा वापर केला जातो, ज्यामुळे हे पदार्थ आकर्षक होतात.व पाहता क्षणी ते खाण्याची इच्छा निर्माण होते. शिवाय त्यांची चव सुद्धा आवडू लागल्याने आपण हळूहळू अशा पदार्थांच्या आहारी जातो. मागील अनेक अभ्यासपर संशोधनातून असे दिसून आले आहे की अल्ट्रा-प्रोसेस्ड अन्नाचे नियमित सेवन केल्याने केवळ कर्करोगच नाही तर लठ्ठपणा, हृदयविकाराचा झटका, स्ट्रोक, टाइप 2 मधुमेह आणि मृत्यूचा धोका देखील वाढू शकतो.
(वाचा :- आरोग्य मंत्र्याला गोळी झाडून ठार करणा-या पोलिसाला हा भयंकर आजार, हे रूग्ण छोट्याशा गोष्टीसाठी करतात थेट हत्या)
कॅन्सरची सामान्य लक्षणे
कॅन्सरबाबत योग्य ती जागरुकता निर्माण झाली नसल्याने आज सुद्धा लोकांना कॅन्सर बाबत अनेक गोष्टी माहित नाही. एवढेच काय तर कॅन्सरची सामान्य लक्षणे काय आहेत हे देखील अनेकांना माहित नाहीत. ती जरी माहित असती तरी वेळीच कॅन्सर ओळखून कित्येक जीव वाचले असते. चला आज कॅन्सरची सामान्य लक्षणे जाणून घेऊया. मल-मुत्र त्याग करण्याच्या सवयींमध्ये बदल होणे, जखम वेळीच ठीक न होणे, ब्लीडींग वा डिस्चार्ज, गाठ तयार होणे, अपचन होणे वा गिळताना त्रास होणे, सतत खोकला होणे आणि मुख्य म्हणजे आवाज बसणे होय.
(वाचा :- आतड्यातील विषारी घाण झटक्यात काढून फेकतात हे 5 पदार्थ, गॅस, अपचन, पोट साफ न होणं सर्व समस्यांचा उपाय किचनमध्ये)
डिस्क्लेमर: हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.