CA Final Result: देशात सीए परीक्षेत हर्ष चौधरी प्रथम

देशपातळीवर नोव्हेंबर २०२२मध्ये घेण्यात आलेल्या सीए परीक्षेचा एकत्रित अंतिम निकाल ११.०९ टक्के लागला आहे. सीए अंतिम परीक्षेत इंदूर येथील शिखा जैन आणि मंगळूरू येथील राम्याश्री यांनी एकत्रित द्वितीय क्रमांक पटकाविला आहे. तर नवी दिल्ली येथील मानसी अगरवाल हिने तृतीय क्रमांक मिळविला. देशपातळीवरून सीएच्या अंतिम ग्रुप एक परीक्षेला ६५,२९१ विद्यार्थी बसले होते. यातील १३,९६९ म्हणजेच २१.३९ टक्के विद्यार्थी या गटात उत्तीर्ण झाले. तर सीए अंतिम ग्रुप दोन परीक्षेला देशातील ६४,७७५ विद्यार्थी बसले होते. यातील १२,०५३ विद्यार्थी उत्तीर्ण झाले. या गटात १८.६१ टक्के निकाल लागला. तर या दोन्ही गटातील परीक्षेला २९,२४२ विद्यार्थी बसले होते. यातील ३,२४३ विद्यार्थी पास झाले. या दोन्ही गटातील परीक्षेला बसलेल्या विद्यार्थ्यांचा ११.०९ टक्के निकाल लागला.

देशात सीए इंटरमिडिएट परीक्षेत कर्नाळ येथील दिक्षा गोयल ही तरुणी देशात प्रथम आली. तर मुंबईतील तुलिका जलान ही द्वितीय आणि जयपूर येथील सक्षम जैन तृतीय आला. सीए इंटरमिडिएट परीक्षेत देशभरातून ग्रुप एकमध्ये एक लाख २६५ विद्यार्थी बसले होते. यातील २१,२४४ विद्यार्थी उतीर्ण झाले. ग्रुप एकचा २१.१९ टक्के निकाल लागला. ग्रुप दोनमध्ये ७९,२९२ विद्यार्थी बसले होते. त्यात १९,३८० विद्यार्थी उत्तीर्ण झाले. या गटाचा २४.४४ टक्के निकाल लागला. तर दोन्ही गटात ३७,४२८ विद्यार्थी बसले होते. यात ४,७५९ विद्यार्थी उत्तीर्ण झाले. या गटात १२.७२ टक्के निकाल लागला.

IAS Success Story: रुग्णालयातल्या करोना वॉर्डमध्ये करायचा काम, मिथून पाचव्या प्रयत्नात बनला आयएएस अधिकारी

श्रीकर औसेकर याने द्वितीय, शुभम हिरणे तृतीय, सिद्धेश गणोरकर याने चौथा; तर किरण बोरा याने पाचवा क्रमांक मिळविला. नवीन सीएमध्ये हर्षल पाटणी, श्रीनंद मामीडवार, साक्षी गंगवाल, शिवम सोनवणे, तेजल सावंत, अनुजा जोशी, धनश्री भलगट, वरद पाठक, प्रतिक्षा कुलकर्णी, अनिकेत जाधव, धनश्री तांदळे, प्रतिक्षा साहुजी, अंकिता काळे, अनुजा साबू, सौरव अकोलकर, संदेश हिरप, अथर्व कुलकर्णी, विशाल वर्मा, अमोल सहाणे, प्रभाकर होडगीर, सुमीत मुळे, गौरव सहानी, अश्विन पालकर, गौरव फसाटे, पायल मुंद्रा, तानया बोरसे आदींचा समावेश आहे. यशस्वी विद्यार्थ्यांचे औरंगाबाद शाखेतर्फे अभिनंदन करण्यात आले.

विद्यार्थी विकास योजना आता देशभरात