राज्याच्या ग्रामविकास विभागाअंतर्गत बंपर भरती

करोना संसर्गाच्या काळात मे, २०२०मध्ये राज्य सरकारच्या उत्पन्नात मोठी घट झाल्याने आरोग्य, वैद्यकीय शिक्षण आणि अन्न व औषध विभाग वगळता इतर विभागांतील नोकरभरतीवर निर्बंध घातले होते. मात्र, दोन वर्षानंतर म्हणजेच मे, २०२२मध्ये जिल्हा परिषदेच्या अखत्यारितील सर्व रिक्त पदे पूर्वीप्रमाणेच जिल्हा निवड मंडळामार्फत जिल्हा स्तरावरच भरण्यास सर्व जिल्हा परिषदांनी मान्यता दिली होती. त्यानुसार सप्टेंबर, २०२२मध्ये शासनाच्या विविध विभागांनी सुधारित आकृतीबंध तयार करून वित्त विभागाच्या मान्यतेनंतर गट ड वगळता उर्वरित रिक्त पदांपैकी ८० टक्के पदे भरण्यास परवानगी दिली आहे.

स्वातंत्र्याच्या अमृत महोत्सवी वर्षानिमित्त राज्य सरकारने १५ ऑगस्ट, २०२३पूर्वी ७५ हजार पदे भरण्याचा संकल्प सोडला आहे. त्या अंतर्गत राज्याच्या ग्रामविकास विभाग अंतर्गत जिल्हा परिषदेच्या गट क संवर्गाची एकूण रिक्त पदांपैकी ८० टक्के पदभरती करण्याचा निर्णय घेतला आहे. शासन निर्णयामध्ये राज्यातील ३४ जिल्हा परिषदांमध्ये सुमारे ६ हजार नोकरभरती होणार असल्याचे सांगण्यात आले. मात्र, या पदभरतीत वाहनचालक व गट ड संवर्गातील पदे वगळण्यात आलेली आहेत. गट ड संवर्गातील पदे सरकारने कंत्राटी पद्धतीने भरण्याचे धोरण राबविले आहे.

TMC Recruitment: ठाणे पालिकेत नोकरीची संधी, थेट मुलाखतीतून होणार निवड

ठाणे पालिकेत नोकरीची संधी

ठाणे महानगरपालिकेत(The Thane Municipal Corporation) विविध पदांची भरती केली जाणार आहे. यासाठी अधिकृत वेबसाइटवर नोटिफिकेशन प्रसिद्ध करण्यात आले असून पदासाठी लागणारी शैक्षणिक अर्हता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे.

ठाणे पालिकेअंतर्गत परिचारिका (GNM) पदाच्या एकूण ४९ रिक्त जागा भरल्या जाणार आहेत. या पदासाठी अर्ज करणारे उमेदवार मान्यताप्राप्त उमेदवार महाराष्ट्र राज्य माधमिक व उच्च माध्यमिक शिक्षण मंडळाची उच्च माध्यमिक शालांत परिक्षा (HSC) उत्तीर्ण असणे, महाराष्ट्र नर्सिंग काऊन्सिलची जनरल नर्सिंग व मिडवाईफरी (जी.एन.एम.) ही पदविका असणे आवश्यक आहे. बी.एस्सी. (नर्सिंग) असल्यास प्राधान्य दिले जाईल. तसेच उमेदवारांकडे एमएस सीआयटी किंवा त्यासमकक्ष प्रमाणपत्र असणे आवश्यक आहे.