मिथिला पालकरच्या लूकला नेटकऱ्यांनी केलं ट्रोल

Elle Awards 2022: मुंबईमध्ये काल (16 नोव्हेंबर) ELLE ब्यूटी अवार्ड्स 2022 चं आयोजन करण्यात आलं आहे. या पुरस्कार सोहळ्याला अनेक सेलिब्रिटींनी हजेरी लावली. या पुरस्कार सोहळ्यासाठी बॉलिवूड तसेच छोट्या पडद्यावरील अनेक सेलिब्रिटींनी खास लूक केला होता. वेब सीरिज क्विन मिथिला पालकरनं (Mithila Palkar) देखील या पुरस्कार सोहळ्याला हजेरी लावली होती. यावेळी मिथिलानं ब्लॅक ड्रेस, ब्लॅक शूज अन् सिल्वर ज्वेलरी असा लूक केला होता. तिच्या या लूकला अनेक नेटकऱ्यांनी ट्रोल केलं आहे. 

मिथालानं ELLE ब्यूटी अवार्ड्स 2022 साठी केलेल्या लूकचे फोटो आणि व्हिडीओ सध्या सोशल मीडियावर व्हायरल होत आहे. या पुरस्कारच्या रेड कार्पेटवरील  एका व्हायरल व्हिडीओमध्ये मिथिला ही फोटोसाठी पोज करताना दिसत होती. या व्हिडीओला कमेंट करुन सध्या नेटकरी तिला ट्रोल करत आहेत.

नेटकऱ्यांनी केल्या कमेंट्स 

अनेकांनी मिथिलाच्या ड्रेसला ट्रोल केलं आहे. ‘असं वाटतंय डबा लावून ड्रेस तयार करण्यात आला आहे’ अशी कमेंट करुन एका नेटकऱ्यानं मिथिलाला ट्रोल केलं. तर दुसऱ्या युझरनं लिहिलं, ‘दीदी प्लिज उर्फीपासून दूर राहा.’ 

Reels

पाहा व्हायरल व्हिडीओ: 

‘कप सॉन्ग’ मुळे मिथिला पालकरला विशेष लोकप्रियता मिळाली. मिथिलानं  ‘लिटिल थिंग्स’ या वेब सीरिजमध्ये काम केलं. तसेच  ‘कारवां’ या चित्रपटाच्या माध्यमातून तिनं बॉलिवूडमध्ये पदार्पण केलं होतं. मिथिला ही तिच्या अभिनयानं नेहमीच प्रेक्षकांची मनं जिंकते. ती सोशल मीडियावर देखील सक्रिय असते. तिच्या सोशल मीडियावरील पोस्टला नेटकऱ्यांची पसंती मिळते. 

वाचा सविस्तर बातमी: 

Little Things Prequel : ध्रुव आणि काव्या पुन्हा येणार प्रेक्षकांच्या भेटीला; ‘लिटील थिंग्स’चा येणार प्रिक्वल