भारताच्या दुसऱ्या वनडे सामन्यात पाऊस ठरणार व्हिलन, सामना उशिरा सुरु होणार का जाणून घ्या

रांची : भारत आणि दक्षिण आफ्रिका यांच्यातील दुसऱ्या वनडे सामना हा निर्णयाक ठरू शकतो. कारण हा सामान जर भारताने जिंकला तर त्यांना मालिकेतील आव्हान कायम ठेवता येऊ शकते. दुसरीकडे जर दक्षिण आफ्रिकेने हा सामना जिंकला तर त्यांना मालिका विजय साकारता येऊ शकतो. पण या सामन्यावर पावसाचे सावट असल्याचे म्हटले जात आहे.

भारताचा हा दुसरा वनडे सामना रांचीमध्ये होणार आहे. या सामन्यात भारताला विजय मिळवावा लागणार आहे. पण त्यामध्ये पावसाचा अडथळा निर्माण होऊ शकतो. लखनौ येथे झालेल्या पहिल्या वनडे सामन्यातही पाऊस पडला होता. त्यामुळे सामना उशिरा सुरु करण्यात आला होता. पावसामुळे हा सामान ४० षटकांचा खेळवण्यात आला होता. आता दुसऱ्या सामन्यातही पाऊस पडणार असल्याचे हवामान खात्याने सांगितले आहे.

रांचीमध्ये रविवारी पाऊस पडण्याची शक्यता आहे. सामन्याचा टॉस जेव्हा होईल तेव्हा पावसाचे सावट नसेल. पण दुपारी २.०० वाजल्यापासून पाऊस पडणार असल्याची शक्यता वर्तवली जात आहे. त्यामुळे यावेळी सामन्याचा टॉस जरी वेळेत होणार असला तरी सामना उशिरा सुरु होण्याची शक्यता वर्तवण्यात आली आहे. त्याचबरोबर सामना सुरु असताना पावसाचा काही वेळा व्यत्यय होऊ शकतो. त्यामुळे पावसाच्या व्यत्ययामुळे या सामन्यात षटकांची संख्या कमी केली जाऊ शकते. त्यामुळे पावसामुळे हा सामना रद्द होणार नाही पण सामन्यात व्यत्यय नक्की येऊ शकतो. त्यामुळे या सामन्यात पावसाचा व्यत्यय येणार हे नक्की असल्यामुळे जो संघ टॉस जिंकेल तो प्रथम गोलंदाजी करण्यासाठी प्राधान्य देईल. कारण प्रथम फलंदाजी करताना संघाला मोठी धावसंख्या उभारता येणार नाही.

खेळपट्टी
पावसामुळे लखनौ एकदिवसीय सामना ४० षटकांचा खेळवण्यात आला होता आणि रविवारच्या अंदाजानुसार रांचीमध्येही पावसाची २० टक्के शक्यता आहे. जेएससीए स्टेडियमच्या खेळपट्टीवर सहसा धावा जास्त होतात, या ठिकाणी पाच पैकी तीन एकदिवसीय सामन्यांत २८० पेक्षा जास्त पहिल्या डावात धावा धावा झाल्या आहेत.

संभाव्य संघ
भारत : शिखर धवन (कर्णधार), शुभमन गिल, ऋतुराज गायकवाड, इशान किशन, श्रेयस अय्यर, संजू सॅमसन (विकेटकीपर), शार्दुल ठाकूर, रवी बिश्नोई/शहबाज अहमद, आवेश खान, कुलदीप यादव, मोहम्मद सिराज.

दक्षिण आफ्रिका: क्विंटन डी कॉक (विकेटकीपर), जेनेमन मालन, टेम्बा बावुमा (कर्णधार), एडन मार्कराम, हेनरिक क्लासेन, डेव्हिड मिलर, वेन पारनेल/अँडिले फेहलुकवायो, केशव महाराज, कागिसो रबाडा, तबरेझ शम्सी/मार्को जॅनसेन/अ‍ॅनरिक नॉर्टजे, लुंगी एनगिडी.