​Battery Saver : फोनची बॅटरी सारखी संपतेय? चार्जिंग वाचवण्यासाठी या ६ टिप्स करा फॉलो

How to Save Battery : सध्याच्या डिजीटल युगात अनेक गोष्टी या आता स्मार्टफोनवर अवलंबून असल्याचं दिसून येत आहे. दरम्यान अशात स्मार्टफोनच्या वाढत्या गरजांमुळे स्मार्टफोनचा वापरही खूप प्रमाणात वाढला आहे. त्यामुळेच फोनची चार्जिंग देखील आजकाल जास्त वेळ टिकत नाही. त्यामुळे अत्यंत गरजेच्या वेळी फोन बंद होण्याची भिती असते, अनेकदा असं आपल्यासोबत झालंही असेल. पण तुम्हाला हे माहित आहे का, की कमी बॅटरीमध्येही तुम्ही फोन जास्त वेळ वापरू शकता. तर तुम्हालाबी कमी बॅटरी असताना देखील बॅटरी अधिक काळ टिकवायची असेल तर काही सोप्या टिप्स तुम्ही फॉलो करु शकता. विशेष म्हणजे गुगलने या टीप्स सजेस्ट केल्या आहेत. चला तर जाणून घेऊ नेमक्या या टीप्सबद्दल…

• 1 बॅटरी सेव्हर चालू करा
• 2 ​सतत कनेक्टिव्हिटी टाळा
• 3 ​स्क्रीन सतत चालू बंद करु नका
• 4 हेवी ॲप्लिकेशनचा वापर टाळा
• 5 फोनची कनेक्टिव्हिटी लिमिटेड करा​
• 6 ​वायफायचा योग्य वापरही गरजेचा

बॅटरी सेव्हर चालू करा

फोनच्या बॅटरीची टक्केवारी 15 टक्के होताच बॅटरी सेव्हरचा ऑप्शन स्क्रिनवर पॉपअप होतो. तेव्हा तुम्ही बॅटरी सेव्हर चालू करु शकता. पण हवं असल्यास तुम्ही आधीही बॅटरी सेव्हर चालू करु शकता. तुम्हाला वाटत असेल की बॅटरी झपाट्याने कमी होत आहे आणि पुढे बराच वेळ तुम्हाला बॅटरी टिकवायची असेल तर तुम्ही बॅटरी सेव्हर चालू करु शकता. सेव्हर चालू झाल्यावर, हेवी अॅप जसेकी मॅप हे बंद होतील. तसंच ईमेल आणि मेसेजिंग सेवांसह इतर अनेक अॅप्लिकेशन्स तुम्ही स्वतः उघडल्याशिवाय अपडेट होत नाहीत. यामुळे बॅटरी बॅकअप मोठ्या प्रमाणात वाढतो.
बॅटरी सेव्हर मोड चालू करण्यासाठी, सेटिंग्ज वर जा, येथे तुम्हाला बॅटरीचा पर्याय दिसेल, त्यावर क्लिक करा. यामध्ये तुम्हाला बॅटरी सेव्हर मिळेल, तो चालू करा.

हेही वाचा :  गाव करील ते राव काय करील! ओबीसींचा Empirical Data बनवणारं देशातील पहिलं गाव

​​वाचा :iPhone 14 ऑनलाईन स्वस्त मिळेल का ॲपल स्टोरमध्ये? वाचा सविस्तर

​सतत कनेक्टिव्हिटी टाळा

आजकाल आपला फोन सतत इंटरनेटशी कनेक्ट असतो, म्हणजे कायम त्याचं इंटरनेट ऑनच असतं. पण अशामध्ये सतत इंटरनेटशी फोन कनेक्ट केल्याने तुमची बॅटरी जलदगतीने संपू शकते. तसंच मोबाईल हॉटस्पॉट वापरणे, दीर्घ काळासाठी GPS वापरणे, व्हिडिओ पाहणे, म्युझिक ऐकणे यामुळे तुमची बॅटरी कमी असताना ती आणखीच उतरु शकते. तसंच कॉलिंगमुळेही बॅटरी उतरते. विशेष म्हणजे रोमिंगमध्ये प्रवास करताना जास्त कॉल केले तरी बॅटरी लवकर संपते. त्यामुळे चार्ज कमी असताना सततची
​कनेक्टिव्हिटी टाळणं गरजेचं आहे.

​वाचाःफास्ट चार्जिंग फीचर तुमच्या स्मार्टफोनसाठी किती फायद्याचं किती तोट्याचं?

​स्क्रीन सतत चालू बंद करु नका

गुगलच्या म्हणण्यानुसार जर तुम्हाला बॅटरी जास्त वेळ चालवायची असेल तर स्क्रीन पुन्हा पुन्हा चालू बंद करू नका. कारण बॅटरीचा सर्वाधिक वापर डिस्प्लेमधून होतो. जेव्हा फोन कमी बॅटरीमध्ये बराच काळ चालवावा लागतो तेव्हा व्हिडिओ आणि ग्राफिक्स असणारे गेमही खेळणं टाळलं पाहिजे. फोनचा ब्राईटनेसही कमी ठेवून सतत डिस्प्ले ऑन-ऑफ करणं बंद केलं पाहिजे.

हेही वाचा :  Smartphone Explode : हीच 'ती' ८ कारणं ज्यामुळे स्मार्टफोनचा स्फोट होतो, 'अशी' घ्या काळजी

​वाचा :जबरदस्त कॅमेरा, 80W फास्ट चार्जिंग! One Plus 10 Pro फोनवर धमाकेदार डिस्काउंट, १७ हजार वाचवण्याची संधी

हेवी ॲप्लिकेशनचा वापर टाळा

गुगलच्या म्हणण्यानुसार, बॅटरी जास्त काळ वापरण्यासाठी, कमी चार्जमध्ये असताना मोठमोठ्या म्हणजेच हेवी ॲप्लिकेशन्सचा वापर करणं टाळायला हवं. म्हणजेच तुम्ही कॅमेराचा जास्त वापर करू नये किंवा कोणतेही अधिक बॅटरी खाणारे ॲप्लिकेशन्स सतत वापरणे टाळावे. जसंकी सोशल मीडियावर रिल्स पाहणे, मोठ्या ग्राफिक्सचे गेम खेळणे, या साऱ्या गोष्टी करणं टाळावं लागणार आहे.

​वाचा:घराचं होईल थिएटर! Home Theater घ्यायचा विचार करताय? १० हजारांच्या आत हे आहेत बेस्ट ऑप्शन

फोनची कनेक्टिव्हिटी लिमिटेड करा​

जर बॅटरी खूप कमी असेल तर फोन एअरप्लेन मोडमध्ये ठेवा. यामुळे, तुमचा फोन गरजेच्या वेळी बंद होणार नाही आणि बॅटरीचा वापर मोठ्या प्रमाणात कमी होईल. आता तुम्ही म्हणाल यापेक्षा फोन स्विच ऑफ देखील करता येऊ शकतो. पण फोन सतत बंद-चालू केल्याने खूप जास्त बॅटरी वेस्ट होते. जर तुम्ही कमकुवत नेटवर्क एरियामध्येही मोबाईल वापरत नसाल तर तो एअरप्लेनमोडवर मोडवर ठेवणे चांगले. तुमचे डिव्हाइस कनेक्ट केलेले नसल्यास बॅटरी फार कमी प्रमाणात वापरली जाईल.

हेही वाचा :  Exclusive: खणाची साडी ठरतेय सेलिब्रिटींची पसंती, सणासुदीलाही ठरतेय खास

​वाचाःChatGPT की मानवी मेंदू, कोण जास्त तल्लख? इन्फोसिसच्या नारायण मूर्ती यांचं मोठं विधान

​वायफायचा योग्य वापरही गरजेचा

आजकाल आपल्यापैकी अनेकांच्या घरात वायफाय असतं. ऑफिसेसमध्येही वायफाय असतं. पण याच वायफायमुळे फोनची बॅटरी फार जास्त वाया जाते. त्यामुळे वायफायचा वापर योग्य तितकाच केला पाहिजे. तसंच जर तुम्हाला वायफाय वापरायचे असेल तर तुम्ही ते एअरप्लेन मोडमध्येही वापरू शकता. यामुळे बॅटरीचा वापर कमी होईल आणि तुम्ही तुमचे कामही करू शकता. कमी बॅटरी असताना ब्लूटूथ बंद ठेवणेही अधिक चांगले आहे.

​वाचाःPhone Hacked: ‘या’ पाच गोष्टी होत असतील तर समजा हॅक झालाय तुमचा फोन, होऊ शकतो मोठा तोटा​